倒屎咁早又要彈起身,今日返8:45-18:15 3C, 7:20就要起身,好疲累,但要賺$,無計啦!坐巴士去到火車站,以為已經8:23,所以都要落車轉火車,但落到火車站見到個鐘,頂!!!!!點解仲係8:13架?原來自己睇錯鐘,早知就唔浪費多程火車$啦!坐巴士去到太子先落車都仲得!所以8:30前已經返到去,今日要TRAIN AMIE,佢仲早過我返到去,寫字樓都未返,所以我就同佢開野先,但由於STORE ROOM條匙0係寫字樓,所以只可以倒左爆谷先,其他野都無得做住,換完衫就正式教佢開野,佢都好快可以上手,好采我都無睇錯人,早場好靜,入完就同BB出去食,而佢就下一場先食,今日個爆谷機跪低左,所以都係叫6C爆!到下晝就開始忙少少,我13:35已經打左上6C叫MEI LING幫我爆一箱爆谷,由於之前我都有存貨0係DRAW 2個WARMER,所以入完2點場我都夠用,入完場之後我就倒返D新爆谷落DRAW 1個WARMAER,點知個死聖安娜就對住AMIE講話我係反面教材,話我入哂場先倒爆谷,又話我倒得唔夠,死8公,唔話返佢果個都唔係我,我咪話咩反面教材?我入場前已經叫6C幫我爆一箱焦糖爆谷!仲要係3C個大箱,你話我倒得唔夠,我問叫佢問下你個經理,係你個經理叫我地唔好倒咁滿!費事唔夠熱,我都唔知聽你講,定你個經理講?完全唔比面直接話返佢!之後佢先唔出聲走左!話我係反面教材,如果真係唔滿意既就唔好比我TRAIN,我比10足心機同你TRAIN人,駛唔駛咁講?我覺得我完全無做錯,我又唔係唔夠爆谷,唔該你睇清楚先,下晝我都比AMIE收$入機,佢都已經開始跟得住我地進度,不過就成日問人可樂飲咩?真係攪笑!

埋數有$30XX,SHORT左$11,唔緊要,我賠,之後發覺有隻熱狗未入機又未收$,諗番原來係賤人聖安娜唔比$,佢開頭仲要唔認,話比左,我同AMIE肯定話無收佢$,因為隻熱狗係我地幫佢整既,佢0係朝早10點幾買,又話比左$我,佢仲話睇閉路電視囉!我話好呀,驚你呀?之後又淆哂底又話費事同我地拗,又話費事我周圍講佢唔比$,先死死氣拿番$10出黎,正賤人,$10都唔比,我唔同人講?好難啦!我仲要即刻同阿詩講,真係開始有D憎佢,仲話叫我唔好入機住,話聽朝先入,因為果隻係早場熱狗,話入STAFF熱狗唔計SPP,我話唔得!唔入我咪SHORT $,話之佢啦,鬼叫你自己唔比$,除此之外,BB仲話左我知佢D賤野,D人都唔知點解可以咁賤?新一代賤男非佢莫屬!

收工後就坐車入長發,RICKY又搵唔倒人黎打FRIENDLY,所以都係4打3,好鬼累,D人唔知點解鬥遲,我一早黎到係無用既!最起碼遲15分鐘,攪到我都無咩心機,無無聊聊HEA打又過左3個鐘,真係唔想咁樣,想練番波,好多野好似退步左咁!之後又去左打邊爐,成$100,好貴,唔太想去,不過上星期應承左佢地,所以無法!希望遲D真係可以似番一隊波!

好累好辛苦,所以今日都係決定走堂啦!我唔會後悔!因為今日返學完全係超廢,係咁聽人PRESENT,好X悶,所以唔返訓覺好過!要養精蓄銳準備今日個INTERVIEW!訓到12:30左右就起身執野!跟住就BOOM BOOM聲去旺角間CITIBANK,想申請多張信用卡,不過都係唔得住,要直接打去CARD CENTRE問先得,之後就飛入大埔,因為要問阿佬借套老西,自己又無,所以全身都係佢贊助咁滯,除左對鞋,呢D朋友真係唔話得!絕對係好兄弟!0係佢屋企食埋野!之後佢就陪我去教院!多謝大隻妙,嘉汶,茵茵同STEPHEN既鼓勵!不過可能我會令你地失望啦!

