琴晚訓唔倒,又有時差,正式訓覺既時間只有8:00-11:40,好辛苦,都唔知點解會咁?再係咁就真係果頭近啦!鬧鐘響左,無啦啦又訓番,一訓就已經12:05,40分鐘點可能由柴灣飛去旺角?最後返到去都已經遲左11分鐘,其實可以早D既,不過因為呢排愛上左SEND SMS!所以寧願遲D落去都SEND埋個短訊佢,同阿琳傾左D最近發生既事,都係唔好諗咁多啦!真係有D驚!今日返12:45-22:30 BO,本來個更係大隻妙,不過因為佢日頭有份FULL TIME,所以就返唔倒比左我!今日PART住BB,基本上都無咩講過野,因為真係好忙,而且全日都係得3個人賣飛!我想行開整下野都唔得,16點場仲多人到打哂蛇餅!一直望住個閉路電視,一直食飯都食得唔安樂,不過我都係食足時間先落去,真係好累,好辛苦,我都好驚今日會SHORT$,精神狀態真係奇差!今日無啦啦又要爆LOCKER,因為之前0係7F,有人執到張貼滿印花既卡,呢D印花其實可以換番$,所以寫字樓好重視今次事件,其實已經有個嫌疑人物,不過又好似無足夠証據咁,所以今次要守哂咁多個同事LOCKER,當中都有D發現,亦有我熟既同事份,我真係唔希望我熟既同事有事,18點後BO一姐阿KIN返黎就已經齊哂人,PART住阿KIN我就可以好放心行開去整野!今晚底褲同我埋數有D阻滯,開頭話我SHORT$110, CREDIT CARD又多左$20,之後攪左一大輪野,攪掂哂之後先話比我知原來係佢自己計錯CREDIT CARD條數,頂!!!之前做既野叫我還完返,只要將CREDIT CARD轉CASH就OK啦!攪到我成23:00先走得!我約左人架!大佬!

之後約左BOAT去觀塘食野,同佢講開佢既問題,我見倒佢咁辛苦,自己都唔係好開心,始終我同佢太熟,好清楚佢性格,所以覺得無咩問題,但其他人就覺得有問題,呢個世界D人就係咁,唔順眼就做咩都係唔好,我一向都覺得同人相處係一門好高深既學問!呢一點我而家仲學緊!同佢講左D自己野,佢肯聽肯比意見已經好好啦!一句鼓勵都已經夠啦!我最後聽左佢建議作出左一個嘗試,得出黎既結果其實係好既,真係開心,不過之後知道得越多就越覺得唔應該諗,因為希望越大,失望只會越大!

時差又出現啦!又天光先訓,訓到成17:00,之後又要去攪野,呢排要攪番多D,因為開始比人鬧啦!攪完又要BOOM BOOM聲返工,我真係好憎繁忙時間坐地鐵!一來迫,二來有D人真係臭到我想嘔!嘔就係我唯一可以比倒既反應!尢其是係D阿差,果D味真係臭到難以形容!好想死,今日又要ST,因為阿仲停更,所以我同大隻妙就要數得密D,其實我真係無咩所謂,因為可以跟薯蛋頭或者底褲架的士返去,又有ALLOWANCE,計落都OK既!所以就是但啦!今日係返19-25 3F+ST,同ANGIE一層,唔係好想同佢講野,費事又講多錯多,唔岩聽又記住哂!聽聞話佢今日又發癲!不過煩唔倒我就算啦!咩都唔理,食飯之前完全無數過,食完飯之後先慢慢數,所以今日係數得激慢,慢到離譜,又錯埋哂D無聊野,錯到連自己都覺得無聊,今日有底褲幫薯蛋頭埋數,所以今日進度良好!錯既野好快就數返,之後同阿恆&兩位CE去左宵夜!食完就無無聊聊返屋企!

PS:唔知點解,因為某D野,有D開心,感覺真係幾好!

