好好訓呀!都係訓到14:00先起身,一起身就收倒人地覆返我!又黎呢招!我覺得好煩,次次都係咁,永遠都係拋番個波比我!我真係唔想再諗,每次個原因都係大同小異?有無咁岩呢?我真係唔想再去理,好煩!起身之後打左陣機,食完野無啦啦又開始眼訓!之後又訓,真係有病!訓醒之後就早少少出門口,因為今日要去西灣河影印先,佢話星期5先有得拿,梗係唔得啦,我聽日點上堂呀?好采佢話聽日就有得拿!之後就趕返工,今日要返19-25 6F+ST!仲要TRAIN阿康!好采上星期佢已經TRAIN過一次,所以我都唔駛點教,只係提下佢少少野就OK!不過今日要睇阿康果份做REPORT,所以今日就遲左,但算啦!唔比佢習慣下真係唔得!但我都怕TRAIN完佢無耐又唔做!最後攪埋其他野,都成2:00先走得,跟住就坐底褲車返歸!
chingtung1222 | 29th Nov 2006, 02:07 AM |
一般 | (70 Reads)
又唔返學?都唔知自想癲到幾時?好啦!比個時間自己,就星期4啦,之後我會重新振作!唔可以再係咁,就係咁就訓到15:00起身,之後就起身去睇醫生,今日一定要睇啦!始終出左糧唔可以再拖!16:30左右去到都要等成5-6個,不過無法啦!點都要等!醫生話好左D,希望一直可以好落去,好采今次睇醫生無想像中咁貴,如果唔係我今個月都唔知點算?之後同人講得好清楚,唔希望人地拖住我!我真係好想作一個了結,想時間盡快沖淡一切,無咩必要我都唔想再同人有任何聯絡!人地無覆我,總之我唔理,我都要比個期限自己解決呢件事!之後就趕頭趕命入大埔剪頭髮!今日好多人,又唔夠人洗頭,所以都要剪左先,剪完之後仲要我等成半個鐘先有得洗!之後等埋ALEX連食飯時間都無,是但買左D垃圾上車食算!今日約左班人0係大窩口打波,其實都叫係一隊波,不過人地就真係打得認真麻麻!今日我仲特登請左假去打,不過點都好啦!對住D弱隊自己都唔會鬆!心態可以鬆,但技術一定唔可以鬆!所以我好唔鍾意輸比弱隊既感覺,好采今日都無輸過!打完之後就返屋企,0係天后等車果時撞倒BB2號,咁岩我準備上車時就見佢0係我前面架巴士上面,我同佢真係好有緣,我撞過佢最少3次!真係好攪笑!
chingtung1222 | 28th Nov 2006, 00:17 AM |
一般 | (76 Reads)
今日本來真係諗住返學,不過最後都係訓返,好無用!明知道後果可能好嚴重,但都可以咩都唔理!豁出去啦,一訓就訓到15:30,呢兩日無啦啦有D頭痛!想去睇醫生,不過最後都無去,掛住0係屋企HEA!咩都唔想做,HEA到成17:50先出門口,但今日要返18:30-22:45 BO,好采最後都無遲到!今日我決定要做個解脫!已經係時候作一個了結,唔好再拖,所以我就算幾忙都要做!我要狠D,做完要做既野之後就落返去賣飛,今日泊住阿詩,好攪笑既配撘,平時好少落BO既兩個竟然一齊出現0係BO!唔覺唔覺都賣左成$8000!好快咁又收工!其實一早都估到係比人呃!而且人地今次都無否認過呀!但我覺得好討厭既係做咩仲要拖我,我決定唔可以再係咁,我唔可以成日都比人有話事權,所以我一定要主動出擊,反正而家已經無任何瓜葛,亦再無值得我留戀既地方!
