今日又知醒,起過身架,我都知成日唔返星期2果堂真係唔太好,教授都有叫我返學,可惜呢堂實在太早,好辛苦,況且琴晚又訓得唔好,一洽埋眼就好似玩緊G-FORCE咁,今日又好似好滯咁,所以最後都係無返學,返到11:45左右就起身返工,今日返13-22:15 BO,一返到去就話KA YEE無返,所以BO少左個,不過阿豬又落左黎換VIP,所以基本上都無少到!星期2都不緬有D人黎睇下戲既,但多極有限啦!攪到成16:00先有得食飯,琴晚買左D野返黎未食,所以今日少可地帶飯!慳返D$都好既!夜晚又好似多返D人,我都係唔會加快賣飛速度,亦唔會講下位,只會舉高手,因為會有群眾壓力叫呢D睇唔倒既人行前,所以我根本唔會出聲!今日好準時走得,好采全部岩哂,早D返屋企好過!
嘩!好期待呀,因為今日特登拿假,約左SANDRA,大隻妙,BB同底褲去嘉年華!不過今日約既時間都幾早---12:00,對於其他人黎講當然唔算啦!但對於我地呢班夜鬼黎講係好辛苦既!求其0係金鐘食左D貴夾唔飽既野就出發,SNADRA就後JOIN!我地大約13:30左右去到,第一個機動遊戲係腳FING FING小型過山車,一D都唔驚,唔明點解BB會嗌教命!之後SANDRA就黎左我地就去玩老鼠也瘋狂,仲撞倒海運個CE,呢個就真係幾好玩,由於我地有5個人,而一架車只可以4個人坐,所以BB同底褲猜輸左就要兩個一架,我同大隻妙同SANDRA就一架!但最後有樣野就唔太好,就係我最怕既係咁轉,轉到個袋都飛出去咁滯!跟住就去玩下攤位遊戲又玩下滑浪飛船,以為自己第一個上就一定有得揀位,點知條友唔比我揀要我坐第一!頂,好采之後最濕既唔係我!逢係狂轉既遊戲我一定唔會玩,因為暈既感覺真係好差,好辛苦!跟住去玩跳樓機,呢個真係好玩過海洋公園果個,快到隻腳會升起,好激,之後再玩個急流,玩到成身濕哂!無耐底褲走先!我地又玩攤位,個彩虹原來要"CHOP"西先易中,另外我同SANDRA玩個碌波既攤位,玩來玩去都係得細獎,係一隻好核突既狗,仲要係配到5顏6色,我地其實睇中左隻M&M,最後我地拿左3隻狗,果個職員都話唔可以換一隻M&M,但SANDRA就玩彩虹中左條蛇仲可以當頸巾,好爆笑,最後我地去玩終極G-FORCE,排左成粒鐘,仲要撞返BB睇中既獵物A,本來人地一個人玩我地叫BB上去一齊坐,但最後佢話費事唔理大隻妙所以無去!個遊戲無跳樓機咁恐怖,而且離心力無咁勁,不過咁高都咪話唔驚!之後去去坐摩天輪,可能實在太焗所以我勁想嘔!玩到18:30左右就盡興而歸,但我把聲已經嗌到拆哂,好沙!其實個嘉年華都幾好玩+抵玩,$玩成日120又送金幣,都算係咁!
之後大家決定去銅鑼灣唱K-BUFFET!其實我唔太想,因為好累同埋把聲好沙,都唔知點唱,但見大家咁高興,死就死啦,之後嘉汶同微波仙子都有黎,今晚玩得好開心,好耐無試過玩足成日咁盡興!仲要係由日頭玩到夜晚,之後我地又點D快歌跳舞,累都要跳,難得可以咁盡興,最後大家都玩得0:30先走,返到屋企已經成1:30,可能又食滯左,返到屋企有D肚痛,攪到訓唔著,一洽埋眼就諗起今日玩機動遊戲既情景,你話死唔死?
基本上今日同琴日個POST係一樣,只不過今日就無午夜場,其他既野係無變既,訓覺都係訓到臨最尾一分鐘先捨得起身,接芷茵個BAR!條數無亂,好準,連阿華都話難得!今日8婆又無返工,真係好,星期6同日都有假放!女主角剪左個短頭髮,簡直核突到呢!劣評如潮,底褲仲要話到佢一文不值,係佢先可以自欺欺人話自己靚!都唔知咩TASTE?星期日始終忙極有限,但唔明唔多人睇戲都勁多人買野食,仲要係勁多熱食,尢其係尾場,有5隻熱狗都唔夠賣,有無攪錯?D死人客買完呢樣又要改,攪到我又要REFUND!今日唔見左D野,攪到我要去垃圾桶抄垃圾,仲要比人見倒,真樣衰!雖然最後都搵唔番,但好采都無事,今日以為攪到我遲哂!點知攪掂哂D野都未夠鐘收工,因為今日要等阿華埋數,所以又要OT!徒弟仔已經有進步,BAR-END快左好多,不過都係有時入錯機而攪到自己SHORT$,而家我唔會蝕比公司,一過15分鐘即刻簽卡!幾多$都要同公司計足!
