橫掂之前星期2都走左堂,所以今日堂TUTORIAL都唔爭在啦!起身又BOOK唔倒場,唔理啦!訓得一陣得一陣!之後訓到8:40,就死返學,DR LAM果堂一定要比面上!始終佢又好計出席率而且佢又幫過我!不過真係幾悶,落堂之後就同佢講返我地中文系比人郁件事,佢不知幾汶,而且佢話咩都唔知,所以第時我地中文系有咩事就一定要同佢講,佢真係我地半個班主任,好緊張我地,之後上CANTEEN食飯!跟住就上文靜婆婆既普通話,真係有D難度,D拼音實在太難!跟住就上現代文學!原來今日有4組人PRESENT!我真係唔太明佢地講既野!好似讀緊歷史!好多故事講!不過只係聽PRESENT真係好鬼悶,就咁就過左成個半鐘!之後就慢慢HEA返工,周圍搵人吹水,搵左BB,不過我都知佢無咩可以幫倒我!最後我都係SEND左個希望出去!我覺得我有必要表明自己立場,我絕對無可能負擔!希望自己唔好心軟!

今日返19:30-25 6C,好少可地星期5會返夜,因為今日無波打,好采<BB計劃>0係3F,所以我果層真係忙極有限,盡量做好自己野,唔想諗咁多!好采今日無SHORT$,真係入錯左少少野!不幸之中既大幸!準時攪掂哂D野,等埋阿詩同大隻妙就返屋企,部電腦呢排唔知咩事,慢到嘔!今日再無生機,可能係表明左自己立場啦!

琴晚學校話唔收我,我都唔知可以點?始終我已經好辛苦咁讀完一年,我唔可以再浪費時間,太多野要顧慮!我唔知可以點?唯一諗倒既方法就係返去搵DR LAM幫手!返到學校去圖書館上堂,原來我地上開14點既堂已經比TRANSLATE班怪獸霸左,算數,我而家唔得閒理呢D野住!之後豪哥話DR LAM都搵過我,叫我去搵佢,之後就上7F搵佢,等左佢成個鐘終於搵倒佢!佢話我好采有得繼續讀!因為有個女同學可能會退學!佢走左我就可以繼續讀,不過佢暫時未交信!起碼而家都可以放下心頭大石先!佢好明顯DR LAM係好唔滿意學校D行政!佢都講到好氣憤話點解一定要SET死收32個學生!攪到有人無書讀!之後再同佢講埋有人黎ZIP堂D野,佢話佢會處理,我覺得佢就好似我地個班主任,仲叫我地中文系有咩就要同佢講!之後就落返去上堂,又係上普通話!上完之後就慢慢行返去返工!

今日返19-23 3C,靜到嘔!唔知想點?如果可以我真係想掉左個電話佢,因為真係好差,成日無啦啦熄機!又勁快無電!好準時收工!今日想快D返屋企,咩都唔想理,始終聽日又要返早學!當自己一個人時又開始亂諗野,實在有太多回憶,我係一個易滿足既人,少少野已經可以令我好開心!其實好多野都唔知諗黎做咩?已經過去左,不過實在太多野可以令我亂諗!例如一張椅,一個時間都可以!就快癲,之後無啦啦又有一線生機!想點?

訓訓訓!訓到夠鐘起身攪野,之後就返學上16-18既現代文學,今日又有TEANSLATE既怪物走黎ZIP堂!攪到今日遲到既3個中文系同學無位坐,真係慘,果D怪物又真係唔知醜,明知有D同學無位坐都無意識起身讓返個位比人,佢地知唔知個醜字點寫?之後捱到去18:00,自己實在有太多野諗,根本就無心機上堂,不過阿SIR講既野我都仲係唔識笑,可能自己心情唔多好啦!之後都係忍唔住要做D野!我始終唔心息,唔知講左自己感受出黎之後會唔會有幫助呢?今日返19-25 ST+3F,以我呢排既狀態唔錯好多都已經偷笑,希望唔好錯咁多啦!LEO都仲要TRAINING!其實佢已經OK,不過就可能會錯D好少既野!希望之後佢可以分擔下啦!好好采,今日錯既野異常地少,同埋有LEO一齊,如果錯既都可以對下大家條數先!只係重數左兩樣野!所以今日都係等收工!實在太好啦!收工後就有結果,得倒既答覆實在太令人失望,如果佢真係咁既,我都可以放棄!我實在太天真!唔可以再比藉口自己!返到屋企睇返E-MAIL,學校話唔接受我逾期申請,又一個打擊,我都唔知可以點算?我而家先知我既意志力原來係有限,我就快撐唔住!好辛苦!

我咩都唔想做,我只想逃避!所以連學都唔返,訓到成11:45先起身,好多謝阿琳幫我証明左一個事實,等我可以面對真相,仲攪倒佢,真係唔好意思,渾渾噩噩咁0係BO賣飛,仲要對住D客笑笑口,都咪話唔辛苦!不過我同自己講就算點辛苦,點唔開心都唔可以影響自己工作!因為係完全唔關其他人事!到食飯時間,自己再去親身去証實,結果完全係預計之內!所以我決定放棄!之後繼續賣飛,我覺得自己都幾犀利!因為自問自己0係BO已經做哂要做既野,已經交足功課,放工要等埋BB,不過臨走前6C部爆谷機漏油,所以佢唔走得,變左我又要等多佢幾個字!之後食野,好多謝佢不斷係咁比我講野,我真係唔甘心,有時明知D野係唔岩都仲要鍾個頭埋去!我真係要理智,事實証明一切!醒下啦!