chingtung1222 | 27th Nov 2006, 00:49 AM |
一般 | (126 Reads)
今日可以訓番覺好既,但9點幾就比杞而嘈醒左,睇一睇個手提,無啦啦變左無服務,之後仲話SIM卡尚未註冊?咩事呀?個死人3台又玩野,之前已經交左電話費啦!所以即刻起身用老娘部電話試下張卡?點知又無事喎!咁即係部電話已經死期到啦!一定唔可以呀,我完全無$,根本無能力換電話!雖然呢排部電話已經死死地,成日好似烏蠅咁WEWE聲!但都要頂住先,真係無$,唔換得!好采之後發現只係虛驚一場,無啦啦又得番,都唔知佢想點?之後一直訓到14:45先起身,仲詬話去影印?得個講字,真係離哂譜!有得訓就咩都唔理!今日返16-23 3C,都唔算好忙!接阿琳個BAR!其實好想今日作一個了結,但個電話就好似偏偏唔爭氣!所以最後都係做唔倒!點都好啦!我都覺得係時候啦!已經再無藉口!MAY MAY今日又唔舒服,好似話佢係坐骨神經有事~!好似手尾會好長咁,真係慘!希望佢快D好返啦,始佢一個女人又要擔起成頭家都好辛苦!以為自又SHORT左成舊水,好采之後先知原來係幫阿佬買左飛唔記得比$,不過SHORT左都唔出奇,因為呢排狀態奇差!
chingtung1222 | 26th Nov 2006, 01:51 AM |
一般 | (68 Reads)
有時我發覺好多野都係自己拿黎!明明琴晚可以早D訓,就偏偏攪到成5:30先訓,都唔知有咩謂?好啦!抵死啦!攪到今日唔知醒起身,仲諗住11:00起身去影印,費事比人話,而家唔駛啦!訓到成12:20先起身,仲要返公司拿雞串去阿姐舖頭!即刻飛返公司,拿完之後就坐車過去!去到都已成14:00,但14-16要打波囉!雖然我覺得自己已經好快,但最後都遲哂大到!點都好啦!今日對手比想像中差好多!早知就唔請假去打啦!又浪費左我一日既時間,但由於自己未熱身,所以今日係打得唔好既!之後就同大家去小巴黎食下午茶!食完就同KEITH,RICKY去荃灣行左一陣!KEITH就有收獲,我都好想買野,不過我完全無$,所以都係得個諗字!行到18:30左右就上阿姐屋企等老娘上黎,之後就一齊食飯!
今日唔算係老娘生日,不過平時大家都唔係太得閒,所以就約左今晚大家一齊出黎食!都係同阿姐,佢果件同兩個小朋友!我地去左POKKA CAFE,終於知咩叫貴夾唔飽,份量少之餘,價錢亦有咁上下,雖然都算唔錯,最後我食到21:00左右就走啦!今晚我比$,阿姐請左咁多年,都係時候我請一餐!雖然我搵得唔多,但一餐半餐都OK既,有幾可呀?佢又有兩隻化骨龍咁大負擔,我都好應該幫輕下既!反正自己一個人之後,所用既$會少好多,一個人都不失為一個慳$既方法!
之後就去打波,今晚唔係好夠人,所以無練波,而且我又要21:00先到,所以琴晚臨急臨忙搵左D人黎打波,好采最後都搵倒,今晚無左安8,所以我就變左主力接一傳,我自問今晚已經接得好好!已經交足功課!有時好攪笑,但其他人表現得唔好,我就會打得幾好,當大家都打得好,我就反而打得唔好,唔知點解會咁,我都好想KEEP住自己狀態!不過真係好難,之後又同大家食野,又笑,成日係咁食!都唔知點解可以唔肥!真係有苦自己知!
