轉性呀!好耐無返學啦!今日竟然返學!不過如果唔係要去攪野,我都未必會返,算啦!最後一個月,點死都要死返去!攪完野就返學,其實真係好無聊,個教授講D野我係咪要笑既呢?真係好白癡,話咁快又考試,日期係5月左右,咩都唔識,都唔知點考?琴晚返到屋企先知唔見左BB張身分證影印本,所以今日打返工叫ANGIE幫我進行地氈式搜索!最後都係搵唔倒!所以又要叫BB影過張比我!真係對佢唔住!但唔知點解BB個電話今日勁難打!搵極都搵佢唔倒,之後終於搵倒啦!話叫佢影過張比我,去到佢屋企樓下又搵唔倒佢,等左成半粒鐘,以為佢暈0係廁所!之後佢陪左我去食D野,11點起身,17點先食野都仲得,有一刻覺得好肚餓,不過過左之後就咩感覺都無,好似食唔食都得!跟住再陪嘉汶過佐敦交補習費!我都好耐無去呢D補習學校!感覺好怪,攪掂就一直行落旺角返工!

今日又係19:00-22:55 3C,唔係好忙!有$18XX,不過仲耍臨尾場先走黎買2隻熱狗+咖啡!部爛得咖啡機又唔得,又得返一隻狗,所以又要上6C拿,好采阿石幫我!微波仙子,大隻妙佢地同班8婆朋友一齊返左黎睇<本能2>,不過我就真係無咩興趣!大 KAE B,SANDRA同嘉汶就去睇<打雀英雄傳>攪掂D野就捉左大KAE B落去幫我執POSTER,都要唔該哂佢,攪掂我地4個就落旺角JOIN埋大隻妙同微波仙子食野!今晚完全係KAE之夜!大KAE B可能癲左,周圍搵人錫!我地要佢錫大隻妙,佢竟然將舊香口膠放0係我手背上面!頂......玩咩呀?咁污糟?真係想死!之後係我手背上面食番!OH!MY GOD!咩事?仲要猛玩香口膠,玩完一舊又一舊!想死!我真係唔玩返你我都唔叫阿東!所以豁出去啦!最多洗手!成條香口膠幫佢"汶"出黎!之後再向大KAE B大迫供,迫完佢之後都覺得自己有D衰!哈哈!今晚嘉汶亦不失佢KAE之本性,計形容詞赤裸裸同坦蕩蕩之後,又一個新既字:坦露露,除此之外,仲有新卡通<籃球當入樽>笑到我喊+腳痺,睇黎嘉汶真係飲大左!

份死功課都未攪掂!你比我死把啦!

仆街!真係要爆下粗先,又要趕功課!而家已經5:25就黎天光,份管理功課做左一半左右,點死都做左GROUP果份先,費事累左人!雖然而家已經好累又好早,但唔打唔安樂,所以都要打左先!

今日真係想返學架!不過無較鬧鐘,所以訓到12:30,今日其實要返13:00架,所以最後都無返,仲訓到成14:30,之後同老娘落左柴灣食野,食完野就過九龍中央圖書館借埋本管理本書,點知搵左幾轉都搵唔倒,明明搵過電腦話有,諗諗下去左特大書本果邊搵,原來真係0係果邊!之後諗住去觀塘JOIN RICKY,因為佢肯做我學費果邊既彌償人!真係唔話得,錫哂佢,行到半路先知唔記得左影RICKY張身分證副本,又要行番轉頭!頂你!!!!攪掂哂過觀塘,等佢幫我填完份FORM,又要過返旺角返工!唔該哂BB做我學費見證人!呢D朋友真係唔知去邊度搵!有D感動既係我話無呃佢,叫佢放心,BB都話:得啦!我信你啦!普通一句說話已經夠了!

