No.16@曉青

chingtung1222 | 11th Dec 2009, 03:16 AM | 一般

今日又訓到12:00,不過就要早d出觀塘睇跌打,因為今日我將會忙得不可開交,好快咁出左去先,之後都趕得切,仲好趕0係大學站食左d野,好趕咁返左教院坐的士去沙頭角,基本上今日可能係我最後一次去沙頭角見呢班學生,有d唔捨得既,有好多學生都係我睇住佢兩年內不斷長大,不斷高,佢地仲識叫我一聲東老師,真係好開心,起碼仲記得我呢個只係同佢補習班既老師,仲會尊重我,下個sem未必可以再教佢地了,因為我時間表又改,而且其他人唔改我都可能無得教,算啦,再加上都要為自己著想,因為我都要其他學校寫reference比我,對我既將來搵工都有幫助,教完佢地之後又要返工,19-23 3c,今日上風雲,都預左有d人,我發覺我快左都係迫返黎,因為真係多人時,入機唔到我唔快,入完最忙既一場先發覺有一個更快既方法,就係入完一個餐即刻入取消,咁就快好多,算啦,起碼都覺得自己有d用,唔係最慢果個,收工之後又返jc,又開始做我既功課了!

留言(0) | 引用(0)

無得睇東亞運排球了!

chingtung1222 | 10th Dec 2009, 02:58 AM | 一般

今日由教院出發去九龍城教班,今日係最後一日教呢班學生了,真係寧願教沙頭角果班開心d,呢班都有d勞氣,教完呢3日就算了,都應該無咩可能會再見佢地,所以亦唔會比d咩禮物佢地,唔好煩,又漏左把遮,之後返學校拿,之後又去睇跌打,本來阿勝話今晚有得睇東亞運排球,話佢個朋友唔要,最後又話佢朋友要返,無得睇,算啦,最後又返左ied,選擇繼續完成我既功課,今日做d,聽日做d,希望快d可以做完!

留言(0) | 引用(0)

眼痛!

chingtung1222 | 9th Dec 2009, 05:30 AM | 一般

今日又要去九龍城教班了,其實同其他PARTNER真係無咩野講,所以都唔想同佢地打招呼,呢班學生好似有個係有語言障礙既,佢比過個FILE我睇,不過佢D成績又唔差,起碼默書好多野都識,但其他同學就唔太鍾意佢,又話佢成日喊,佢又的確幾THERE,咁大個人仲話自己係BB,有D唔知點,唔理佢了,今日同D學生默書,有一個因為錯得多要罰抄,所以又喊,D小學生真係好眼淺,教完之後又去睇跌打,又$200,好慘,希望保險果度有得CAM,如果唔係真係仲慘過病,今日無返工,話返唔倒,最後決定返IED做功課,又唔知食咩好,所以去左E CAN,是但啦,好一餐唔好又一餐,快D食完諗住做功課,但點知對眼真係好痛,痛左成晚,痛到只係合埋眼好D,好似比人禁住個眼球咁,好辛苦,最後一樣功課都無做過,又白白浪費左成晚,真係慘!

留言(0) | 引用(0)

睇跌打!

chingtung1222 | 8th Dec 2009, 03:28 AM | 一般 | (1 Reads)

今日又無做功課,不過就去左教班,今日都係去九龍城教,學生少左,我都覺得輕鬆左,唔駛咁辛苦,而且佢地真係有D煩,我鍾意沙頭角班學生多D,因為佢地真休乖D,而呢班就真係比煩,教完之後去左睇跌打,本來諗住唔睇,之後都係決定去啦,因為真係有D痛,比人瘁果陣真係好痛架,真係好怕呢種感覺,果度仲要係唐樓既4樓,仲要行樓梯,都好慘下,睇完之後其實都唔係好想去練波,始終自己又練唔倒,好慘既,不過阿佬同我都有D傷,佢去我又去啦,今晚得7個人去,出面睇真係覺得有D唔知點,而且D人猜波都猜到走來走去,真係覺得無咩前途可言,真係有D想走,我都唔太想留0係一D無前途既地方練波,練完之後又返屋企,又一日...

