今日既SEMINAR變左去中大聽論語,我真係無咩興趣,所以一早講左話唔去,可以0係屋企訓餐飽仲好!12:00左右美慧打過黎佢問我有無COUPON睇<忍者龜>?無呀,一來已經派哂,二來星期6都唔用得!訓多一陣就起身去排總交FORM報錦標賽,打過電話比人話今日病左發宵無返工,話訓醒打比我,有D擔心,今日大球場有欖球比賽,所以周圍勁塞車,交完都已經成16:30,仲話約左髮型師17:00前,17:00前點入去大埔?結果都成17:20先入到去,個髮型師去左隔離舖!但一直跟開我個洗頭仔就無過,換左另一個同我洗,嘩!真係差到無人用,又大力,按摩又求其,最攪笑係之後髮型師問我新既洗頭仔係咪好D?我即刻話差好遠,你見我咁快洗完就知咩事啦?真係一D都唔好!講真我都係因為個洗頭仔先跟呢個髮型師!點知而家又走埋!攪到我都想走,剪髮好多都大同小異,但洗頭洗得舒服真係可預不可求,真係可惜,之後就返柴灣睇醫生,好采唔駛等好耐,醫生又話個病好左,都唔知係咪?又無左好多$,真係太出血!之後打比人又話食緊飯,睇黎都無咩事,又話轉頭打黎!究竟要幾多個轉頭?係咪真係連覆我都咁難?開始覺得自己煩,其實有我同無我都係一樣姐!

PS:學費終於批左,好采今年係比我既,另外,21/4教院要考試,過多兩關就得架啦!加油!

人地有進步呀,竟然有回覆,一起身就見倒!今日要考普通話口試呀,返到學校見到昀霖,所以同佢溫左一陣先落去上堂,我以為係14:00考,點知我地係16:00先考!不過都無所謂啦!反正成績都唔會差好遠,食幾多著幾多整定既!今日考份券唔係最難果份,真係好!而且都算讀得唔錯啦!係問答環節有D唔太好姐!都已經算係咁啦!之後同昀霖去左沙爹王食下午茶!橫掂之前ALEX比左COUPON我就用埋佢啦!之後同埋佢去搭車就返工啦!

今日返19-23 3C,今日都唔係好忙,老細睇好既忍者龜一D都唔收得,仲話睇好可以INTERLOCK,笑死人!通常佢睇好既都可以摺得,本來今晚都無咩事既!但臨收工前LINE ONE又話要玉桂條,咁都算啦!之後又話要燒賣!之前又唔講喎!洗哂野先黎講,我都有話返佢,之後佢話唔要!我無出聲都有整比佢!費事比人唱!佢條友真係好麻煩!都唔止一次啦!好離譜!收工攪到成23:30先走得!有一個好唔開心既消息呀,就係我最鍾意睇既<我們這一家>已經做完,以後無得笑啦!再見啦!帶給我歡樂既花家!特別嗚謝爆笑既花師奶,花帶柑,花帶桔,花老爺,水島太太,戶山太太!

呢排都係訓3-4個鐘左右就要去廁所,其實真係唔太好,但6:30老娘個鬧鐘響就會去廁所!好似已經變左個習慣!所以攪到睡眠質量都會有影響!今日訓到夠鐘就起身返學,上星期唔夠時間比我PRESENT!所以改左今日,第一個就係我,都無咩所謂,估唔到既係我PRESENT既時間都算耐!好采大家都有D反應!可能我PRESENT個題目係CONDOM,所以大家比較興奮啦!今次已經無咁緊張啦!食螺絲既次數亦開始減少!之後過左去買下午茶!今日有上文學堂呀,不過都係同昀霖傾計多,佢講左佢睇倒既愛情例子我知,得出既一點都係現實可以改變一個人!一個$字都可以改變好多野!所以$0係而家真係好緊要!無論係朋友定情侶都一樣!拿番份功課都有65分,已經好滿足啦!聽日要考普通話口試,所以呢幾日都要講多D,唔可以唔合格!

今日返19-23 3F+POSTER!預左今日勁多野做,因為琴晚有好多手尾未做,份時間紙都有排打!仲要影檢查証,一張POSTER都未換過,好采今日有SUNNY同我一齊換,如果唔係一定要OT!今日又有人黎求婚!如果唔成功咁會點呢?入去睇過人地拍既片,覺得有D無聊,不過0係當事人黎睇當然覺得好難忘啦!但我地外人睇就覺得好攪笑,完全係一個係咁多朋夾埋既催婚宣言,只係叫個女仔快D嫁!今次已經係我地戲院第3次有人黎求婚,哈,可能我地呢度旺卦!又或者之前賣過報紙啦!最後好采都23:00左右就攪掂哂,另外,聽日SAMMI既CONCERT有飛賣,BB話佢有個朋友聽日會去買,結果我地有成6個人去,真係辛苦佢朋友啦!