今晚返19:05-22:45 3C,19:00場唔知發咩癲!勁多熱食,燒賣,芝士腸起碼賣左各7SET,多都爆煲咁滯!入完場同阿琳講是非!真係好爆笑,之後入去打野就有D火大!太多野要我打,佢地又好似唔急咁!但我就好急,因為我仲有好多野要做!好唔鍾意太多野一齊迫過黎既感覺,有D野BO果邊可以一早攪,又要我打埋,真係火火地,不過出到去洗完野又無咩野!算啦!要好好控制自己既EQ!如果唔係攪唔掂!埋數有$2000左右,都幾好!唔該大隻妙幫我攪埋BAR END D野!今日太多野要攪!又要睇下D STANDEE放0係邊!又無野擺,諗到頭都大埋!放工就同SANDRA,既哩!大隻妙,阿恆,嘉汶去左扒王!大 KAE B後JOIN,今晚發生左小插曲!話說大 KAE B已經STOCK TAKE完,想走!之後用D想喊既眼神望住薯蛋頭!之後仲有少少言語上既誤會,其實有邊個鍾意STOCK TAKE!薯蛋頭都只係做REPORT!所以薯蛋頭有D惱惱地都可以理解!大 KAE B都唔應該咁對佢既,編更果個又唔係佢!佢都係做野姐!講真,如果真係無人TAKE既!我都OK既!好多野一人讓一步,其實好易解決!做功課做到而家,想跳樓.......

PS:我又無意知道左D野!相信更多既陸續有來,心情係矛盾既!好多野我無得避,根本無得比我揀,我成日都輸,遊戲規則已經注定我係輸家!

今日要早起,9:30要起身,因為約左10:30覆診!點知睇番張預約紙,原來我係睇錯左11:30為10:30,正確時間應該係11:30,所以我係早起左成粒鐘,想訓番,不過唔得,驚自己訓左唔起身,所以都係好乖咁拿D管理既NOTES黎睇下!睇到咁上下就出門口啦!遲左少少去到醫院!等左差不多成粒鐘,其實都預左,話哂都係政府醫院!等等下突然好眼訓,個醫生又唔同左,次次都唔同咁,佢話我一向既問題已經正常番!不過因為我遲左去抽血,所以有個報告就未出!但我就覺得無咩分別同改善喎!但醫生咁話唔通你唔信咩?我又唔識睇佢D REPORT!其實我想見番第一次見個女醫生!下次覆診希望可以見到佢,但都唔到我揀啦!

睇完就拿拿臨趕去攪野,約左13:00,好采最後都趕得切,攪完再過JUSCO睇下可唔可以申請AEON張CREDIT CARD,佢叫我填左FORM先,批唔批唔知架!希望批啦,趕住救命!再返柴灣圖書館睇下有無管理本TEXTBOOK,答案係無既!全港得5本,仲要比人借哂囉!只得舊版,不過都要照殺,考試同做功課都要用!終於可以返屋企食野同訓覺!

今晚約左BOAT去官塘!想去影卡,但又搵唔倒!想買布帶,睇唔岩,又買唔倒!行過APM想買對CONVERSE,仲想買衫買褲,不過要忍手,因為無$,好多好多野想買想做!但一個$字就咩都做唔倒!BOAT過左荷里活都做得OK,暫時都無咩野,希望佢工作愉快!呢排發生左D事,我覺得好似一齣連續劇!故事都幾峰迴路轉!其實都幾好睇,我都唔知係真係假,但我覺得同我中3時既故事係同出一轍,今次我係做觀眾,我唔玩啦!

今日唔知點解勁多電話,嘈住哂我訓覺,既哩打比我叫我幫佢頂更,都好既,無$呀!返多D工啦!之後起身打比嘉汶,佢話想睇<我和我的女友>,不過今日我報更係報19:00後,所以要用COMPLI先得,嘉汶話最快15:30出到旺角,我準時返到BO,不過佢就成16:00先到,而我又好肚餓喎!所以上左大家樂先,佢話請我食,因為佢遲到,其實唔駛啦!無所謂,不過我就要10分鐘內食完個下午茶,都咪話唔趕!套戲開頭都有少少好笑,不過越睇越覺得熟口熟面,都係話女主角有病,男主角想帶返佢去曾經一齊開心既地方,但又去唔倒,同<在世界中心呼喚愛>既劇情可以話係一樣,最後女主角當然死左啦!又唔係太感動,唔知點解今日條腰左邊又勁痛,睇到尾段淨係想套戲快D完!我都睇到郁黎郁去,仲覺得有D悶!完場之後就返工啦!