好想去曬太陽!諗住今日休息可以去啦!已經約埋嘉汶,點知無啦啦又一號風球,其實都有少少太陽,但就唔夠猛,屋企呢邊仲有舊黑雲!最後決定都係唔去啦!改左兩條友去唱K,訓到14:30左右就起身,約左15:15去銀都NEWAY,其實都唔平,埋單唔該$150,學生仲已經折左,同上次返廣州唱真係差天共地,其實兩條蛋散去唱K都有好處,就係一定無人爭咪,可以唱到嘔為止,不過我當然無嘔啦!呢間野個REMOTE唔知點解LOAD得勁慢,"禁"左一下要成10秒先有反應!所以我地成日一首歌就點左3,4次,真係好玩野!,唱左兩首好有意義既歌比D朋友,係咩歌?唔講得,亦唔準問?唔該大家唔好問我!因為我唔會講!嘉汶唔該保守秘密!,之後就坐巴士過荷里活!又去打機,又玩太鼓,仲有我久違了既沙排機,我發覺我玩格鬥機都OK,起碼勁過嘉汶先,一直打一直等BB黎!打多一陣之後就去左FOOD COURT食飯,跟住就去睇<球愛可人兒>多謝BOAT既COMPLI!套戲一個字黎形容---正!真係好正,我基本上由頭笑到尾,我好耐未試過睇套由頭笑到尾既戲!個女主角女扮男裝雖然唔係好似,但呢套只係戲,唔好理佢劇情係咪合理,總之就算要比$我都覺得好值!另外D男女主角都好型好靚!女主角雖然唔係好靚,但佢表情多多,尢其是係佢妒忌同埋男仔頭既樣,真係好爆笑,只睇佢表情已經好正!呢套戲絕對值得推介,5粒星,同埋我發覺呢套戲D笑位係全場一齊食,唔係只係一個人笑,仲有人笑到拍手,我都好耐無見過!

之後我就等埋BOAT收工,又係講是非既時候,又有人事既變動,我覺得就唔係太好,同埋我唔明點解D人可以變得咁快,可以埋堆得咁快?唔通真係咁重要,雖然一個人做野可能慘D,但我未必會向現實低頭!點解要為難自己?不過各人有唔同既做法,我唔會理人咁多!只不過係有個疑問姐???

返MID係好長既更,不過如果今日無野做,時間就會過得超難,今日返13-22:25 BO,PART住嘉汶!好采都無咁悶,下晝賣飛就停下賣下咁啦!所以我都有超多時間去整宣材D野,嘉汶比人叫左你6F幫手,所以我要15:00後先有飯食,其實都OK既,因為之前我已經食左野!今日比左3張COMPLI大家樂,兩張比華姐,一張比收銀阿琴!不過我見唔倒華姐,就托阿琴比佢啦!食完飯基本上都無咩賣過飛,因為有好多宣材野要整,又唔係太忙,嘉汶一個都攪得掂啦!我又最憎D野擺哂0係度唔做,唔做就好似好唔安樂咁!今日見倒ANGIE又黑口黑面!見到我就好似特登扮睇唔倒咁!可能我成日行開,攪到佢唔得閒叫嘉汶幫佢上7F抹雪櫃啦!如果佢再係咁係咁要人就佢,我就會唔忍佢!到夜晚入完19:00場就去換埋畫!唔係太想對住PHOEBE,可能因為佢實在太蠢,所以根本唔想同佢講野,今日約左阿聰,但下晝打過電話比佢又話唔係好舒服,咁無理由仲叫佢出黎,佢叫我收工搵佢,佢就話食緊飯轉頭搵我,我都諗住佢唔出黎,所以就搵嘉汶,咁岩佢同薯蛋頭0係旺角咪過去JOIN佢地,點知我食緊野時,阿聰又話出黎啦!其實我都唔太想出,因為有D累又唔想太夜返去,但既然佢唔舒服都出黎我無理由托佢手睜!大家都有成大半年無見,約左佢返柴灣,之後去左柴灣公園!行上去坐時竟然比我發現一個開左既CONDOM,好似好完整,無用過咁,但果個位都幾陽,照計無可能可以0係度用,不過都算係一個驚人發現,同阿聰玩左一個叫生命密碼既遊戲,大約都係講一個人既性格,大部分都講得好準,無見佢咁耐,感覺上瘦左,小心身體啦!

