今日學校放假,竟然偏我返MID!唔係好記得自己今日返幾點?所以打左個電話返去寫字樓問!結果係返13:30-22:45 6F!又係泊住阿鋒,成日返工都見到佢,佢好似傻傻地咁,成日0係度傻笑!唔知佢想點,BAR主係阿琳!諗住打落BO問BB食飯未?點知JOE話佢已經行左!咁就算啦!上到7F又唔見佢,之後打佢手提,打左兩次,都係響左幾下之後就飛左去留言,好明顯係唔聽我電話啦!諗住過大快活搵佢,行到門口都係決定唔入去,唔知點解唔想入,突然好想自己一個人,所以求其買左D野食就去左宣材房度發夢!咩都唔想理,唔想諗!要惱既就惱飽佢啦!今日唔係呁開心,當我想需要朋友既時候,BB竟然咁對我,可能係我琴日鬧得佢太勁啦!所以佢唔聽我電話啦!點都好啦!唔知點解對佢有D失望,佢想我幫時我會義不容辭,可惜當我想搵佢時佢就咁對我!算啦!唔理啦!更加唔明唔知點解想避佢,之後有0係6F見到佢,想問佢係咪惱?最後都無問!已經唔想去理啦!佢鍾意點就點啦!可能佢覺得我係一個衰人啦!成日鬧佢!哈,可能我份人就係咁,鍾意鬧人啦!之後我都唔想見到佢,可能我都要D時間去冷靜下自己,總知就咩人都唔想見啦!只係想見到某人!好想打電話比人,最後都係無做,想點?

好唔想返工呀!因為知道又係返3C,又係15:30-23:15,今日接KA YEE,唔明點解今日一返去已經汶汶地!可能多人既關係啦!返去無耐就入4點場,本來我都唔想出聲,一直係咁斟汽水,但我發覺由MAY MAY接餐,條龍實在長到飛起,所以我又忍唔住走左過去接,佢地實在比得太多野D客揀,同埋對D客講得太多野,所以真係好慢,無耐清左條龍之後就開始埋數,無得食飯住!攪到成18:30先食,今日帶左隔夜飯返工食!要慳D駛!到入7點場又開始多人!真係慘,得我同MAY MAY,佢又要去整熱食!其實都唔算好多人,有幾個人排緊隊,見倒BB上黎去廁所!諗住佢會入黎幫手,因為BO真係好靜,點知佢又走左,之後就開始多人!搵個人斟下汽水都無,差不多入完先打上黎問夠唔夠人!話已經叫左KAREN上黎幫手,不過無人入黎幫我地呢!之後MAY MAY叫左BB上黎!佢一上黎我又無癲係咁鬧!唔知點解好谷氣!點解佢可以唔幫手架!佢話MAY MAY入左黎!又唔係多人,以為夠啦!但MAY MAY整緊熱食,我又要自己一個人攪掂哂!對BB有D恨鐵不成鋼既感覺!點解次次話完佢都好似無咩改善,次次都要我發哂癲咁鬧先安樂!其他人都話過佢啦!可能佢覺得我同佢熟先唔可以咁鬧佢卦!之後MAY MAY叫我唔好話佢,因為8婆琴日先鬧完佢,今日又到我!咁又點?如果佢係認為我話得佢唔岩既就惱飽佢啦!以後我咩都唔想理!今晚條CB數唔係好岩,同大隻妙同JANE一齊計,結果係另外一邊數多$!嚇死,今晚個ALARM又低低地,結果響左,又驚動左MAY MAY,今晚坐JANE架的士又唔駛$,太好啦!

倒屎咁早就要彈起身返工,返8:30-18:30 BO,開咁早把鬼咩?D人都未起身啦!本來今日返3C,但日日都係對住CB,好想落去BO坐下,所以就同豬仔掉左,泊住新同事IRENE!佢唔記得開鎖就拉起左個閘,又爛左,今日朝早都唔算好多人,之後就去食早餐!下晝就開始多人,一路都無停過,講到把聲都有D沙!雖然係咁,但我都唔想對住CB,好想轉換下環境,今日臨收工仲有醒獅睇,都幾熱鬧呀!最後SHORT左$20,都OK啦!唔緊要,以今日咁眼訓既狀態黎講已經好好!起碼CREDIT CARD同其他野無錯!

放工之後就去買波針!又收倒D隊友話唔得閒黎!點解成日都係咁架!阿賢話整親隻手,呢個又話做功課,果個又話要搵工!明知星期6晚要練波,點解都唔可以抽少少時間黎練波?只係每星期幾個鐘姐!點解都可以咁多藉口?不過人地咁講唔通我鬧佢做咩唔黎咩?唔通話佢地呢D藉口通通唔成立!唔該教下我可以點做?唔明自己逢星期6爭個早黎返有咩謂?仲開始覺得自己無X謂!咁辛苦返早為咩?可以訓晏D唔訓,逢星期6仲有個BAR END可以返,仲有可以多埋ALLOWANCE!都不知幾好!返早就勁辛苦,累到仆街,有人約都話唔得閒要去練波,親人生日要去食飯叫佢改第2日,以後我都未必會咁做啦!唔得閒就唔練啦!反正都唔夠人啦!我唔理啦!多X餘!又係佢地自己話唔想練3個鐘,結果預好哂D人黎打FRIENDLY!點知又突然有人話唔得閒!所以我決定強硬執行罰$啦!叫左其他朋友黎打FRIENDLY!又唔夠人真係好樣衰,好采最後都湊夠,如果唔係都唔知點同人交代?結果咪又係悶到死!打到唔想打,你話可以點?最好就係咩都唔理!我決定以後都唔會將隊波放到咁前!咁樣實在太蠢!值得咩?