琴晚坐車返屋企時已經就死咁滯,今朝又要早起返工,返9-18:15 6C,本來係3C,不過琴晚阿詩係3C,所以佢想自己接返,我又無咩所謂,反正6F又靜咁多,仲好,早場又少人睇!不過一返到去就有3個客走返黎話琴晚黎8院睇午夜場唔見左電話,聽芷茵講佢地好早已經到左0係度等開門,一見芷茵就叫佢開門比佢入黎!但由於果陣只係9:00,其他同事根本未返,上到去都無人可以幫倒佢!叫佢等等,點知今朝好衰唔衰有個男人入左BO,佢地咪話點解其他人入倒黎!佢地就同個男人講話唔見左電話,話以為個男人係看更,之後上到黎6F,JACK幫佢照過,都係搵唔倒!佢就問我同萍姐問仲有無人上過黎,我同萍姐根本就係第一個人上6F,無其他人上過黎,佢之後就講話個電話由琴晚一直打到頭先9:00一直無人聽,有響過,但一上到黎就唔嶵通,佢地3個人D口吻好似話係我地自己人偷左佢咁,仲問我廁所門邊個開!佢都低B,廁所根本無鎖唔駛開,講真,佢個電話比你係咁打都打到無電啦!佢都識講較震機,我地又點會知有人唔見電話!D死人態度乞人憎到死,條女自己都唔肯定係咪漏左0係戲院啦!又話可能0係廁所!根本就唔關人事,都抵佢地死,要怪只可以怪佢地自己唔小心!下晝又靜,不斷搵野做!阿佬佢地黎左睇<妄想>!其實我都好想睇,佐呢排勁忙,無時間!入埋18:00場就收工!

收工就坐的士過左荃灣食野先!之後就去左阿佬個場度打波,本來今晚D人一早分好哂,但臨時又有D變動!所以我地果邊就以矮打高!就好似南韓打俄羅斯咁,雖然我地係矮,但我覺得我地好多波都係守番黎!今晚好多一傳都係我接!另外大家都守左好多波番黎!我覺得我地已經羸左!雖然攻擊力係唔夠!但我地全部人已經好盡力,我覺得大家已經打得好好!之後知道左有人講大話,點解會咁架?仲擺埋我上"台",不過我無惱,又無咩野!但我覺得咁樣黎利用我同其他人唔係咁好!今日比左個回覆人,不過都無覆我,完全唔知人地想點?

本案訓得3個鐘就要起身,BOOK完場之後諗住訓到8:15,9:00果堂預左唔返!不過就一定要10:00前訓到去交功課,點知8:50先識醒,其實鬧鐘已經響過,不過自己懶左想訓多陣,點知就訓過龍!所以即刻起身,我驚過左10:00佢就唔收份功課!即刻飛出門口,低點知又無巴士,一黎就飛站,終於上倒車,上車又要睇份新聞PRESENT,其實仲差少少未做哂!又要自己講一次,一落車就上火車站飛的士返去,好采返到去都係9:55,交倒功課,之後就要PRESENT,我係第3個,之前兩位同學都OK,佢地就用比教輕鬆D手法講!而我就比較嚴肅D,其實都覺自己講得唔錯,雖然就係悶D,不過都叫無咩食螺絲!而且都講得幾流暢!雖然中間講到有D前言不對後語!但應該唔太聽得出!順利過關之後就返屋企!下晝D堂唔想上!本來約左阿佬返公司睇戲,不過佢要陪阿媽睇跌打所以佢唔得,其實仲好,因為我都好眼訓,所以寧願返屋企訓!不過返到屋企執下野又無訓過!約左阿佬18:30朗豪坊等,出到去打比佢竟然話打緊牌,仲0係屋企,真係啤一聲!佢話諗住我會出門口前搵佢,而且佢又唔記得通知我!結果我就是但買左D野食就坐車過楓樹窩!

準時去到,不過對面D人非常唔準時,JUDY佢地竟然遲成45分鐘,真係有D過份!咁不如BOOK21:00好過啦!遲得太過份!KENNETH仲要放飛機,好采我叫左14個人,都仲有一個人多!今晚大家都打得唔錯!但個場無冷氣,好采今日已經涼左,如果唔係一定會死!打完波就一條友坐MTR返屋企,咁耐無打過咁劇烈,真係好累!今日做左一件可以話安心又或者唔安心既事!點都好啦!我寧願個答案係咁啦!第2個答案而家對我黎講係絕對更差!

今日都要讚下自己先,琴晚12:00就訓,所以今朝決定起身返學!仲好準時9:00就返到去,不過上上下堂就開始眼訓!都唔明自己點解早左訓都係咁,早訓又係咁,遲訓又係咁,咁不如唔好訓,反正成日都咁眼訓!好辛苦咁捱到落堂!最後既決定諗都唔諗就飛返屋企訓覺!本來諗住做功課,不過最後都係比周公打敗左,一直訓到成17:00就起身返工!今日返19-23 6C,本來今日休息,不過同阿豬掉左,算啦!反正邊日休息人地都唔會陪我,今日收倒消息,起碼知道人地而家無咩事又0係邊咁我就安樂!阿詩今日唔多舒服,本來佢要TRAIN LEO,所以佢交左比我,無所謂啦!反正同阿詩又熟左,幫下佢當然無問題,而且LEO又已經學左STORE TAKE!所以好多野佢已經知道,加上佢自己之前又做左功課記熟哂D價錢!所以我咩都唔駛講!只要話比佢知CB既情況同教佢埋數就OK,今日都算順利!不過埋數後入錯左D野,所以最後攪到23:25先走,今晚約左BB食野,好耐無同佢食,因為我實在太忙,而且佢D時間同我唔太夾,不過好在而家有時微波仙子同嘉汶都會搵下佢,咁佢都唔駛太悶!