chingtung1222 | 18th Nov 2009, 02:41 AM |
一般 | (4 Reads)
琴晚早左訓,都訓得好好,可能實在太凍了,所以今日唔記得左起身book場,而家d場好難book呀,就算好準時入到個網,都未必一家book得倒,都唔知係我個電子慢定其他原因呢?今日要返學,10:30就有人打黎,原因係上星期6見果間教班話請我去代課先,都好呀,搵返多d$,不過都係得$80一個鐘左右,請左我既時間都係12月中左右,希望唔好好似之前果兩班咁,簽左約都開唔成,希望今次開得成啦!之後起身返學,今日都係返果科常識必修科,終於係irene教,好好多,起碼有問必答,而且佢講d野都無咁複雜,起碼我都有心機聽下,比d泥膠叫我地做昆蟲,真係完全唔掂,仲要做螞蟻,我完全無美術天份,所以真係唔知整左d咩出黎,自己睇完都覺得好笑,落堂之後又出左富善gym,都唔係好多人,今日主要都係做胸同腹,點解都仲係無咩成果咁?不過我都係做左一陣姐,希望真係持之以恆,我都真係要堅持呀,唔可以放棄,要加油,夜晚返工,19-23 3c,接mei ling都好好,起碼返到黎咩都唔駛refill,有個新既女同事,之後會去荃灣做,不過佢實在太多野講,我都忍唔住話佢煩,夜晚條數都ok,不過都有d人,所以我成23:30先走得,今日19:01先打倒卡,個死人卡鐘又越行越快,離哂譜,放工遲左半個鐘,估唔倒都仲有驚喜,有d開心既!
chingtung1222 | 17th Nov 2009, 00:46 AM |
一般
今日一早起左身,又要book場,頂,攪咩呀?而家成日都book唔倒,條氣真係頂住,攪到book唔倒之後都訓得唔太好,11:45起身返學,又上廢ge,掙扎左一陣返唔返好?最後都係返啦,因為上堂都已經無返了,死就死啦,返到去叫左豪仔拿部notebook比我,如果無既都唔知點捱,太辛苦了,根本就唔係上堂,係做自己野,之後又上ie,呢科ie又係廢既,香港有幾多個資優學生?有既都去哂名校啦!都唔知學咁多呢d野黎做咩?不如學下其他真係有機會接觸倒既學生,去了解下佢地有咩需要好過啦!上果兩個幾鐘,得個professor係咁講,真係好悶,我真係聽唔入耳,唔想聽,自己0係度發夢,幾經辛苦先捱到落堂,之後就出去左quarry bay gym,今日可能好凍,所以無咩人黎,都係得3-4個左右,今日主要做背同3頭肌,有跑步,又有做下腹,睇左朋友既advice,佢話腹可以勤練,因為真係最難練既地方,希望我可以捱得住啦!叫左自己忍手但又忍唔住,有無攪錯,今晚早d抖了,真係好累!
chingtung1222 | 16th Nov 2009, 03:59 AM |
一般 | (1 Reads)
今日唔駛返工,實在太累了,又訓到15:00,太好訓,之後無耐就落左去地鐵站買野食,無去gym,因為真係有d累,2頭肌有d痛,所以決定休息一日啦!聽晚我會繼續去,比心機既,今日留0係屋企都有做過d有建設性既野,就係plan下自己個gym過程,應該做d咩?睇過一d比較平既gym centre,有私人教練,而且又唔係好貴,有d想join,諗下先啦,我d朋友有d有好好既體形,好令人羨慕,唔知我可唔可以有?最後我決定的起心肝去做到最好,好想安排自己既gym plan,但有時都唔知可唔以堅持,而且有太多未知數,例如有時因為做功課又無時間去,一唔去就停幾日,咁係唔好既,我唔會再羨慕人,我要人地羨慕我呀!
