追更追到就黎死,好眼訓呀!今日返9:15-18:35,難得一日既6C,今個星期得一日係6C,好頹,日日都3C,不過我都會盡力做好佢,唔會再SHROT$,早場得果$3XX,真係好差,我有SELL餐架!不過人地唔買都無計!入完早場就去買早餐食!好采仲有!今日生意得$4XXX,真係唔算好忙,當然要開DRAW2,對比起3C,個BAR就真係細好多既!4點幾埋數,無啦啦唔見左12粒燒賣!真係仇家多,所以比人偷左,今日已經有進步!起碼D野已經無咁亂!入番D野都有幾蚊多左,不過都無寫啦!ANGIE佢地收工去打牌,攪到我又想去,不過最後佢地已經約齊左,麵諗住返屋企算數,點知薯蛋頭同底褲又撩我打,又話開多台!不過要等到佢地夜晚3:00,真係好夜!不過死就死啦,橫掂都新年,後尾叫埋阿LUN去!上去同芝士MAN傾左一陣計,真係好佩服佢咁專一,不過如果我係佢,可能我都會咁,希望佢可以守得雲開見月明啦!之後都要返屋企恰一恰先得,訓左兩個鐘左右,坐薯蛋頭CAM$架的士過黎旺角!等左佢地一陣就開始啦!不過當時都已經3點幾啦!今日D牌其實唔太差,不過運氣就好差,薯蛋頭坐我下家,但我都諸佢唔倒,到頭黎我做咩牌佢就做咩!仲要係食返我轉頭,真係好激氣!頭4圈都已經輸左成$400比佢,之後有輔大牌,仲要比人截糊!激死我,食左輔自模5番仲要比薯蛋頭串我!話我咁細都要食!打左16圈!打到第2日12點,真係好累!最後薯蛋頭一家羸3家,羸成$1000,我輸$500,LUN輸$475,底褲輸$400,阿仲最好,落黎頂一頂薯蛋頭去廁所,就自模8番,淨袋$160,打完之後坐佢地的士返去訓2個鐘又返工,真係慘!
chingtung1222 | 30th Jan 2006, 00:54 AM |
一般 | (43 Reads)
今日要追更,所以訓得3個鐘左右,好眼訓!返到去咩都唔駛開,基本上淨係數野同拿FLOAT!因為佢地好多都係今朝6點幾先收工,所以D野都唔駛關啦!而我就返8:45-18:20 3C,早場靜到嘔!得果$147!入完之後就同嘉汶&阿石去食早餐!其實今日真係唔算好旺!琴日好似話比RAYMOND話我地唔開DRAW 2,所以今日一定要開,唔開就比人嘈!2點幾場都要開一開!今日差D比人偷袋!有一家人買左個NANIA餐!之後我"不"爆谷時見到個女人拿住個大NANIA袋"島"D爆谷落細NANIA袋!我即刻話:小姐,D袋唔可以比你架!佢仲話頭先問過我地D同事,果個同事比佢!一定無可能架!因為頭先得MAY MAY"不"爆谷,係同事都知所有袋唔可以比人!所以我都即刻大返佢問佢邊位同事?佢都淆哂底話你地D同事囉!之後佢老公去完廁所出黎,佢問返佢老公,佢老公都話無人比袋佢!好明顯D客就係咁鍾意屈我地!好采最後都可以拿得番,如果唔係SHORT$22呀大佬,好拿利架!入完4點場就埋數啦!不過我只得40分鐘去埋,所以真係好趕,好多人幫我數野,但都數錯唔少野!薯蛋頭用佢既方法埋數,不過最後都係埋唔掂!最後都係要睇返PRODUCT SELL REPORT先得,所以前後係埋左2次數!由於好多野唔岩既關係,基本上都係埋唔切數!明明要REFUND既野就入左機,要入左機既野就去左REFUND!頂!亂到不得了!得果$56XX,唔算好忙,都唔知點解可以咁!最後攪掂哂多左$58,不過我比哂阿KWAN,因為17:15果場佢手MARK數,我驚佢今晚會亂!不過我講笑咁講話阿詩手MARK都無亂?之後佢話唔開心,因為我咁話佢,不過我知佢係講笑!講真!對自己今日做BAR主都幾失望!一來唔係好忙條數都唔係太岩!當然100%岩哂係好難,但都唔係咁嗎!我覺得佢地比得我大日子3C,就係信任我,我令人失望,更令自己失望!我唔接受咁亂既自己,可能唔夠訓啦!之後一定唔可以再咁亂!
