成5:00先訓,10:30就要起身,好累!起身之後就約左攪野!之後就入大埔打波!如果唔係尖東有位坐,我一定唔會0係度轉車,搭多一個站要貴$3,有無攪錯?約左大孖13:50係大埔等,不過我就遲左10分鐘左右!   0係樓下倒YAMMY,咁就一齊上左去食野,唔知點解大孖杯檸茶大杯D,而且碗野又多條魚皮送,但我同YAMMY就咩都無得送!唔公平呀!之後就上左去打波,今日係我第3次黎呢度打波,其實氣氛都唔錯,雖然D人唔係太勁,不過我覺得打波就緊要開心,同埋我至在黎猜下波,練又未必可以練倒D咩,所以不如開開心心咁玩下仲好啦!唔駛比壓力自己!今日阿佬周ALEX無黎呀!所以都要夾下其他SETTER,都唔錯呀!玩下姐!今日大孖話我比人讚,比人讚當然開心啦!不過我當然有自知之明啦!不過都多謝佢!其實我覺得可以加強練下D防守,0係呢度打波最開心既係無壓力,可以好ENJOY,我唔會因為人地打得唔好而鬧人,反而我一定會鼓勵人,我清楚大家程度去到邊,盡左力就OK啦!打完之後就坐火車返工啦!好累,所以又洽著左!

今日返18:15-24:30 BO,好唔抵,差10分鐘就有ALLOWANCE,不過算啦!今日都唔算好忙,19:50就去左食飯!買完飯比阿華之後底褲就話我同大隻妙做咩一齊食飯,因為BO多人,我咪話我已經打早左10分鐘,已經前後腳,佢話唔係佢講,係阿華話!講真,即場都已經賣哂,D人都係賣預售,我做左咁耐,你估我仲唔識安排咩?我都費事理佢!之後都一直賣飛,D人斷斷續續咁黎!我同大隻妙要鬥多$,最後當然我贏左成$3000,不過我早過佢返少少,而且佢又上左去幫手,所以多過佢都正常!不過都屈左佢請食飯!哈哈!之後都無咩生意,又吹水又大笑!離哂譜!埋完數同大隻妙走先,又講是非,正8婆!

唔想起身,不過唔起唔得!因為應承左STEPHEN返學校交功課,而且我又要拿個FILE比佢,佢10點幾就打比我,因為佢話今朝仲未收倒豪哥份功課,但收唔倒都無法,唯有同猴小姐講話收唔倒,同埋唔落佢名啦!好采到最後12:00左右都收倒啦!我就訓到成13:00,之後慢慢食埋野,返到學校都成15:30,終於攪掂果兩份垃圾功課,幾多分都唔理啦!總之做好就算!咩都唔想理!之後落返圖書館溫書,見倒景宏,唔該哂佢借D NOTES比我影印,原來下星期2我係要考兩科,又唔係好識,都唔知點死?尢其是管理都唔知點算,咩都唔識!果D死人文化又要我地睇D無聊戲!咩共產黨,XX黨?關我鬼事咩?讀呢科都唔知有咩用,廢到唔廢,其實語文D野都幾實用,不過可能係自己問題,一來覺得OU學習環境太差,二來自己又唔鍾意佢既學習模式,所以根本提唔起勁去上堂,如果比著係IED度讀,我諗我會比心機讀,不過始終都要接受現實既!溫溫下訓左一陣,走之前又見倒ied既期刊,真係百般滋味在心頭,而家身為OU學生,我覺得完全係比人歧視,真係唔想話比人知,溫到20:00左右就去荃灣打波!

一出到去就落狗屎咁!去到體育館就岩岩好!今晚好想贏,因為聽得出JUDY有D說話比我聽,可能佢嫌我地有兩個女仔啦!咁又係,孖女當然打得唔算太好啦!而且自己狀態麻麻,而CALVIN同我都不相百仲!所以今晚打得唔係太好!除左第一局贏左之外,之後都輸,有一局真係輸DEUCE!唔鍾意比人睇死既感覺,所以我地一定要爭氣!唔想輸!人地嫌我地差,我地要打得更好!下次啦!下次一定要局局贏!