去到教院只係17:20,仲有成半個鐘!搵左INTERVIEW個課室之後就坐一陣,之後落返去,竟然撞倒一個夜校同學,其實之前從其他同學得知,佢05年9月已經入倒,而家已經係2年級啦!佢修美術,佢話教院D人都幾好,我都好想入,不過真係難D啦!另外又撞倒一個好似係中學同學既女仔,不過我就唔記得佢叫咩名,只知佢係精英班!好啦!準時17:50去到報到!好采都好多人著SUIT!我被編埋同4個女仔一組!真係唔太好,而且有2個女仔仲係識!我覺得咁編排真係幾差!公開試都唔會咁編啦!太多女仔唔係太好!不過都無法啦!等左一陣就叫我地過去準備!真係好似高考ORAL咁,好怕呢種模式!PART1係GROUP DISCUSSION,5分鐘準備題目,篇文章主要係講母語教學,問題係:1.點解母語教學推行咁耐,只有3成幾家長會揀中文中學?2.應否強制實行母語教學,題目都唔太難!不過我覺得自己完全唔夠AGGRESSIVE,我係最後果個先講野,所以好多POINT都比其他人講哂!第2條題目又係咁,最後果個先講野!好差,而且又講錯野!好多野都好似兜圈子咁,唔係好中POINT!完全被人比下去!PART2係個人短講!仲死得快D,我係第一個講!比2條題目你揀!1條係政府應該比市民拋寶碟上許願樹?第2條係小班教學係解決縮班殺校既良方?我揀左第2條,但講完我先發覺睇錯題目,我以為係問縮班殺校是否好方法!噢!可能緊張到連題目都睇錯埋,我覺得完全係考執生!因為即刻睇題目,即刻就要講2分鐘,好急,唔可以寫任何野!我諗我可以話離左題,而且離得幾離職!我唯一好過人既地方就係較少DEAD AIR,不過我都唔係好知自己講咩,講完之後仲要比個LECTURER串話仲有10秒!其實10秒都唔係好多姐!講完即刻知衰,覺得自己係5個中最差果個!實唔合格都似,其實其他人都講得唔算好,不過我就仲衰,可以用兩個字黎形容--->勁差,夢想幻滅了!!!

之後返左阿佬屋企換衫,就趕去楊屋道打波!今晚SIMPSON應承左我會黎!好采最後佢都有黎!唔知點解今晚勁多人,而且多左D不請自來既人!攪到今晚有成16人,之後THOMAS走左,佢話累,攪到我都有D唔好意思,SIMPSON過左黎同我地打,其實都幾有壓力,不過有壓力係好既,起碼會有人迫你去進步,佢係我恩師,我好多野都會聽佢講,有邊個唔鍾意聽人讚?一句GOOD BALL,GOOD BLOCK,GOOD SERVE都已經係一個鼓勵,尢其是係出自教練把口!SIPMSON話我無咩進步過,呢點我都認,力量方面已經係!加上心態亦退步左!另外,SIMPSON無啦啦捉住我叫我"DUM"一球4米比佢睇,果一刻真係好想,不過自己能力有限!唔係唔想做,係做唔倒!佢咁講起碼比我知道,佢係知道我既存在,唔似而家練波咁,有人會當我無到!點都好啦!今晚總算有D得著!

阿彭話我地報語文既除左INYERVIEW,仲一定要筆試,如果係既,總算仲有些少希望,只計INTERVIEW我一定唔得,希望有機會比我考試啦!