另外,今日臨收工時發生左<BB無義氣事件>,激到MEI LING死,話說係今日入場MEI LING同BB一齊"MIT"飛!有個客帶野食入場!MEI LING照捉!但個客就話唔駛理佢照入場,咁MEI LING就同BB打眼色叫佢截住個客,點知BB完全無反應!攪到MEI LING無哂面!覺得大家同事都唔撐大家,最後我都有問返BB咩事!佢話以為MEI LING打眼色既意思係叫佢如果見到個客入場食就捉佢!同埋又唔夠訓,所以當時無行動!我係BB朋友當然信佢同明白佢啦!知佢唔會講大話,不過人地就覺得佢唔得同無義氣!所以當時我都不願置評!我諗呢件事好快就全公司都知!臨收工倒瀉左精神食糧---奶茶!激死我!
放互就返屋企啦,真係好累,人大左,已經好少去拜年,再加上呢份工,所以已經好耐無同人拜年!不過我覺得今年對我各黎講完全無新年氣氛,得一個字---悶!返工收工就好似平時咁!悶到唔知想點!返屋企食糕,唔想食都要食,之後又訓左個幾鐘,訓到12點幾,比老娘關房門聲+電視聲嘈醒,好累都係咁醒訓!問你死未?唔鍾意拖住既感覺,反正都醒左,打埋日記先訓!早抖!
chingtung1222 | 29th Jan 2006, 01:26 AM |
一般 | (35 Reads)
本來今日要早d起身去飲茶,但琴晚都成4點幾先訓,好累,所以最後都係無去到,其實都好耐無同屋企人食飯,不過我屋企人真係唔多,算啦!下次再食!今日返13:45-23:10 3C,今日真係比想像中靜,同上年真係差好遠!鬼叫公司咁遲先預售咩,好似我地仲急過上頭咁,正一係皇帝唔急太監急!我地要催上頭先做野咁!今日同美玲MEI LING一齊BAR!基本上兩個人都可以攪掂,DRAW 2都唔駛開!2點幾就去食飯,食完就幫佢埋數,好快攪掂,得$4XXX,真係好差!呢排黎左唔少新同事!有一個叫MARS既男同事,係WINNIE以前既同學!不過我係叫佢火星同事!唔知點解佢咁鍾意入黎CANDY BAR!仲要"MOU"埋0係度睇CANDY BAR既NOTICE,阻住我地斟汽水先頂癮,MEI LING都忍唔住講笑咁講句:行開啦!唔好阻住哂!我都忍唔住問佢一句,係咪好想學?係我就同MAY MAY推薦!佢又話唔係!埋完數之後就入左寫字樓打野!夜晚個BAR係阿詩,一向PART佢都好順暢,但阿昌唔知點解成日都好似神不守舍咁,佢話累!不過希望佢無事啦!之後上左去同女皇小姐,阿仲同奶媽吹水,好好笑,奶媽係一個好得意既人見到佢就想"MIT"佢果D小朋友!佢0係度大我地話:$5渣個胸一次,女皇小姐即刻比!之後又話新年要DOUBLE,得無問題,比夠$10,即刻話唔玩!其實我地都係講下笑!不過佢既反應真係好得意!靜到死咁又收工!換完衫唔記得拿番個水樽,我肯定放左0係7樓張桌度,點知上到去就唔見左,點知比佢地收埋0係微波爐!激死左!最後,我覺得自己真係越來越識做戲!假都連自己都覺得驚!
PS:今日收到好多短訊,多謝大家既祝福!我都希望大家新年快樂,心想事成,最緊要身體健康!無健康=咩都無!
chingtung1222 | 28th Jan 2006, 02:59 AM |
一般 | (31 Reads)
如果唔係侯小姐要計出席率!我逢星期五一定DAY OFF!根本返黎都無用,係咁聽人PRESENTATION!真係勁無聊!又唔係教書,好似比$返黎坐咁!今日派左文化份報告!得13/25,其實真係比較低分,侯小姐有讚我地架!不過都比得咁低分!今日侯小姐講左一句得罪茵茵既說話!就係佢話如果你都得既,大家都會得!好似貶緊茵茵咁!之後茵茵話自己係實用文小公主!想寫信投訴佢!笑爆咀!
