琴晚雖然好累,但HEA下HEA下都攪到成4:00先訓,今日本來約左大隻妙同大KAE B,嘉汶去唱K,但實在太累啦!訓覺大過天,咩都唔想做!所以都係留0係屋企等返工最開心!14:00左右起左身,16:00又訓過,仲要野都唔食就訓倒先好野!話訓就訓,訓到17:00先死返工,今日返18-25 6C,接YOYO個BAR,今日D FLOOR同事好熱鬧,可能出面實在太多新同事,所以特別好傾!傾到我都覺得有D嘈!我覺得自己既忍耐力都幾強,竟然無咩出過聲話佢地,20點幾走左去食飯,竟然懵到唔記得21:15有一場要入,唔該哂阿錕落去幫我入場!薯蛋頭今日上過黎!佢都話D人好多野講,仲有D唔駛返工既同事走左返黎同D開緊工既同事吹水,我叫其他人落去幫手又關呢D人事?仲話有無問過叫落去幫手既同事,關你鬼事咩?等還等!唔該唔好搭咀!今日心情好,我都費事出聲,薯蛋頭叫左人地一句,呢D人就即刻發脾氣,勁無品,收皮啦!唔該!今日得$34XX條數唔係太岩,無啦啦入多左3隻中杯,REFUND返有$多,攪掂之後同SANDAR & 嘉汶食野!發覺自己有D多事,我唔知自己係咪幫緊人,出聲話人究竟岩定唔岩?真係煩,多謝SANDRA同嘉汶既意見,STEVE話過黎車SANDRA返屋企,佢又無帶遮,我去7-11貫左一把,之後陪佢0係旺中坐再等STEVE過黎!等下等下原來已經4點幾!
chingtung1222 | 30th May 2006, 01:22 AM |
一般 | (38 Reads)
今日10:15要起身,因為約左SANDRA,既哩,大隻妙,嘉汶,阿恆去踩單車,其實我係知醒既,不過都有訓多陣,果一刻只想繼續訓!咩都唔想做!所以同嘉汶講不如唔好去啦!繼續訓啦!之後佢不斷煩我,無辦法之下咁唯有起身啦!本來約佢地11:30去到大圍等,一如我所料,只有大隻妙準時到,我遲10分鐘,其他人就遲15-60分鐘,真係鬥遲!仲比嘉汶串話早到先傻囉!都唔知呢個咩世界囉???食左D野,13:00左右就開始踩!今日係閒日,所以就平D,$30全日!都算抵!其實今日天氣都唔係太好,不斷咁落住話大唔大,話細唔細既雨,係咁停下又落下!所以地面都好濕!嘉汶唔係踩得太快!本來諗住入大尾篤!不過驚嘉汶踩唔掂,所以最後我地選擇左去馬鞍山果邊!不停咁踩下抖下,抖既時間仲多過所以我地踩既時間!第一個完全唔知想點?拿住把遮黎踩單車又吹返埋,第2個唔知想點?阿恆又用底衫包住個頭!第3個唔知想點?我地一直踩到泥涌!之後一直行左去一個石灘附近,行番出去果陣,阿恆,大隻妙同既哩係D石隙果度見到2隻狗仔,我無行落去所以見唔倒,佢地話好細隻,唔知係咪岩岩出世!之後一直踩番出去時就發生左今日第一單炒車事件,事主竟然爆冷係SANDRA!佢上膊位時炒左,好采只係皮外傷,大熱門炒車王---嘉汶順利過渡!18:45左右交車,之後就出左旺角JOIN埋微波仙子一齊食飯,我地食果間野要21:00後先有8折,所以我地又落返朗豪坊睇個大電視,等到夠鐘!今日阿恆無啦啦爆出左一句話大隻妙似鄭敬基,真係笑死左,都唔明點解阿恆D想像力可以咁好!我就唔知點解越食可以越眼訓,之後真係頂唔順洽左一陣!食到成23:30,眼訓指數已經到達10級,巴士都唔等,搭泥猛的士返去算啦!
PS:每當我要抉擇一樣野就會開始煩!無$真係萬萬不能,$對我黎講真係好重要,太多開支!一個人點樣負擔?我唔係聖人!叫我點撐?
chingtung1222 | 29th May 2006, 02:58 AM |
一般 | (28 Reads)
唔想起身呀!不過約左人攪野,點都要起身架啦!又落緊雨!拿左把遮出街,落到去一開把遮就已經爛爛地,唔換都唔得啦!已經勁趕!去到攪野已經遲到!趕頭趕命攪完野又要趕返工,今日返15:30-22:45 3C,一返到去MAY MAY就已經叫左我落BO買飛,因為LISA唔知返工,當時BO已經排到水蛇春咁長!一落到去就要REFUND,因為D客出左飛又話要碌卡,唔通唔比佢咩?果部死PRINTER又玩野!D飛又成日CAKE住!玩野咩?一落到去就咁多阻滯!等到LISA 16點幾返黎,我就上返3C,豬仔埋緊數,個FLOAT又多左$16,豬仔又SHORT左$24,所以0係我度拿番D$,今日PART住ANGUS DRAW2,都幾好呀,又無咩亂!夜晚都唔算太忙!埋數後都有$42XX,開頭以為8達通唔岩數,黠知原來係我放多左張RECEIPT落去,其實應該多左$,不過我同阿華都計錯左,所以D野分開左入,如果入番餐就一定無SHORT!不過是但啦!又唔駛賠!之後同左BB去食野!平平淡淡又一DAY!