捨得啦!捨得啦!終於都捨得返學啦!雖然今日堂文化都係超廢,但成日唔返總係會內疚既!所以都係返啦!琴晚唔係太訓倒,今朝7:00起身BOOK完場先叫正式訓著!不過12:30左右又要起身啦!食左D野之後先慢慢返學!WINNIE搵過我今日幫佢頂更,不過我幫唔倒佢啦!因為MAN MAN琴日已經搵左我同佢掉啦!上到去課室都係同TOBY吹水多!加埋自己都要準備下聽日INTERVIEW D野,其實都唔知要準備D咩,只係琴晚上過網搵過D關於教改既資料,都唔知到時自己岩唔岩用架!但起碼知道先啦!TOBY都有比左D意見我!多謝佢提醒左我D野!

本來諗住自己買對皮鞋,但為左慳$,所以都係問RICKY借算啦!之後遊地鐵河,由旺角-->觀塘-->旺角,去觀塘問佢拿!好采佢都好夠義氣,拿左佢阿哥果對借比我!仲要係著過一次咋!哈哈!不過個鞋頭超尖!好似好老土咁,是但啦!頂住先!跟住就慢慢死返去返工!返19:15-22:55 6C,本來想同阿昌掉換3C,因為我真係唔想接MEI LING個BAR,但原來阿昌都唔想,所以算啦!都係死就死啦!返到去仲淨12粒魚蛋0係度,MEI LING又想屈人,不過當場比我鍚爆,我簡直"暗"住半邊咀笑!WAKAKAKA......今日6F都好靜,得$9XX,生意唔好,今日BB發生左一D事,希望佢無野啦!收工後諗住去食野!所以我以極速埋數+清潔,放工時間前已經攪掂,但唔知點解阿昌可以攪咁耐!結果等佢都等左成半個鐘!之後再同阿恆同RAYMOND食宵夜!講返阿昌既問題,我講野好直接,不過只係將自己意見表達出黎姐!好多野都要佢自己諗清楚!

聽日就要去教院INTERVIEW!可以話係踏出夢想既第一步,今日不其然會問自己,究竟係咪真係夠班做一個老師呢?有少少灰,但始終係一個夢想,我會嘗試去達成,開始有D壓力!

咩事呀?又訓唔著?可能呢排日夜實在顛倒哂!所以連生理時鐘都亂埋!朝早6:00都未訓得著,應承左STEPHEN會返學,其實我真係好想返學架!不過我6:30仲眼光光!所以SEND左個SMS比STEPHEN話佢知我唔返!同埋我都有D頭暈!之後食左成粒安眠藥!其實醫生建議食半粒,不過唔理啦!最緊要訓倒!所以一黎就黎雙倍啦!訓到14:00起身就食野,之後再趕頭趕命去攪野!半個鐘左右就OK!我要申請多張信用卡!匯豐同渣打又話無,所以都係白行一趟!跟住再返屋企喪HEA!HEA到夠鐘就返工!

今日返19:15-22:55 6C,同琴日個更係一樣,不過今日就唔駛TRAIN人,今日都知係接MEI LING個DRAW,都驚佢留左好多野比我,返到去竟然唔太多野!而且佢留既都賣左,但原來只係錯覺!一打開個飯煲即刻O哂咀,點解會有24粒魚旦0係度浮下浮下?發生咩事?以為下晝好好賣!頂你!!!!!!下晝竟然一SET都賣唔出!咁做咩要擺24粒落去呢?咁又何苦呢?多人買無所謂,問題真係無人買喎!我真係唔想見倒D食物係咁DAMAGE!真係好浪費!況且今日超級清閒!得$6XX,根本就唔駛放咁多野!埋完數後宣材D野都未攪掂,所以又要打野,見BB又未攪掂!所以叫左火星落BO睇下有咩可以幫BB手,佢開頭唔肯落架!好似小朋友咁扭哂計,要我同芝士"TUM"佢先肯乖乖地先肯去!噢!呢位來自火星既小朋友真係小朋友得好交關!另外,由於BO條數唔岩,薯蛋頭今日都黑哂面,希望佢可以早D攪掂份REPORT啦!