咩都唔想做,咩都唔想理,只想有奇蹟!不過當然係無可能啦!今日本來要返INTEGRATED SEMINAR!不過決定唔返,其實都唔知返黎做咩?我明知點名冊上面唔會有我個名,所以我決定扮野唔返!就算D人話我,我都有藉口,加上琴晚收夜後真係好眼訓,雖然可以準時走,但都係咁話啦!所以唔返絕對係正確!之後10:45竟要起身,因為12-14果堂新聞一定要返!返到去先知原來之前果堂SEMINAR改左時間由9點改到10點,不過就完全無人通知我!好采我無返!如果唔係就呆等!睇返個時間表,原來又係PRESENT,仲要PRESENT<論語>,真係好煩!今日果堂真係悶到飛街!又不斷照住POWER POINT講,好似中學上堂咁!好悶,終於落堂,本來約左慧芝佢地出黎,點知就得我同佢,最後都係決定星期6先算,唔出住啦!之後約左嘉汶今晚出黎吹水,之前有空檔所以決定返公司睇<穿PRADA的惡魔>本來呢套戲唔諗住睇,但睇影評話唔錯,所以睇下啦!睇完真係覺得好驚喜!主要內容係講人0係平常生活所面對既野,例如權力,愛情同金錢既抉擇!好有道理好發人心省!兩位女主角好好戲,睇佢地已經值回票價!

睇完戲之後約左嘉汶吹水!呢排學佢所講心情奇怪+惡劣!所以都想搵個人吹下水!好多謝佢陪左我成晚!雖然佢比既意見同其他朋友都差不多,但都已經夠啦!同埋多謝佢幫左我做一件事,等我可以證明左一樣野!不過自己就好似唔太想接受!我覺得自己有D似<PRADA>入面既Meryl Streep既角色!返工返學時都係一副戰鬥格,所以我好明白要上位就要犧牲一D野!但我更清楚背後既自己又會係點!咪一樣係想放鬆,想抖落黎!咁多年都已經慣左!我唔覺得有咩咁慘!當我自以為可以有放鬆落黎既一日,原來我先知實在太天真,一切我實在諗得太美好!原來我並不是一個幸運兒!我要改變自己思想!所有藉口都已經用完!我已經無任何自欺欺人既原因!我一早都講過!現實真係好....殘酷!我要相信自己對眼,對耳!係時候要清醒!就算係唔甘心都要迫自己!

今日選擇訓覺直到15:15!訓覺可以咩都唔理,好想去逃避,最好一訓就咩都唔記得,仲要係選擇性的,開心既記得,唔開心既就唔記得!哈!唔好發夢啦!之後就起身返工!重投星期日既BAR END懷抱!今日返16:30-23 6C!又係接ANGIE BAR,最開心!入完一陣就死去食飯!之後就得返自己一個BAR END!咩都唔駛煩!最好大家唔好理我!今日同大隻妙講開ST D野!之後我地話唔TAKE,叫阿石TAKE哂佢!之後佢發脾氣,可能我地講野語氣唔太好啦!之後佢就同薯蛋頭講話要調更,不過之後我地都無理佢,講真,我唔TAKE只係講笑,但點都好啦!自己已經夠多野煩,所以呢D瑣碎事真係唔好煩我!唔,經唔覺又收工,估唔到有成$35XX!好準時收工,之後又再自欺欺人,我唔知可以等到幾時!咩都已經做哂,我都好想SET個日期比自己,但可以嗎?

星期6,又係一個希望!又係返9-18:15 3C,真係好悶!入完早場就同豬,BB,佢地食早餐!同阿豬傾計,好多謝佢都有支持我,我地仲輸賭一餐燒賣!不過連我自己都完全無信心可以羸,一切睇黎我都會輸!下晝都係同平日既星期6差不多,唔算好忙!之後就埋數!等阿詩返黎就去食野!食完野入多一陣場就收工!今日都唔知做過D咩?收工後收倒有好多野!不過全部都唔係我想得到既!其實我都預左會輸!不斷比藉口自己!比到咩藉口都無哂!一上車就訓到落車,因為琴晚部電腦壞左上唔倒網,攪到成4:00,所以我真係好累!比藉口自己去到20:00前,之後不斷有一剎那既希望,不過全部都係假既!

今日都係練一個鐘波之後就打FRIENDLY MATCH!練波既進度唔錯,都係由隊長LEAD住大家!不過佢就布有D傷!之後約左阿佬佢地打FRIEDNLY MATCH!頭一兩局打得幾好!一傳又到,好多戰術!之後就開始唔穩定,中國女排就有7仙女,而我地就有7壯士,即係打黎打去都係果幾個,真係好爆笑,不過咁樣就可以夾熟大家D默契!之後就同大家去食野!食完野就同琴晚晚動作一樣咁返屋企!最後結係我要輸比阿豬!一早就預左,又可以點?