chingtung1222 | 28th May 2006, 01:56 AM |
一般 | (57 Reads)
開左冷氣真係特別好訓!約左阿佬佢地13:30入到大埔,真係唔太想起身,實在太累了!訓到12:00,如果唔係較鬧鐘就一定唔知醒!真係想訓得一個鐘得一個鐘!不過已經約左啦!是但啦!成13:45先去到大埔,食完野之後就過去大埔墟打波啦!我發覺猜波真係好緊要,唔猜就好似無熱身咁!今日TIM將我地分左3隊,而我就無得夾阿佬,要夾一個新既SETTER華安,其實佢都SET得唔算差,起碼好過FRANCIS,但我可能已經夾慣左阿佬,同埋我又唔清楚佢SET既波會去邊個位,所以真係要慢慢適應!大家守既方法同位置又唔同,所以都要夾過!今日已經好好架啦!因為佢SET既波,我都唔駛打到腰都斷埋,已經係唔錯啦!
打完之後就出返旺角,JOIN埋阿琳,豬仔,大隻妙同SANDRA去睇<周慧敏BACK FOR LOVE演唱會>阿琳同佢家姐食,所以我地4個過左都會豪庭既FOODCOURT食,有得揀我諗我都唔會再去呢度食,D野唔好食之餘,服務態度又勁差,如果唔係睇CONCERT貪方便,我一定唔會黎!我20:20左右入到去,頂!!!已經開始左,好采周慧敏未出黎!如果唔係我一定發癲!有張書籤,閃卡同8達通派比我地,個套同閃卡都勁靚!第一套衫又勁靚!<自作多情>打頭陣,其實唔係所有歌我都識哂,當然大熱既<如果你知我苦衷>,<天荒愛未老>,<孤單的心痛>就當然唔少得!請左勁多嘉賓,林子祥,黃凱芹,古巨基,林隆旋,谷祖琳,樣樣齊,最攪食係古巨基叫我地全場一齊叫周圍敏好波,波係指桌球!VIVIAN喊左不下4-5次,最TOUCH係倪震扮貓公仔而VIVIAN係唔知既!最後都ENCORE左兩次!表現都算唔錯啦!我聽得出既都係走左一個音!已經好好!由20:15唱到23:45,真係咩都抵番哂!最後我同大隻妙,SANDRA叫到飛起,實在太興奮!VIVIAN個樣好似無老過,身材一樣咁FIT,一個37歲既女人可以KEEP得咁好,真係勁!真不愧為玉女掌門人,仲係大家心目中既白雪公主,總括一句可以用3個字黎形容就係"索,靚,正"睇完之後本來想同孖女食野,又或者同BB飲野,不過又要過返旺角,實在太累啦!最後決定返屋企!
PS:有時為左某D野,我覺得犧牲都係在所不計!始終會慢慢習慣!
chingtung1222 | 27th May 2006, 03:40 AM |
一般 | (536 Reads)
一起身,個手提無啦啦顯示一句:SIM卡尚未登記!玩咩呀?打去3度問,原來話我無未電話費,所以CUT左我機!頂你呀!我咪14/5交左$118囉!話我仲爭佢差不多$700電話費!話最低要交$305先肯開返比我!真係咩態度?我話你唔好返比我我就唔交,之後先死死氣話4-6個鐘開返比我!真係唔發癲都唔得!癲架!今日要追更呀!返10:35-20:15 3C,好長既BAR早!琴晚MAN MAN同我講左話埋數後有人買左條BC!$10放左0係DRAW度!返到去又無啦啦唔見左,公司真係有賊,$10都唔放過,都唔知D人咩構造?今日嘉汶返黎開左門之後就好唔舒服,雖然搵唔倒人頂佢,但底褲最後都比佢走左,琴晚口快快講錯野,好采佢無怪我!今日生意其實唔多,但間場就超多野做,又要執呢樣執果樣!好X煩,自己宣材D野都唔得閒攪!手就得一雙,唯有盡量做啦!唔係點?好采今日個FLOOR阿MING都幾醒,如果唔係都唔掂!薯蛋頭想轉一轉擺POPCORN袋既位置,其實我覺得都好既,起碼唔會比人偷袋先,不過睇黎要實行都唔係太易,始終有人會有相反意見,真係好人難做!
