唉!我發覺自己真係幾CHEAP!走去叫人比我黎打波,猜下波都OK,結果人地話因為原則問題!同埋我0係場邊猜波唔落場會好怪,我都唔知係咩理論,話係原則問題,是但啦!個場又唔係我既,人地鍾意點就點啦!無得去就算啦!10:15起身之後就過奧運站既教院交FORM,去到都有幾個人交,睇黎競爭都幾大,希望今年可以入倒啦!交完之後就過奧海城睇下有無禮物岩!因為今晚約左班隊友BBQ,不過睇黎睇去都唔岩,之後就過左銅鑼灣SOGO,再去埋CITYSUPER,都好似係買唔落手,都唔知點算,最後都係決定返屋企訓覺,返工之前再去新世紀睇睇!

返到去新世紀先施終於決定倒買D咩!不過唔夠時間,所以要食飯先可以出去買!今日返18:15-24:45 BO,早知今日唔比我去打波就唔特登報夜,攪到我失哂預算!班隊友約左今晚去獅子山BBQ,不過我食飯打比佢地果陣又話太夜所以唔去,改左去打邊爐!是但啦,反正我都要遲,打邊爐仲好啦!唔駛咁污糟!點知我收工打比佢地時話已經食完,佢地以為我收24:00,是但啦,唔去都好既,可以慳$,因為我真係無咩$!咁岩BB收24:30,所以同BB去左食野!好耐無同佢去食啦!因為之前為左人地唔咁夜返屋企,而家唔駛啦!最後食到2:30就返屋企啦!

PS:有D驚會變返幾年前既自己!

今日特登拿左假,約左成班中學同學食飯,今次美慧一早就打左比我約我,所以點都要出黎!上次佢地去BBQ我已經無去,所以今次一定要畀面出席!仲好難得今次叫左8個同學出黎!美慧BOOK左上環蓮香樓,開頭我以為係一間酒家,點知原來係一間好耐歷史既酒樓!D侍應全部都係阿伯,斟水既時候仲係拿住個大熱水煲周圍走!我不知幾驚佢成壺倒落我度!今次叫左肥明,肥基,阿俊,珊姐,美慧,我,嘉豪,豪仔同阿福,真係幾多人,仲有D唔得閒黎,如果唔係一定更多人!嘉豪又已經結左婚,仲帶埋佢大左肚既老婆黎!佢地全部人已經投身社會!只係得我一個唔知醜咁讀緊書,美慧0係恆基做文員,嘉豪就自己攪緊生意,動輒就幾十萬,珊姐就做緊診所護士,阿俊同肥基都0係寫字樓做野!雖然佢地有D都係做D比較低微既工作,但對比起我已經好好多,佢地問我做緊咩我都唔想講!有2個問題我根本唔想答,就係做緊咩工作,0係邊度讀書?我都好輕輕咁帶過就算,我唔想大家既話題講我,一分鐘,甚至一個問題都唔想!對比起呢班同學我算是失敗嗎?我都明行行出狀元,可能我之後都可以做個專業人士,我明個個人既際遇都唔同,但我已經咩都比人遲!唔可以再咁落去,我可以養得起自己嗎?係唔得,咁大個人都唔知點攪?之後同佢地去左蘭桂坊兜左個圈!不過果度大嘈啦,所以根本傾唔倒計,最後去左PACIFIC COFFEE吹水吹到12點幾,好慶幸話題唔0係我身上!好想搵波打,打波我就可以暫時唔諗D無謂野!不過最後都係失敗左,但都唔心息,都仲係要抓爛塊面要人幫我問多次,一來我真係唔鍾意PALN好哂既野比人破壞,二來我真係想打咩都唔諗,只係2-3個鐘!唔諗一陣都好呀!

又遲到!無諗過今日下晝都會塞車,真係大失預算!而且今日坐架巴士真係好奇特!個司機唔知係咪懶醒,平時好少塞車既路唔行,不過就會兜遠少少,佢竟然走左去行條塞車既路,如果唔塞就會好快,可惜呢段時間想唔塞車都難!最後佢都要切線行返平時好少塞車果條路,你話條友係咪多餘?而且0係車上面又有個小朋友嘔!仲要坐我斜對面!好明顯佢老豆係一個大陸人,幫佢抹完D毛巾可以就咁掉落地,點解可以咁不負責任?我唔想歧視大陸人,可惜佢地有時做D野真係幾過分!最後今日都係遲左10分鐘,返去接BB個BAR,唔明點解佢將簡單既野講到好複雜!算啦!我會明白!今日返16:45-25 3C!都唔算好忙!入場,FILL野,左攪右攪!夜晚泊住濺女人CONNIE,阿樂,無啦啦講起性呢個話題,唔知點解阿樂可以講到一腳踏兩船講到同性有關,而且又好似講到男仔就好應份!我就唔太同意,無論男定女都唔應該咁樣!明白CONNIE點解唔想拍拖!可能我都會好似佢咁,唔該哂阿樂同JASON幫我洗WARMER!今晚雖然1:30先走,不過我應承左MAY MAY唔簽OT!又係一個人坐車既時候,唔知點解呢排好多回憶湧住黎!完完全全0係坐車時就變成一個諗樣!所以有時都怕坐車果陣!呢排愛上左<愛才>終於明白點解!