PS:聽日將會係一個解脫!就算唔捨得都要!
chingtung1222 | 25th Nov 2006, 01:54 AM |
一般 | (52 Reads)
我今日真係有起過身架!真係諗住刷牙洗面返學架!不過唔知點解最後都係唔想返,我知我唔返會帶比其他人唔方便,所以我決定要做D野,費事比人講,聽日就會去做!之後一直喪訓到15:00先起身,呢排起身都無咩野食,但又懶得落街買,好采比我搵到個杯麵!如果唔係都唔知食咩!食下野睇下電視HEA下!今晚約左嘉汶,微波仙子同BB返戲院睇<鐵道兇靈>
不過佢地個個都遲到,次次約親佢地都遲,成日都係我最早,下次我都唔咁早啦!真係過份,其實套戲普普通通啦!而且D驚嚇位都唔係太恐怖!好多位都估倒!不過唔知點解D死人頭係都要嘈,咁驚就唔好睇啦!又睇到E嘩鬼叫,又要笑!呢D賤人都唔知係0係度博出位定做比佢隔離條仔聽話比人知佢好驚,所以我真係好憎睇恐怖片咁多人睇!一定會比人騷擾,鬼唔望呢D賤貨比鬼捉,仲要係好似戲入面咁比鬼捉左去,真係要咀咒佢地下次搭地鐵要小心D!!!
睇完戲之後就同佢地去食野!無啦啦佢地心血來潮話去廟街玩靈雀占卜!見大家咁有興趣,而且大家都肯玩,是但啦!就去玩下啦!聽完就算啦!唔可以盡信,不去到廟街D檔口真係唔少,塔羅牌,睇相咩都有,BB話有檔叫連姑既好準,就即管去睇睇!嘩!未問價錢,一問就話要3百幾,佢都幾好搵,咁X貴,睇黎我地都係玩D化算D既好!$30一次靈雀就岩啦!BB問先,都係問姻緣!都係問果個賤人,不過又真係講得幾準,之後就到微波仙子問事業前程,準唔準就要佢自己先知,而且將來既野真係無人知!之後就到我問姻緣!問返我同人地仲有無可能,佢話係中籤,話下個月就知結果,仲話我地有第3者!又話我地可能仲有可能!其實我覺得自己SIDE左呢個問題,因為我都決定放棄,仲問黎做咩?之後再問左我3月可唔可以轉校,竟然話我可以,係上上籤!話守得雲開見月明咁上下啦!希望佢真係講得岩啦!總知聽完就算啦!我都唔會盡信,不過都覺得幾好玩!今日心情都好左好多,多謝大家陪住我!
chingtung1222 | 24th Nov 2006, 00:49 AM |
一般 | (68 Reads)
哈!今日仍然係唔想返學,雖然明知唔返會比人串,不過有時就係咁,想唔返就唔返,咩都唔想諗,想咁做就咁做!雖然今日返15-17,已經係好晏既時間,但我都選擇左0係屋企喪訓,訓到成17:00先起身,訓覺可以發夢,仲要係可以天馬行空,明明現實係好唔開心,但發夢就明明唔開心都可以變開心,因為夢境成日都同現實相反,但始終都要醒,醒左就知現實係殘酷既!起身後又無野食,就是但食左D野!屋企實在太污糟,所以一定要清潔下,之後就返工,又唔記得帶部MP3!坐車又悶到嘔!不過今日好多電話要打,一來又要搵人星期6去打波,又要覆返美慧小健個電話,佢地成班中學同學聽晚去BBQ,不過我唔去啦!之前已經燒左,希望佢地玩得開心D啦!今日返19-23 6C,都唔係太忙,返到去就買左D燒賣食,因為實在太肚餓!今日好準時收工,聽晚可能同同事去睇戲,希望可以去得成啦!
曾經有一刻想改變,不過我真係唔可以再係咁!因為咁既關係真係唔值得再維繫落去,我已經咩都做哂,明知自己唔掂,都盡量滿足人地,結果呢?咪又係自己傻,付出永遠唔等於回報!既然人地都講到出口,我仲咩要留戀?