上堂時隊長打過比我話叫我去澳門,不過我要返工,所以推左佢,之後卵同佢講今晚叫左SIMPSON,其實隊長一直唔太鍾意佢,原因無人知,所以佢都話今晚佢唔黎,佢覺得打波為開心,費事到時面左左!其實我都好難做,手掌又係肉,手背又係肉,今次如果唔係唔夠人我都唔會叫SIMPSON!我自己一向尊重佢,因為佢係我排球既啟蒙教練,雖然佢識打唔識教,而且仲係得個鬧字,但我係服既,因為佢講既野係有道理!我願意接受人地批評,我開波過網都係因為佢鼓勵同鬧,之後既跳飄球都係佢鼓勵我開,不過而家已經無開啦!係佢教識我打波要出聲同TEAM SPIRIT,點都好,我份人飲水思源,一日為師,終身為師!我會好樂意叫佢一聲教練或名阿SIR!至於而家呢個,佢係教倒野比其他隊友,不過我做一D都接收唔倒!可能我自己有問題啦!邢家既我如果有更好既選擇,可能我會離開呢隊波!14:00落堂返公司幫JUDY買完飛後就返屋企抖抖!阿佬話聽晚打牌,原本約好哂,不過最後因為我睇錯更表,以為後日返夜,但原來係返早,改第2日又唔得,咁唯有等下次啦!
坐地鐵過蕙荃果陣收到SIMPSON電話,其實都估到佢可能唔得閒,點知真係估中!佢話而家先岩岩開完會黎唔倒,真係有D失望,不過算啦!唯有等下次啦!不過星期五真係未必叫得佢,始終隊長個個星期都會到!而家好似做到有你無我咁,我都唔想順得哥情失嫂意,所以都未必再叫佢啦!所以我都即刻叫隊長出黎,佢本來要食團年飯,最後食一陣就出黎,所以都算係咁!今晚好好玩,因為JUDY叫左D勁人黎,好多局都打平手!阿鏗佢地都有0係隔離練波,而家阿豪打得好好,已可以側滾!咁高都做倒好犀利!同嘉裕講左幾句,見人地無教練自己練波都有板有眼,相反我地就潰不成軍!我要既並唔係咁,真係有D自愧不如!阿鏗身體有D問題,我一向當佢朋友,所以都有D擔心,佢一定無事既!
打完想是但食D野就算!點知佢地話就黎新件年食豪D所以出左旺角打邊爐!攪笑既係我同阿樂一人一邊上左的士,我話唔坐中間,所以關左的士門,咁RICKY就過另一邊上,點知阿樂又關埋門,隊長就自己坐車頭!我地上哂車得返RICKY一個0係出面,阿樂仲話點解咁鬆動,果個環境真係好好笑!我足足笑左5分鐘,笑到喊左幾獲!笑死左,打完邊爐就返歸啦!
chingtung1222 | 27th Jan 2006, 04:00 AM |
一般 | (37 Reads)
可以訓晏少少!明知今日考文化,但我仲慢條斯理咁返學!遲到都唔理佢,不過最後都無遲!上到去都仲未捨得開始考!明明話14:00開始,遲到成14:20先開始,上次果條多咀8婆,又話人地開書考讀咩書?卒之咪一樣打開NOTES考!仲要係大大份!死8婆,下次再試下撩起我把火,睇下我剷唔剷到你上天花版?果份死人卷,我答左大半版已經無答,都唔知有咩野可以寫?做完就算數,之後上左校務處問佢申請延遲學費既野,又話要再寫封信比佢,真係好煩!有$我唔交咩?咁我而家係無呀嗎!跟住再落旺角拿返張信用卡!本來諗住返去睇購物狂,點知又無16:00,算數,攪掂哂返公司食下午茶!阿BEN話今日美玲無時間埋數,話無時間埋,美玲話入完2點場埋佢又話唔好,所以佢話今日不如唔好埋數,等夜晚一次過!佢就講得客易,難為夜晚埋數果個!所以MAY MAY死都唔肯!好采最後對完條數先比我!不過今日都SHORT左$21!朱古力CHURRO無啦啦唔見左枝!我懷疑係今日已經唔岩,因為我無賣過朱古力味!不過算啦!今日唔算好忙,夜晚有$45XX!嘉汶今日整左個好突破既髮型,好型!另外,佢今日好谷氣,谷氣都唔開心!希望佢唔好記住啦!自己做開左已經OK,唔駛理人點睇!今日掛住同女皇小姐佢地講野,竟然將芝士腸落左鼓油=_=,噢!我都話唔可以比人騷擾,真係癲左!攪埋D手尾都已經成2:00,好夜,即刻返屋企休息!