連續3日既公眾假期終於結束,又返到清閒既日子,不過D學生應該未放完假,所以今日我返工既時間仍然係15:30-25:30 3C,都做左成個星期C/B,不過是但啦!唔做呢個位都唔知可以做邊個位?今日接阿琳個BAR,返到去就幫佢埋數,之後就落左BO掛旗仔,8婆拿左我地宣材吉黑BOARD既膠片黎裝更表,我當然唔會同佢客氣拿番佢啦!鬼叫我有大把野要吉出去!19:30場又無人幫我BAR,結果就係男主角黎左,不過算啦,都無咩所謂,阿詩就0係出面睇戲!今日D時間好似過得好快!食完飯之後就開始好多野攪,雖然今日唔駛換畫,但就好多戲有優先場,所以好多紙仔要貼落POSTER,所以都好多野做!今日埋數岩哂!本來今日要洗WARMER,但我今日埋數遲左,所以最後都係聽日先洗,反正聽日都係我姐!不過今日都成2:00先走!

今朝12:00先訓,訓到18:00左右比嘉汶嘈醒,之後吹左一陣水,今晚約左小學同學小明出黎,我地隔幾個月都會見一次!咁多個小學同學,同佢都係最熟既一個!我地約左0係銅鑼灣食飯!不過都唔知食咩好,所以就行左一陣,好想換電話,不過都係果句,無$,個電話D雜音真係聽到我好想死,就黎聽唔倒人地講野咁滯!其實我想去鋸扒,不過又唔知邊度好笑,之後行下行下就去左JP果邊,就求其去左一間高檔D既茶餐廳,其實D野真係麻麻地,不過多謝佢請我,話當補祝我生日,真係多謝哂!同佢傾下傾下,又講返佢之前果個,聽佢口吻好似到而家仲有D感覺!但佢地已經散左成3年,我相信佢果一次一定好深刻!成3年啦,佢都未可以完全無感覺,唔知我又要幾耐?食完之後陪佢買左D野比佢朋友,之後就返屋企啦!坐車時又不由自主咁諗起人地!唔知我D感覺可以幾時消失?

開始頹廢生活第3日,都係訓到16:00先起身,同琴日一樣,今日都係6C,不過就返18:30-25,我同阿詩都係呢幾日兩層既BAR END!今日個DRAW 2係豬仔!都好幫得手!今日諗住收工後約嘉汶,SANDRA同大隻妙宵夜,因為佢地會返黎睇<黃金甲>!都係好多人睇戲!豬仔22:30就收工,之後都得返我自己一個入午夜場,平時當然無問題啦,不過今日係聖誕節,聽日D人又唔駛返工,所以今晚午夜場每間都有成100人,我地個CB就一定會比人輪,仲要係得自己一個,又無人幫手,所以都好慘!仲要係勁多熱食先慘,手就得一對,所以真係無辦法!阿詩佢地話去阿昌屋企打牌,我都想打,不過佢地實在打得太細,去到根本就洽眼訓!所以都係同嘉汶佢地食野好過!之後佢地又話打大D,所以最後我都有上去打!今日又SHORT左$1X!算啦!

1:30收工後等埋阿詩,琳,豬佢地落太子等阿昌佢地,佢地行先去買酒,不過唔關我事,我好清楚自己只係去打牌,我唔會同佢地去玩其他野,成3:00先可以開台!都離哂譜!阿昌間屋同佢D朋友一齊租,好平租,但原來係9樓,仲要係無LIFT,真係拿左我條命,如果唔係唔駛$我一定唔會去!阿詩同芝士兩份打,阿琳同豬仔兩份,我同MAN MAN就自己打!另外D人就0係隔離玩骰盅,又飲酒又猜拳,真係咩都有,但就真係好嘈好嘈!嘈到叫上,叫食都聽唔倒!之後佢地又玩果個TRUTH OR唔知咩?根本佢地玩黎玩去都係果兩PAIR緋聞情侶,仲要玩到咀對咀,自問我就真係無咁既勇氣玩,而且我又真係玩唔起,所以我都係做觀眾好過,只係睇都幾熱鬧呀!今日好好運,我一個羸哂佢地3個,總共贏左$560,不過都預左收唔齊,MAN MAN仲爭我$160,我都預左收唔倒,有幾可可以見到佢,最後都收左$400,都不枉我行9層樓上去同埋浪費時間打牌,呢排都好窮,所以都要幫補下,有D同事之後就返工,而我地打到8:30左右就返走,返到屋企都成10:00,食埋野,12:00左右訓覺!

今日係平安夜,本應該出去好好咁玩番晚,但做得我地呢行都預左要開工,所以大時大節都唔會有得玩,更加唔會得閒!頹廢生活第一日,今日返19-27 6C,又有多個DRAW 2,今次係大隻妙,其實計落我地個更都唔係有著數!今晚本來有深夜場,但又CUT左,所以我地唔駛天光先走得!3:00就可以準時收工,加上又唔駛洗WARMER,真係幾好!今日例牌都係幾忙,6F入完又到3F,所以根本我地係兩層走都未停過!今日公司叫左大家樂既到會!所以放BREAK時又可以慳番餐!不過我地根本就無時間食,本來可以一次食哂既野,足吹要分3次先可以食完,因為大家D場都入得好密!埋數有差不多$9000,但就SHORT左$1X,唔緊要啦!條數都唔係好亂,所以3:00左右攪掂哂D野就走得!

PS:多謝SEND過MERRY X'MAS比我既朋友!大家都聖誕快樂!