今朝約左攪野,所以要早D起身,攪完之後仲要BOOM BOOM聲過花園街圖書館還書,已經過左期一日,又比人罰左$6,頂你,之後就趕返工,次次返陣MID都係咁趕,今日返13:30-22:15 3F+CL,一返到去ANGIE就打比我叫我上6樓話URGENT,上到去望一望部爆谷機就知發生咩事!因為今日BAR早係大KAE B,而ANGIE今日係CL,好明顯係玩野,明顯地係開住蓋爆爆谷,所以爆谷機3邊都有焦糖痴住!而且道門都有!點解D人可以做埋D咁白癡的行為,問佢點解爆咁多爆谷,話今朝無,見底,諷刺既係琴晚BAR END既大隻妙最少留左半箱比佢,同埋12點場有3間院無人睇,只有一間院得4個人,所以呢D根本唔係藉口,係人都知大KAE B憎ANGIE!但要玩都唔拿呢D野黎玩!唔著數果個只係自己!我真係覺得好幼稚!點解咁大個人諗野仲可以咁諗野?咁樣做,錯既只係自己,其他人一D都唔會覺得你岩,無人會可憐你!只係覺得你係無聊+幼稚!ANGIE無鬧佢,免得同佢正面衝突,不過就累左無辜既BB!因為佢要幫手洗部爆谷機下面,而大KAE B就要自作自受!佢一直都唔肯抹番乾淨,最後ANGIE都幫佢抹埋一份佢先肯抹!佢咁樣做仲要連累其他人,仲要唔覺得自己有錯,覺得係人地對佢唔住先?可能佢地之前有D誤會,但ANGIE都無話大KAE B啦!係唔係應該要學識饒恕呢?胸襟咁窄點去面對呢個社會?如果要個個都覺得你岩既仲要就哂你既,根本無可能,唔鍾意就黑面既話都唔知可以黑得幾多次,企得0係度做野,唔該唔好咁既面口,D客並無得罪你,講真,要"洗"人都唔好做到咁低裝!係既就唔好比人知先係高招!

今日FLOOR真係靜到嘔,不停咁同豬仔同SANDRA吹水,本來BB諗住同我一齊食,不過無啦,我要同ANGIE,阿琳佢地吹水,本來佢都可以一齊食,不過佢又要幫手洗爆谷機,食鬼咩!所以佢都係食自己啦!又得閒到死,所以周圍行去換畫,本來阿錕話唔爆谷,因為樓上今日玩野,所以阿詩都比左半箱阿錕,不過我都費事啦!費事D人話我唔洗機,我唔係怕洗野,只係怕又整濕塊電路版,又整壞部爆谷機就大獲!今日件事到夜晚已經好多人知,大家既反應都係一樣---好傻!入完場就去左幫BB換畫,我都好耐無換過!唔知點解呢排好少編我換畫,不過宣材部我都有份,所以我都一定會幫手,之後既哩佢地番左黎!本來佢地話等我同BB,不過我真係唔想咁嘈,BB都話唔想太多人,所以最後都係我同BB一齊走左啦!呢排佢有D事差左,我唔係太識幫,但我都會盡力去幫!我只可以咁做!希望真係幫倒啦!

琴晚左邊眼球好痛,所以奇蹟地1:15已經訓左,而且唔知點解出奇地好訓,可能真係好累啦!訓到今日成11:45先捨得起身,如果唔係要返工,我一定唔會起身,繼續大昏迷!今日又係返MID,13-22:30 BO真係好邪,差少少又遲到!真係有D怕返MID,D時間實在太難預!今日靜丙到拍烏蠅,14:30就同既哩同阿琳出大家樂食飯,阿琳今日已經好勁咁買左周慧敏演唱會飛,辦事效率奇高,有D奇待,因為實在太耐無睇過演唱會,雖然周慧敏未至於好鍾意,但我由細到大一直都有聽佢D歌,所以都幾熟!食完飯落返去一陣就去左換畫,真係得閒到震,先換2F,再換6F,之後先慢慢落返去賣飛,再叫大KAE B收工後做義工,幫BB搬STANDEE,我做真係唔想搬,辛苦哂啦!反正大KAE B都係等BB收工去唱K姐,我都係安排D野比佢做,等佢唔駛咁悶姐!今日已經執哂要換D野出黎,所以聽日換畫應該可以好快攪掂!今日大隻妙頂左阿昌個BAR END!不過佢就無啦啦SHORT左$40,明明機數話佢有$10  8達通又唔見左,真係有D怪!算啦!只怪自己唔小心同唔好采,怪得邊個?之後再同大隻妙食宵夜,再返屋企睇電視同做功課,咁又一日!無聊!