經過前3日既假期,又要繼續返工啦!不過而家D更都唔係多,要返工都唔係易,所以有工都盡量返,今日原本有波打,不過真係唔太值得我特登請假去應戰,始終太低水平,話哂我都係國家隊球員!所以都係盡量爭取時間返工同休息好過!又要返我星期日例牌既BAR END,今日係15:35-22:50 6C,接ANGIE個BAR,一返到去見到BB食飯,佢就同我講同ANGIE交惡左,真係煩!又係為左D無聊野而有D野!返到落去ANGIE又無咩野喎!入完16:00場就同嘉汶出左去大家樂買野食,個經理華姐超客氣,成日比勁多野我地食!所以唔比兩張COMPLI佢都唔得!聽日一定要比佢!,食完飯之後就開始有事發生,話說ANGIE叫嘉汶上去7F洗雪櫃!咁我就叫嘉汶唔好行住,諗住好心提一提ANGIE話睇住散院時間,話哂今日星期日,自殺就樣衰!雖然出面有兩個同事又未夠鐘散院,但之後要散兩間同入一間,既然有人,係咪應該多D同事留0係度幫手入場呢?當時BB去左整宣材野,佢散場之前會返黎,之後ANGIE就話:唔得喎!我要佢而家洗!其他人行開做自己野就得,我叫我清潔部D人去整我D野就唔得?我根本就唔係呢個意思!好心提下佢都唔得,之後仲話我唔比面佢,好明顯佢就係之前唔妥BB,0係度含沙射影!講真,比著其他嘔心既人,我真係出多句聲都嫌費事,諗住同你熟,見你火火地,提你兩句唔好一時之氣而影響做野,又話我唔比面佢,仲話我過左火位,有無病?以後都唔講啦!由你死啦!跟住又輪到話SANDRA,又話人地咩都唔同佢講,無溝通?唔比面,但唔該叫人地比面你既同時,你自己又有無比面人?呢D野就真係識得話我知,又唔見佢同SANDRA講,有咩就3口6面大家攪掂佢,我都知SANDRA覺得佢煩,我又何嘗唔係?不過以後一於話之你,唔好煩我,之後一直同佢傾到19:30,結論又係話BB行開行埋唔同佢講聲!又話我淨係話佢唔話BB,講真,我話過BB幾多次佢又知唔知?駛唔駛向其他人講?唔通明明無做錯都要0係佢面前嘈?都費事理!ANGIE走左之後先叫清靜D,煩死!

夜晚條數好快攪掂!得$1500左右,本來好快走得,等呢完個又等果個,所以同嘉汶行先!其實心情又唔係惡劣!只不過學嘉汶講!真係心情有D奇怪!食完野之後去左打機!除左料理大王,我又愛上左打太鼓!幾好玩,而家D遊戲又真係幾好玩!另外!我玩格鬥都有D潛質!同嘉汶亂打,都打贏,之後打一局打唔贏電腦就等BB執手尾!佢真係有番兩度,另外,如果打格鬥時諗住一個你憎既人黎打就好勁,BB就係好例子!一諗起D令我地噁心既人,輸緊都變羸!WAKAKAKAKKA....

唔經唔覺又到星期六!今日原本又要連打兩場,我係知醒既,不過真係好累好累,所以決定唔入大埔打波,反正夜晚又唔係無得打,我真係唔想好累咁返去自己球隊度練波,所以打左比阿佬之後都係決定怒訓,咩都唔理,直到訓到5:00先捨得起身,電視播緊日劇排球女將,一直都好想睇,但每集都唔記得錄,所以都係去買DVD算啦!睇到唔想出門口,不過都係唔得,因為約左各曉青隊友19:00荃灣等,講明左今晚要開會,所以我想大家盡量出席,我遲左10分鐘左右,安達隊長早過我!不過其他人都係鬥遲,我都算係早果個,之後去左吉野家等佢地,今日有6個隊友都有出席,都算係咁!我無叫KEITH黎!因為我想講既野會直接影響佢!而家曉青都算有轉機,起碼大家都叫肯講野,暫時既決定係我地會自己報青少盃,會加埋阿佬同ALEX,而就要睇睇細D會唔會同我地打,因為佢班中學同學可能會一齊報高級組!所以要睇佢點,如果佢地OK既,我地會比4個QUATA佢地上黎一齊打公開組!至於搵教練方面,我同佢地講過搵SIMPSON返黎!不過KEITH就好有可能唔打,因為佢地兩個係唔可以共存,我都明白KEITH既諗法,不過球隊始終要行,絕對唔可以為左一個人而放棄有更好既發展,大家都好明白呢一點,佢地話想嘗試勸服KEITH,不過我覺得勸服既機會真係唔大!點都好啦!打完青少盃先諗教練呢個問題啦!

食完野之後就去體育館!咁岩有隊波練完波!大家都話想約佢地打一個鐘FRIENDLY MATCH!佢地又OK,我地就以可能係青少盃班底既陣容,細D同安達打大,我打中間,另外ERIC由於有身高,所以都要佢轉打中間,而且佢0係科大一直打中間,所以都駕輕就熟!阿賢SET波,後2就由RICKY同KEITH輪住打!不過佢地兩個都無得打青少盃,因為已經超左齡!好采大家入局都入得好快,第一局開頭領先,中局落後,後來居上,最後贏DEUCE!第2局就大比數贏!打完之後就開始自己練波!唔知點解,我既一傳返到去自己隊度就相當差!可能我地D開波實在太強!之後再練防守同殺波,基本上今次練波都幾好,起碼可以KEEP住D基本野,盡量唔生疏,今日我地得7個人,打一個鐘練一個鐘當然無問題,不過如果7個人要練3個鐘就絕對唔掂!始終人太少同無教練,希望之後可以慢慢改善!