今日要返夜15:30-25 3C,因為無波打,所以我個更又同阿詩掉轉左,佢返早時我就返夜,今日好多平時返夜既同事都返早,佢地今晚又會去飲酒,同埋要同JASON.CONNIE同賤男成班慶祝生日,橫掂無人返夜,我返都無問題啦!今日好邪呀,同阿詩一齊時,個BAR就會有人倒瀉汽水,今次仲整濕埋DISPLAY入面,真係好麻煩,又要換過哂D價錢牌,聽日係大隻妙生日,所以阿詩發起寫生日卡,好攪笑,張生日卡竟然係公司既A3時間紙,真係慳水慳力!夜晚個BAR都唔算好忙啦!今日SANDRA返左黎拿個STANDEE走,不過佢真係包得好靚,多謝佢請我食糖水,而我就屈左MAY MAY請佢同佢家姐睇戲!今日8婆SICK LEAVE,好似話生炸腮,係唔係就只有佢自己先知啦!另外,同TIFFANY傾左一陣,佢真係好似18歲既我,又係咩都講,得罪人多,稱呼人少,不過希望佢可以睇開D,我都係0係每件事上尋找樂趣既方式先可以0係呢度撐倒咁耐!今日條數好快就埋完,不過要換畫所以都成1:20先走,送埋SANDRA去搭車就返屋企啦!
PS:多謝底褲有野益我,另外又唔覆我?想點呀?前兩日發左個夢,原來0係其他事上我可以好硬淨!我發完先知原來自己0係呢D事上面係咁懦弱,可以完全唔出聲,係咁忍,不過而家最起碼我都知自己點諗?
好累好累,真係起過身架,不過都係決定唔返,而且返去都係睇電視,都唔知有咩意思?所以一返就返到15:00,之後就起身落街買野食,呢排好鍾意睇一套卡通片叫<我們這一家>真係好好笑,而且又生活化,我覺得仲好睇過<小丸子>,本來諗住今晚約SUNNY出黎,不過佢又話唔得閒咁就算啦!過左無幾耐就準備過石鼓壟打波,本來人地有室內場,不過因為隊員間有D問題,所以就帶埋個場走左,真係戲劇性!其實我真係唔鍾意打街場,始終個地又無咁好仆,而且今晚又開始凍,加上有時會好大風,D波好難接,但如果我今日都唔打我就勁耐都無得打,所以死就死啦,而且又已經應承左人!19:45左右去到!個場都有D人打緊,而且我個聯絡人都到左,熱身之後就同人猜下波,猜波都猜死我,有D辛苦,而且大家又唔係同一隊,所有D波大家會一齊唔接,本來個聯絡人話今日會練波,但由於有其他人想撩佢地打,所以最後無練啦!就即刻打波,第一場打後2,都幾辛苦,第一次可以話同其他人完全唔夾,而且有D人又唔太識打,所以都幾慘,對面D人都有成30幾,不過一D都唔勁,但都可以打贏我地,之後抖左一場就去左打中間,今次本來領先成6分,但最後後排接唔倒一傳而輸哂,唔緊要啦!佢地始終都係組隊無耐,我諗之後會好D,但佢有個隊友真係我嚇我一驚,我都唔係太想同佢講野,21:30就走左,因為約左班中學同學打邊爐!
之後就BOOM BOOM聲過銅鑼灣,今晚無上次咁多人,JANE拿左本校刊出黎睇,睇返以前大家中學D樣同回憶,其實我個樣都無咩點變,不過就好多都變哂!睇返寫比佢個紀念冊,原來自己D字都無咩點變過,但就有唔少自創既簡體字,見倒都覺得好笑!今日多左阿隆,原來佢做緊保險,梗係覺得做呢行好似有好多黑幕咁,大家食到0:00左右就散BAND,下次再約出黎都應該係嘉豪個BB出世既時候!
今日點都要返學呀!因為要上TAKE ATTANDANCE既普通話,仲要一上就4個鐘,都咪話唔辛苦架!14:20左右返到去已經無咩位坐啦!所以又要坐第一排,講真,教書都教唔倒4個鐘啦!所以文靜婆婆叫我地分兩邊進行辯論,講題係香港應否輸入外勞,我地果邊雖然多人D,我地係反方,照計真係易講D,但可惜做代表既大師個勢已經輸哂比人!真係唔抵,如果唔係要以普通話黎講,我諗我一定會參與,因為對面D人實在太乞人憎,可惜自己既普通話實在太爛!放BREAK時過左KFC買野食,幾經辛苦終於就捱到18:00,之後就返工,19-23 3C,今期上既新戲實在太爛,所以睇既人根本就唔多,又唔係好忙,多謝ANGIE請我食雞髀,今日超快就攪掂,而且又自己埋數真係可以快好多,不過係JANE先可以咁做!返到屋企即刻上網睇下有無人再嘈我,有就有,不過已經無咁大膽話我,最多都係拿句福音黎講,是但佢啦,我已經決定唔會再回應啦,費事拿自己來激氣,不過有樣野好笑既係,D人發言話撐人,唔知佢地有無諗過自己撐人既同時,亦有唔少人0係背後話你,如果我將呢個事實講埋出黎,唔知呢個撐人既人會有咩感覺?仲有D既就係佢完全唔識我,完全唔知成件事既來龍去脈就亂講野,比意見,呢D人枉佢自己信教,一D唔應該由有宗教信仰講出既野竟然可以係佢打出黎!呢D人唔該好好檢討一下!