今日返18-22 BO,都幾靜,BB同我講阿華話我地D POSTER有D問題,佢話POSTER CASE下面D黑色紙黏得太高,有D仲遮住SPONSOR,BB又講到唔清唔楚,其實問題都唔係太難解決!入完20:00場就去左周圍整野,女主角又話要整野,都無咩賣過飛,所以BO得返芝士一個,我都對佢唔住,成日走開左,無啦啦CREDIT CARD又多左$,又係好似上次咁,CASH就轉左CREDIT CARD!收工後同大隻妙,芝士,大KAE B同SANDRA去食野,薯蛋頭真係好得閒,男女同事一齊睇戲,傾多兩句就話佢地係咪有野?又話呢個鍾意果個!真無聊!呢排又請左幾個新人,仲要全部都係女,又唔鬧得,又唔抬得,又唔擔得,收夜又唔得,咩都唔得,最火滾就係全部都唔係可以返早囉!最多都係返MID,仲要係一星期得兩日!星期六日就比A,頂你,我地都得啦!又唔係無比更你!又成日話唔夠人!根本就係同我地爭返夜!我唔理呀,到時D新人有咩錯,我一定照鬧無面畀!

PS:今日同BB發現左D野,好爆笑!睇黎我又要面慈心險!

噢!MY GOD!朝早9點幾起身去完廁所,再訓返就唔識醒!約左14:00去攪野,都訓到死左咁,唔知發生咩事?訓到好似死左咁,去到14:50先識醒,但我今日返工係返15:35,即刻彈起身,攪掂D野就出門口,好趕好趕,去到火車站,頂你,有班返大陸既火車岩岩走,攪到我地架火車都要DELAY!又話要等候訊號所以遲開,去到旺角已經15:31,本來趕得切架!部LIFT岩岩比人禁左上3F,再上6F,之後先慢慢落黎1F,所以到最後都遲左1分鐘!真係趕到我飛街!都唔知邊條蛋散禁左部LIFT上去!算數,唔好影響我心情,今日又係返15:35-22:55 6C!接阿石個BAR,阿石D字真係核突到呢...好似唔識寫字咁,寫到出哂界!返到去都好似未訓醒咁,把聲好似未開咁,有D拆又有D走音,勁核突,阿石話SHORT左$22,我話同佢一人一半,佢又話唔好,始終16點場我都有收$,咁佢話唔好我都無法啦!入完場就去食飯,個個都食哂飯,所以要自己一條友食!今日發神經,問個客爆谷要咩醬?癲左,聽到嘉汶陰陰咀笑,唔想見倒男主角,所以成日死落3F,不過我有做野架,成日REFILL架!不過D人成日間場時唔知行左去邊?可能我地呢層無咩人理佢,所以成日行開啦!煲煙好,打情罵肖咩都好,我地同佢真係無野好講,行開左仲好,今日經理室佢地開會,聖安娜又想轉CANDY BAR D野,煩到死,今日埋數都有$32XX,都唔錯!打過去CITIBANK問點解唔批我張卡?講黎講去佢只係話唔適合我,佢又點知唔適合?但又0係POLY同IVE擺COUNTER?分明就歧視我OU啦?所以我一定要佢打比我講清楚!今日埋數仲有多$32,當然要落簿,好耐無多$啦!之後同大KAE B,嘉汶,大隻妙,既哩,阿恆去左間新既野食,個女侍應好攪笑,佢話之前喊完,可能同老闆有D爭拗,之後佢地都仲有嘈,唔知咩事?阿恆又幫嘉汶改花名,又話人"巢西"KAE KAE,嘉汶又話阿恆"ON 9",好粗口,又要交功課,又係忙碌既一星期!