收左工就趕頭趕命去打波!今晚打9-11 楊屋道,所以真係超級趕!最後都係遲少少姐!今晚HUMPHREY過左黎,D表現真係差到自己都覺得醜,IN就以為OUT,一傳左飛右飛,殺波打落網,救波慢10拍,可能今日返左太耐工,實在太累,所以完全無狀態,真係差到無人有,我同自己講,聽日一定唔可以打成咁,之後同隊長,RICKY,JUDY,THOMAS,HUMPHREY去左食野,我地坐個位好好采,上面個冷氣機滴水,仲要滴正HUMPHREY前面,之後我同佢掉左位,滴正0係我地張桌,又多人,所以無得掉!唔知想點,之後唯有移過D就住食!多謝HUMPHREY陪我出旺角,其實佢有小巴可以直接返紅磡,係我叫佢陪我姐!真係唔話得,我都好開心以前同佢既誤會可以化解,仲可以做返朋友,同佢講左好多打波既野!佢真係進步左好多,真係值得一讚!之後仲同佢出左旺角飲野,傾番大家打波將來既計劃!希望可以行得通!BOAT打過比我,可能又有好戲睇!
PS:今日講左一個大話,發覺自己都有D賤,我可能都係一個為求目的,不擇手後既人!聽過JADE一首歌,有一句歌詞係:"但做大事的偉人,為求達目的,不會有惻隱" 我一向都話自己唔係好人,對住一D唔熟既人,為求自保,亦會不擇手段!甚至出賣別人亦在所不計!
chingtung1222 | 26th May 2006, 02:57 AM |
一般 | (66 Reads)
繼續都係訓到死左咁,琴晚4點先返到屋企!涼又唔沖,日記又唔打就訓左啦!訓到成15點先起身,又無咩野食!打返琴日D日記!無幾耐就去左攪野!攪完就返工!今日返19:15-23:30 6C,本來係接BB個BAR!點知MEI LING又同佢掉左,今日都有幾多熱食留左比我!好采最後都賣得哂!仲布要整過SET新既賣比客,今日都OK多人睇戲,10:15果場X-MEN都去到第一行!不過可能D人已經食哂飯,所以買野食既人都唔係太多!今日都有成$3000生意!D數岩哂!間場時幫阿華打左一陣更表,之後又要上返去入場!嘉汶今日唔係太舒服,所以無同我地食野就走左,之後同MAN MAN,大隻妙宵夜!佢地就想減肥,不過我就想增肥!仲要係肥極都肥唔倒先慘!佢地想瘦就難!都唔知咩世界!
今日又有一個難題!我唔知人地係幫我定害我,所以都唔知做唔做好?已經有一筆$要用,邊有咁多$!未用完一筆又要駛$,好唔掂喎!
chingtung1222 | 25th May 2006, 15:27 PM |
一般 | (41 Reads)
12點幾比嘉汶打黎嘈醒左,因為本來琴晚話過今日去唱K,佢又話無咩野啦!所以又可以去唱啦!約左佢同大隻妙0係創興GREEN BOX唱!下晝都幾抵喎!學生$39一位,食埋野都係每人$52,又唔駛咁辛苦早起身,所以下次唱K唱下午茶時間都唔錯!今日唱左唔係好多歌咋,因為實在有太多新歌唔識唱,尢其係D新人,都唔知佢邊個打邊個!咩名咩樣又唔知,自己都真係幾OUT!唱到18:15左右,我同大隻妙就返工啦!嘉汶又話開始頭痛,所以返屋企啦!叫佢睇醫生又唔睇!快D好返啦!
今日返19-25 6C+ST,係我重出江湖既一日!實在太耐無STORE TAKE啦!起碼成年都有啦!好多野都改左,例如有左咖哩汁,芝士醬等等!其他野大部分我都記得,今日我係被TRAIN果個!今日接ANGIE個BAR!最好架啦!好企理又無錯數,另外,阿恆散院時執到本咸書,好攪笑!入完場就去左食飯!食完飯之後就開始數野,不過我發覺自己都數得幾慢!6樓STORE ROOM數10年都未數完,BB今日又阻住哂我數野,好問唔問今日先話有野質問我!仲唔比我去數野,咪玩啦,大佬!講到尾!我都係為一個"信"字而講,最後都解決左!唔好煩我住,呢D野遲D先講!今日生意都唔錯,都有$2000左右,埋完數之後就開始繼續數野,大隻妙已經數哂,不過我就所有STORE ROOM都未數最後成12:30先數哂!好采我D數錯得唔多,不過大隻妙就一樣咁大懵,仲有數漏野!今日布個新人做左幾日又話唔做,真係麻X煩,佢之前果晚仲關左D雪櫃,攪到D CHOP-TOP溶哂,臨走都要整單大野先安樂!今次好似話叫佢陪,都真係幾抵死!攪到差不多1:30就走得,同阿恆,大隻妙同薯蛋頭去宵夜!講左好多CANDY BAR既野!其實慢有慢既好,快亦有快既好!不過好多野都係約定俗成,要改都有D難度!何況以前班CE點TRAIN我地,我地舊果班已經入哂腦,不過我都覺得有D野要改改佢,好既野應該學下其他LOCATION!唔好既就要改左佢,咁我地先會有進步!另外,多謝薯蛋頭對我既提點,我承認我唔想衰比人睇,同埋有時都幾自我!但我會接受人地既幫助!人地肯幫我,我會覺得開心,當然係除左某D人之外!最後亦要多謝佢架的士車我返屋企!