留言(0) | 引用(0)

又傷!

chingtung1222 | 7th Dec 2009, 02:07 AM | 一般 | (3 Reads)

今日又訓到成16:00先安樂,係咪有渴睡症呢?起身之後本來唔想去練波,因為18-20 佢地練街場,最後都係決定去啦,因為呢個係同隊波混熟既好機會,之後落左樓下食野,但等左好耐,所以最後都遲到左成半個鐘,去到街場,有個都係新既人,佢見到我著ied 件衫就知我係ied,原來佢都入左ied排球隊,不過同佢猜波真係有d 辛苦,佢基本真係麻麻,之後猜左一陣,教練就叫我去接一傳,接果個唔駛殺波,不過要我打大搥,好辛苦,我一向唔係呢個style,我連入果個位都有d問題,更何況要我打,真係打到想死,之後食左d野就上體育館練波,開頭要練下攔網先,不過我真係好耐無做過呢d練習,唔知想點,做到有d上氣唔接下氣,之後就開match打,我地班c grade同b grade打,其實真係無得打,因為佢地技術確係好過我地,而教練亦已經有幫手打,個setter亦唔係set得好好,我0係前排同教練一排基本上都唔會有波打,無咩所謂,而其他人又好似唔係好出聲咁,次次要我出聲又好似好怪,不過唔出聲又唔係我黎既,唔出聲太靜了,又要我打中間,都幾辛苦,對面攔網高,而且一有一傳佢地又會做戰術,所以都幾辛苦,教練話希望我地頂高個波已經好夠,不過真係好難呀,打左一陣之後唔知隻左腳咩事好痛,都想叫個自由人幫我守下,最後都係自己頂住,教練都睇倒我有d散,我真係靠意志頂住,因為真係好x痛,之後直情要行到吉吉下,其實都唔知幾時整倒,返到屋企仲腫埋,真係好大鑊,希望快d無事啦!

留言(0) | 引用(0)

得寸進尺!

chingtung1222 | 6th Dec 2009, 02:47 AM | 一般 | (1 Reads)

又好好訓,其實都唔知好定唔好?之後又訓到成16:00先起身,好似越訓越眼訓咁!之後又起身無耐去買野食,食完又睇下<宮心計>,之後又準備過林士德打波,同kelvin佢地打,今日我地輸多贏少,都打得幾差,我每次打之前都同自己講要打好d,但好似成日都事與願違,當然自己都打得唔好啦,但其他隊友又好似麻麻地咁,排球係一個整體,一個隊友打得唔好就會對呢個整體有影響,一個人上唔倒網,前排就會有卡輪,或者前排攻極都拿唔倒分,亦一樣會過唔倒,我同自己講要打好d,先可以配自己打上一隊更好既球隊,我承認自己有離心,我好想打好d,而家技術一定唔可以,希望新既球隊可以對我有所轉變,咁當然,自身既努力一定唔少得,我唔想再比人覺得我係打得差,打完之後同大家食野,食完之後又返屋企!

我發覺有d人都好鍾意踩住人上,我自問係一個都幾就得人既人,唔該唔好得寸進尺,奚落我都算,但唔好話埋我d好朋友,我d朋友全部對我好好,我一向唔係好恰,但有時人夾人既野,我就下你真係無所謂,容忍有限度,我可以對一d唔值得既人好惡好賤,不屑一顧,但我同樣可以對人好好,我一直唔想做前者,對人好都唔得,一直不求回報,只係從心出發,唔該比返少少尊重我!

留言(0) | 引用(0)

做過d咩?

chingtung1222 | 5th Dec 2009, 02:37 AM | 一般

今日做過d咩呢?我都唔知,我只知自己訓到成1:30先起身,之後就出左圖書館想做功課,之後一見倒d丐功課就眼訓,完全係唔想做,一眼訓又訓左一陣,我都唔知點解自己可以咁好訓?訓到咁上下又睇<宮心計>離譜,睇到咁上下就去7仔買野食,之後又無無聊聊地返工,真係好無聊,今日返18-24:30 bo+vip,我都有成3個月無落過bo,好多野改左都唔太知,而且又有新printer,雖然係可以自己cut飛,但個位就0係下面,所以出黎既飛就成日跌左落地,真係好麻煩,我寧願佢唔cut,好似之前咁,我地自己搣好過了,今日都唔多人換vip,得幾個,所以都唔係好忙,等等等,希望快d收工,早d返屋企!

留言(0) | 引用(0)