PS:嘉汶話之前同BB討論過我都算係一個惡人,但我惡得黎就係保護自己既,其實都講得岩既,而另一D人就惡得黎有D邪惡!哈......有分既咩?

今朝要返BO早!8:55-18:30,成個幾月無落過BO,好多野都生疏左,最明顯就係唔係好識攪部自動售票機,今日WINNIE遲到,所以BO早就自己攪掂哂,其實都無咩所謂,以前就算旺既日子,BO早都係自己一個攪掂,所以都習慣左,何況今日一都唔太忙,一個人都頂得住!同WINNIE傾計,佢話唔開心自己日記變成人地討論話題,我都好明白既,如果係佢都幾慘,本來想寫下自己野都唔得!入完早場就同芝士,阿琳,BB同大KAE B一齊出去食早餐!之後就係忙碌既一日,D人又開始自己幫D戲作名,明明係<極地雪犬>,又話極地雪撬,極地雪狗,南極雪狗,實在不能盡錄!今日都無咩點停過,一直係咁賣飛,一上去飲杯野就比人叫返落去,真係得閒死都唔得閒病!埋數有$24XXX,但無啦啦CREDIT CARD多左$,所以又要搵餐懵!攪到成19:00先走得!好采最後都岩數!

放工打比阿樂JOIN埋佢,竟然0係太子地鐵站撞倒以前個中學同學---ATHEN,盧X瑤,仲要係F2既隔離班,根本就唔係好熟,梗係要寒暄幾句,我話去荃灣約左人食飯,根本就係去打波,講幾句後阿樂就黎左,我咪話遲D再傾,其實根本就無得見架啦!仲要問我拿電話,好心啦!唔好咁多餘,大家一定唔會搵大家,打左比佢就算,我都費事SAVE RECORD!教練應該暫時都唔會黎,仲好,唔好拖住我地,阿輝前兩日問過佢幾時會黎?佢話暫時都唔會黎!我真係要開香檳慶祝呀!好行夾唔送,早走早著,咩叫暫時?即係無了期,咁話呀教練你以後都唔好0係我地個場出現!你話唔黎住,咁我請你以後都唔好黎!答都答得衰過人!真係幾憎佢,咁樣又比佢拖住我地成3年!廢人!所以今日又係3打3,真係好累好累,累到就黎行唔郁!幾經辛苦先打完3個鐘,我想暫時唔BOOK場住,始終太少人,或者到我地搵倒教練先算!而家我地正處於內憂外患時期,睇下可以撐幾耐啦!之後去濛江宵夜,嘩!唔知係咪轉左老細?D野差到離哂譜,又貴,以後都唔會再去!

計出席率又點?我係唔返架啦!吹咩?真係好憎死8婆猴小姐,做佢呢個TUTOR位真係歎到飛起!淨係返黎聽人PRESENT,比D評語!又唔駛教書!呢D工真係唔知0係邊度搵?咁好賺,都唔知迫我地返黎做咩?聽人講野,但D野又唔關我地事喎!真係浪費時間加車$,所以我覺得我唔返係絕對合情合理!今日仲同阿佬去百老匯電影中心左睇

<尋找他媽的故事>,比我想像中好睇,故事係講一個將接受變性手術既男人遇返佢17年前生既仔,過程都幾攪笑,當中過程有笑有淚,覺得個女主角扮人妖好似,好犀利,仲要特登壓低自己把聲!而佢個樣又真係幾似男人,所以真係好似!我覺得呢套野仲好睇過<斷背山>,起碼有得笑下先!睇完之後想過旺角買D野,但最後都係買唔倒!

19:30約左ALEX,同阿佬兩個新朋友,佢地兩個係一對孖女,真係好似樣,去完沙嗲王食野之後就過左楊屋道打波,今晚都幾好玩,孖女一齊落場真係唔知點認佢地,唯一可以認既就係一個卷髮,一個直髮,但打落左我又撈亂哂!今晚大家都有輸贏,同阿佬真係比較夾,話哂大家都夾左成5年,呢D就係大家既信任同默契!打完之後就返屋企啦!都幾累呀!