chingtung1222 | 26th Jan 2006, 03:01 AM |
一般 | (35 Reads)
真係好眼訓呀!如果唔係應承左STEPHEN返學,我諗我又走堂都似,真係好累!返到學校先知唔記得帶DIARY!我連0係邊度上堂都唔知,打比STEPHEN又無人聽!所以要等圖書館9:00開門,諗住上網睇睇!其實我見到一個類似我地TUTOR既物體,不過我又唔太肯定!如果問錯咪樣衰!所以都係等下啦!好采最後STEPHEN打返比我,如果唔係我都唔知0係邊度上堂,答案係何文田廣場!今日只係上9:00-10:00管理TOTORIAL,之後要等到13:00-14:00上語文TUTORIAL!其實管理果個TUTOR真係教得OK,D野又唔係太難!好生活化!不過個LECTURER就真係極差!上完堂之後過返學校食早餐!食完就上圖書館訓覺,不過唔知點解唔係太訓得著!下午仲要睇戲,諗住恰一恰,點知訓唔倒!等到夠鐘上堂,TUTOR=LECTURER!今堂完全係講韻母D野,我自從4年級之後都再無學過普通話,而家仲要跳左幾個STEP黎教我地,完全唔明,所以呢堂又變左姚堅同克冰冒既SOLO時間,佢地兩個係大陸人,所以講起上黎都易好多!
落堂後就BOOM BOOM聲趕返公司睇藝技回憶錄!呢套戲一直都想睇!不過驚自己會覺得悶而訓著,不過今日竟然無訓,仲由頭睇到尾,一個人睇戲其實都幾好!始終無人阻住,感動既可以喊,好笑亦可以大笑!總之就唔駛理其他人,仲有就係可以點坐都得!講返套戲!真係幾好睇,而且無悶場!鞏利同楊紫瓊真係做得好好,好入套,尢其係鞏利,奸得黎好好睇!其實章子怡已經好好,不過泊埋佢兩個都真係差少少!佢地D英文無想像中咁差,可以我仲差既關係,起碼我可以聽倒佢地講咩先!個結局有D峰迴路轉!最後係HAPPY ENDING!有一句對白令我好深刻!其實睇TRAILER時呢句對白已經吸引倒我入場!就係:I WANT THE LIFE THAT IS MINE!意思好簡單,我要擁有自己既人生,套戲入面係話做GEISHA根本係身不由己,自己無得揀!其實人生入面都係一樣,好多野自己控制唔倒,自己都唔想,自身難保!想擁有自己人生係一件好難既事!
睇完戲食埋野就慢慢等返工!見到女皇小姐,琴日佢生日,問佢有無同女皇先生燭光晚餐,佢話燈光晚餐就有,真係好鬼抵死!
笑死我!今日要換畫,其實都算快,因為有4套大片上,都幾多野攪,我入完7:00場都無再上過去幫手!佢地又話夠人,咁就算啦!23:30換完,比預期中快!都算係咁!之後同阿昌同阿恆去宵夜,阿昌一直0係度同佢女友傾就一直叫老婆仔,真係好難頂!我一定接受唔倒!真係寫個服字比佢!
chingtung1222 | 25th Jan 2006, 01:16 AM |
一般 | (38 Reads)
終於都願意起身返工啦!真係唔早我斬唔願返,9:00準時返到何文田廣場,其實今日果堂語文通論D野,基本上係以普通話為基礎,所以我呢D只係小學學過普通話既人真係未必跟得上!而且個LECTURER又講得勁快,好多野都唔太跟得切!到最尾個半個鐘開始講題外話,真係頂唔住又眠一眠!之後又去上多個鐘文化LECTURE!落得後就同英杰,刁蠻女俠一齊上華潤買飯,見個話學生平$2,我梗要啦!好采個阿姐都比我,佢話要其實要著校服先得,我話大學邊有校服架!而家好窮,所以慳得就慳!之後過返學校同姚同學,克冰佢地一齊食,食完既節目當然係去圖書館訓一訓,都有睇下文化考試D野既!過左3個鐘BREAK之後就去上埋果一個鐘管理LECTURE!呢堂D野其實一D都唔難!不過個LECTURER真係好廢,上堂公然聽電話不特止,仲成日好多野都唔記得!仲話要問返我地,好明顯就係佢自己唔記得啦!D野成日叫我地返屋企睇!真係好差!
本來今日唔駛返工,但下午0係圖書館訓覺果陣比個電話震醒左,第一次見無姓名無聽,我都有預感可能係公司叫我返工,之後再震第2次,算啦!聽左佢,原來係阿仲打黎叫我返19-22:15 6F+洗機,佢話搵唔倒其他人先搵我,佢知我最憎做FLOOR!仲要洗機!見係佢咋!比著第2個我一定唔會返!佢話要食團年飯,其實佢今日個更係13:30-22:15!佢19收工,之後就我頂埋佢!橫掂我都想返去攪定換畫D野,都無所謂啦!就黎過年,所以都好多野要攪!BB又放假,今日攪定都差不多!返到去幫美玲攪左少少CB既野!入完場BOOM BOOM聲洗埋部機就去寫字樓打野!唔該哂阿恆幫我做左唔少野!之後幫DAVE埋左3C同6C條數,唔覺唔覺原來已經遲左成個鐘收工!時間過得真快!