PS:點解幾年間可以變得咁快架?而家越睇就越睇嘔,可唔可以唔好比我睇倒?

YEAH!終於都知醒啦!可以去攪野啦!都好似好耐無攪過!所以真係唔攪唔得!之後就BOOM BOOM聲趕返工啦!今日返15:30-22:45 3C,一返到去MAY MAY就同我講左一個消息,佢話我會開心,不過我又無咩感覺喎!都唔關我事!今日接阿石個BAR,完全唔知佢發咩癲!係咁扮哂好禮貌,不過我覺得真係好噁心,平時既佢根本唔會咁!又不斷微笑!個死人樣令到我好想死!入完16點場就幫佢埋數,因為佢地班FULL TIME要開會,之後我就去左食飯!今日既哩入左黎幫我,其實今日根本無DRAW 2,佢話會攪"LUM"我個BAR,根本就無,而且仲好幫得我手,一D都無亂過!其實佢肯入黎幫我,我唔該佢都黎唔切啦!仲邊會嫌3嫌4?今日過得好平淡,入完場就REFILL野!周圍同人講下D 8卦野咁啦!唔係有D咩做?好快就埋左條數,有$31XX,仲多左$6,今日完全無咩亂過!自己都感覺倒,因為個BAR得我同既哩!全部我收$,所以我都覺得今日條數應該會好準!唔該哂既哩幫我洗WARMER!之後拖完地又未夠鐘!所以入寫字樓PRINT埋D功課出黎睇睇,今個星期5要交兩份ESSAY,所以一定要快D做完,因為要溫書啦!之後同大隻妙,BB,大KAE B,既哩食野,嘉汶後JOIN!嘉汶一黎到就語出驚人!係咁窒大KAE B!我都有叫大KAE B改改佢D小朋友性格,我好明白有D人係唔鍾意比人話!但如果永遠唔聽人講!唔接受人地意見,永遠要人就哂佢,會唔會有D問題呢?我講既只係事實同我既感覺!唔岩聽既都無辦法!我都係要講,如有得罪我只可能講句SORRY,我份人就係咁,有果句講果句,所以我諗有D人應該會好憎我!覺得我講野唔顧人感受,比起以前,我講野仲直,簡直一針見血!可以講中人地要害,不過而家已經收歛左,我越當你係朋友,講野就會越直,同埋我自問對朋友都幾好架!

食完野就落雨落狗屎咁!好采聚腳點個老闆好人,比左兩把遮比我地!本來諗住同BB落地鐵站行唔駛咁濕!點知落到去又話關哂門,又要出返去,見無咁大雨,就同BB行返油麻地,同BB講左少少自己野咁多啦!平時我好少同佢講自己野!但我就要佢同我講佢既野,所以我對BB係絕對唔公平,點都好啦!我有野可以自己攪掂!同埋只要搵人陪下我,我覺得已經好OK,其實呢件事想同BB講左好耐!不過真係無咩機會同時間!雖然而家講其實已經無咩用,同埋BB一定幫唔倒我,不過我只係想有個人聽下,比D反應我已經好夠啦!點都好,多謝你肯聽---BB!

PS:琴晚有個朋友返左加拿大,雖然一直都好想見佢,好想同佢傾計,但一直都無咩機會見,可能係我唔得閒,又可能大家真係撞唔岩時間,佢星期6最得閒,偏偏我就最唔得閒!之後都唔知幾時有機會見啦!ANYWAY!一路順風!快D返HK!我記得你仲爭我一件衫架!我會記得你亦會掛住你!