經過琴晚喪嘔之後,今日既狀態終於好返好多!本來我同SANDRA已經諗住唔食早餐!繼續訓,不過9:00已經醒左,所以最後都係上左去食早餐!D早餐就真係麻麻!唔怪得$18咁抵,食完落返酒店執野,之後就去左越秀南站坐巴士過珠海,而家D交通真係方便,$60一位可以去到珠海,不過又要坐2個鐘車,架巴士勁舒服,所以我都訓左一陣!去到一個叫隧道南既巴士站落車,而家珠海真係好靚好乾淨,D馬路勁闊,不過D唔知點解條街就無咩人行,落左車之後再坐兩個站公車,0係圓明新園站落車,再行上去就係夢幻水城!$60入場費都唔算好貴,而且又唔太多人!捩完衫之後就去左人造浪池浸一浸先,之後我同嘉汶就去左SIR滑梯,我就比人整蠱,SIR左一條不見天日既滑梯,條管道又黑,仲要又臭!一入左去就好想快D SIR完,勁難受!嘉汶由於無帶上身件泳衣,所以好多野都唔玩得!之後佢決定去買過件新既,咁我就陪左佢去買!佢仲請我食雪糕!多謝哂,之後我決定自己買多枝雪條,勁好味,返去之後就繼續喪玩!玩左一個用類似滑板向前衝既滑梯,勁好玩,玩左起碼3次,唔知點解我衝到落去都唔係好識停!之後仲撞左埋博,好爆笑!好采無咩事,仲玩左一個煩似滑浪飛船既野!不過就係兩個人坐橡皮艇,輕果個坐前,重既坐後,SIR一條有成85度角既U形滑梯,勁好玩!又玩左3次,最爆笑既係大隻妙同SANDRA,個救生員竟然拉唔起佢地隻橡皮艇,要0係後面踢佢地架船落去!,又話佢地超重,之後玩多幾次,仲串佢地係熟客!WAKAKAKAKA....我地喪玩到17:30左右就走啦!STEVE約左人食飯,所以返香港先,我地出左去之後,9個人就要亂衝總共8條行車線既馬路!非常刺激,之後再坐巴士去拱北,由於入賭場要著長褲!所以我要買條長褲先,$48有交易,好抵!之後再去食野,唔知點解間野服務態度咁差,我地好似食垃圾咁,都可以有咁多人幫襯!D野真係好平,但真係幾差,

之後再0係拱北過關去澳門,又坐巴士去碼頭,再行過去金莎賭場,個賭場好靚好多人,不過玩D野就比較搵笨,今日我既目標都係大細機!由於佢同葡京唔同,部大細機係計CREDIT!$10=1CREDIT,開頭真係唔識計,玩完一鋪輸左$20之後,無啦啦輸哂!2分鐘就輸左$100,真係好唔抵之後再接再勵!玩多$100,大隻妙同阿錕都有玩,阿錕最叻,羸左$200,大隻妙就$95,我就首先要追番唔見左果$100先,之後要再贏,部死人機都唔知係咪玩野,連開兩鋪圍2,第一鋪我掛住同阿錕吹水,所以唔記得落注,之後我同佢都落左注,好采只係輸$60,最後我倒贏番$100,不過部死人機要滿10個CREDIT既倍數先可以拿$,所以我先拿左30個CREDIT先,唔到10就無得拿,本來我仲有4個,最高峰仲有8個,之後連8個都輸埋,所以佢呢部機無葡京咁好,唔可以幾多都拿得走,最後我地23:30左右去到碼頭,但由於好多人走,所以要買00:30既船飛!返到香港都已經成1:45,再陪埋SANDRA等車,又要坐耐到嘔既N8X,最後成3點幾先返到去!好想訓覺!

PS:總結今次旅程,其實真係幾好玩,好開心可以一大班同事可以一齊去旅行,仲要大部分都比較熟,之前真係無諗過可以咁多人一齊去!希望可以有下一次!同埋今次自由行大約用左$700左右,比我想像中少,周圍坐車又可以睇下其他城市既建設同環境,我地原來去左4個城市,包括番禺,廣州,珠海同澳門,行程都算好緊密!有機會真係要一齊去玩過!