收工後微波仙子留言叫左我地去食野,大隻妙,嘉汶,SANDRA,芝士,我同BB都有去!嘉汶話今日見倒有個女人甩左條裙,真係笑爆咀,如果係我,我諗我會即場笑左出黎!一定忍唔倒!今期又要TRAIN新人,今次係AMIE,另外,星期日個BAR END比人搶左,好似係ANGIE 0係度整色整水,所以要BB BAR END!哈哈!終於唔係我啦!

又再走堂,琴晚返到屋企都已經3點幾,成4:00先訓,係人都知夜訓唔好,但有時真係無辦法!控制唔倒!今日其實好多堂都要上,而且都好重要,不過算數啦!唔走都走左,後悔都無用啦!起身都已經係17:25,一陣又要返工!

今日返19:15-22:55,CUT更CUT到飛起,但仲話要請人!我都知平日返早真係未必夠人,但返夜就大把,但講真,你要以咁既人工留人0係度做得耐真係好難!仲要人返MID,有份正職或者要返學既邊個會得閒返?夜更返工既又爭崩頭,返得少既就自然會唔做!其實好多人都做得野,而且做得唔錯,所以就未必可以留得住人!又有幾個返MID既同事唔做,又話要請人,好多同事第一倨反應就係:下!又請人?無錯係可能又要請,話唔夠人返MID!我覺得簡直係打擊緊我地士氣,報更比你既又唔編,真係想死!

一返到去就比ANGIE捉住講,自己就完全無得講,我唔明白佢點解聽野永遠只係聽一半,其他X街同事講既野又信到十足十,永遠唔會問我係咪真係咁諗,D X街同事都幾鍾意代我講野,我完全無做過既野都可以運用佢地想像力黎話我有做過,咁鍾意做代言人?不如等我簽左你地啦!收下把死人臭口係咪會死?咁鍾意挑撥離間又咁鍾意講野蠻,不如死去做律師啦!唔好比我知係邊個?如果唔係佢地實死!

今日要TRAIN奶媽,我自問每TRAIN一個新既同事都會落足心機,真係唔想我TRAIN出黎既同事會比其他同事話!上次ANGIE好似話過火星CANDY BAR唔掂,問邊個TRAIN佢,我叫火星答話我TRAIN,有咩唔岩就話我,唔好話D新同事,人地岩岩識BAR,係咪應該比多D機會新人?下下都鬧人先!係咪唔係咁好?另外,上次MEI LING話過阿恆,仲要周圍講!係咪有D缺口德呢?阿恆始終未TRAIN過CANDY BAR,人地義務入黎幫你仲要話人?阿恆入黎幫我我都無任歡迎,又唔見我同佢會亂?話人果D係咪應該自己檢討下?我唔係要包庇新同事!只係覺得如果我教出黎有咩唔好既,我會教返好佢地!火星同奶媽都係第一次入BAR我就TRAIN佢,我唔想帶壞佢地個開頭!比得我TRAIN,我就有責任教好佢地,唔想得過且過!我自己都過唔倒自己!講番奶媽,都係醒目仔一名,一講就明!但始終得3個幾鐘,教得佢記餐都未必可以教佢入機,只係教左佢少少,始終時間真係有限!第一日實在太多野記,我講"慢慢記"呢3個字都講左不下10次!講到自己都覺得煩!好采教佢埋數一點就名!好多數都係佢自己計!不過唔知邊個食左熱狗唔比$,攪到SHORT左$10,不過我無賠,因為之前多左$都無寫過!

放工BB請我食飯,我都唔想佢比,不過佢爭住要比我都無辦法,同佢講親D野都唔記得,跟住又話我咩都唔同佢講!但講左就永遠唔記得,次次都重新講一次,我承認我係一個收收埋埋既人,對朋友一D都唔公平,要求人地咩都講,但自己就永遠唔會咁!因而我覺得講左出黎都幫唔倒我,好多野可能自己已經有定案!所以講唔講都係咁,自己已經決定左同埋事實已經係咁,就無謂去改變!

有時會諗,好多野已經輸左,就無謂去爭,如果唔係只會輸得更慘!