chingtung1222 | 15th Nov 2009, 03:41 AM |
一般
今日又要去interview,in左都唔少份,不過好似都無咩回音,係咪我有問題,定係我d科根本就係太冷門呢?而家搵既$真係唔太多,助宿金又無著落,真係好慘,之後又要實習了,邊有時間可以搵咁多part time呢?再係咁真係無咩$,完全唔掂,今日去見都有幾個人,填完form之後就好平常咁傾下計,我唔知佢請唔請,只係話保持聯絡,唉......見步行步啦,之後又去左花園街gym,今日主要做腳同2頭,其實做2頭就到最尾都已經無咩力了,無力到舉唔起,之後都無計,發覺自己好似無咩進步咁,之後又要返工了,今日返15:15-25 3c,接angie,mei ling係bar mid,我真係寧願mei ling係bar mid好過,因為angie真係得把口,玩過touch screen,基本上收$一定會慢左,但boat又話唔會,但因為個新系統太多問題問,又要揀飲咩,又要揀焦糖,仲要入埋個客個位,所以就算熟都係會慢,因為之前舊系統只係禁3個制左右就可以周圍行做野,呢個新既一定要企定定禁好,我唔係只收$,我仲有好多野做,又要斟汽水,邊係可以坐定定收$,你估大家樂咩?boat係要話唔會慢,我都費事同佢嘈啦!今日好忙,好采夜晚都有sang幫我,.而且佢又有allowance,大家都好,我又可以只係遲15分鐘走得,都幾好呀,收工又一日,今日又開始凍了!不過凍得黎都幾開心呀!
chingtung1222 | 14th Nov 2009, 03:17 AM |
一般 | (1 Reads)
今日13:00起左身,因為14:00左右約左now個師傅黎裝解碼器,點知14:30打黎話最快都要17:00先黎倒,攪錯,阻住我d時間,所以我叫佢唔好黎,之後睇埋電視就出左去gym,最後去左荔景,因為做完之後可以0係青衣join angus同10,今日主要做胸,d啞鈴全部轉哂做kg,差d唔識睇,之後都係自己乘返個倍數,其實轉左kg都好,因為可以逐漸加磅數,而lbs一加就加幾磅,無咁好,不過唔係所有體育館都係咁,所以又係麻煩,之後做完就去左青衣同佢地食野,再去楓樹窩打波,今日打得好差,叫左高佬樂黎,真係完全係小朋友波,打得唔太好,雖然真係可以打死人,但都算係小朋友波,完全係一人排球,成日搶setter d波,可能佢0係tpu成日都係咁啦!咁我唔知了,之後仲要我去set波,我都set左幾場,不過不失啦,eric佢地已經知道我會set去邊,所以佢地都會好就好,今日係黑色星期5,所以可能打得差D啦,之後同佢地又食野,希望下次會好好多啦!
chingtung1222 | 13th Nov 2009, 03:19 AM |
一般 | (1 Reads)
今日又逃學了,其實琴晚訓到半夜時有d肚痛,但又無得去痾,所以由得佢痛,都痛到訓下醒下,之後6:45起身book,頂...部死電腦又癲,又開開下成個畫面無哂,之前好差d,而家無啦啦又癲返,真係頂佢唔順,麻煩,攪到又唔book唔倒場,之後都係訓返,又唔返學,起身之後都要返ied,因為又要去沙頭角教班,今日對住班學生都惡左,所以佢地都出奇地靜,好hae又過左個半鐘,之後又出返去返工,今日返19-23 6c,今日無啦啦多左好多coupon,因為bo派熱食coupon,所以都有唔少人買野食,熱食就最多,反而爆谷少左人買,一返到去d熱食單又勁多,所以都無咩點停過,埋數後多左$14,今次一定要記得寫了,放工後同bb去左食野,吹下水又一日了!
chingtung1222 | 12th Nov 2009, 01:44 AM |
一般 | (1 Reads)
今日本來諗住去石澳曬太陽,最後都係無去,因為掛住訓,不過今日都無咩太陽,所以就算去左都無用,本來一切都準備好哂,不過算啦,由得佢,之後起身吸下塵,上cctv live又睇唔倒女排大冠軍杯,由得佢,食左公仔麵之後又hae下,等睇宮心計,夜晚食完飯又一日,當我0係屋企做緊fitness時突然有隻小強飛左去台面,嚇死,以前既我或者會叫老娘起身,但我最後都係自己拿左支殺虫水攪掂左佢,我都覺得自己好犀利了,以前會唔知點算,而家就一定要殺死佢,唔係佢死就我忙,殺死佢,一定要,之後又回復平靜了!