PS:打個電話都要偷偷摸摸!同人地講左D自己想法!我覺得都係無咩用!

今日都比周公打敗左!結果都係無返學,之前訓左好多,琴晚又早訓都可以咁眼訓,真係唔知點解?所以今日就訓到夠鐘先返工!今日返13:45-22:15 6F,最討厭既FLOOR!今日無啦啦有個新既女同事,仲要係已第二日返工,仲要係TIFFIANY D朋友!真係無咩人知!由於佢地多左個FLOOR,所以我都要成日走開,但又唔走得好耐!勁多POSTER黎左,登記都有排攪,又要寫定邊D唔要既!FAX上大寫字樓!今日又帶左飯,但都去左老麥買雪糕食!順便打電話比人!成日都係我打!次次都係我,好悶!食完飯又開始繁忙既工作,好多野做,完全無時間換POSTER,聽日一定換死我啦!又要入寫字樓打時間表,部影印機又比我整到JAM紙,真係好麻煩!夜晚又包場,真係死得!好采唔係太忙,如果唔係都唔知點?JANE琴日吵車,攪到膊頭骨裂!真係大鑊,希望佢可以快D好返!返到屋企樓下打比人,又係話轉頭,又等左半個鐘以上,成日都話唔記得,咁有咩係記得?就快連我都唔記得,都唔知我既位置0係邊?

唔駛返工又唔駛返學,最好既活動當然係0係屋企訓覺啦!不過今日唔知邊度係咁鑽野,真係好嘈,鑽下又停下,岩岩訓著又嘈,雖然係咁,但我都唔會起身,斷斷續續咁訓到成15:30,一起身就打去教院問佢收唔收倒我果$6700,佢話收倒咁都好d,都係時候又要催下學費果度幾時先捨得比我!唔好我考試真係好大鑊!坐左一陣之後就落街,都係忍唔住要打電話比人!今次傾既時間係最多既!雖然講左好多廢話,但都已經好好!人地講既野都係聽住先啦!唔可以盡信!之後去左百住買野食,順便買埋紙巾!再返上屋企睇花師奶!之後都唔知有咩做,再睇下新聞!之後都要溫下普通話,要講得好真係幾難!因為好多音都要卷脷!卷都打哂結咁滯!之後再等老娘返黎食飯,佢話我瘦左,但我就完全唔覺,可能佢少見我著短袖衫卦!

計埋今次,已經係我第3次打星期日既日記,之前我肯定有打,無啦啦唔見左都算,之後打多次,個死日網話無法顯示網頁,係咪玩野呀?激死我!琴晚只係打左兩個鐘波,但唔知點解好似好累咁!身同心都係好累!一直訓到夠鐘起身返工為止,又係15:30-23 6C+ST!接徒弟仔個BAR,對佢好有信心,之後就同佢吹水,佢話左件事我知,我以為佢講笑,原來係真既,真係嚇我一跳,佢呢類女仔真係幾得人鍾意既!今日帶左飯,不過無咩胃口,所以都食剩唔少!夜晚就得自己一個入場,人亦唔少,感覺有D無助,不過都要頂硬上,無辦法啦!之後仲要去ST,好快攪掂之後就要攪返CB既野,本來今晚約左BB,不過佢臨收工前又話頭痛,咁由佢啦!都係想搵個人吹下水姐,自己一個都一樣姐!

今日要返早呀!所以晨咁早又要彈起身!返9-18:15 3C!早場唔忙!入完場就去食飯!今日好悶好悶,都唔知有咩可以做!但今日CB又發生大鑊野,點解次次都係我,今次係首先汽水機既冰機塞左,原來琴日已經塞塞地,但就完全無人同我講,今朝都無事既!咁叫左阿駒過黎整,無幾耐就攪掂,點知呢頭攪掂!爆谷機對出個去水位就係咁湧水上黎,截都截唔住!好采JANE,TIFFANY同LUAN,仲有其他同事幫手,總算攪得掂,點知入緊4院時又再黎料,而且今次D水仲好犀利,仲有D臭味!好難頂!果陣又入緊場,真係攪到好麻煩!D水不斷湧上黎,之後酒店同商場就有人黎睇!酒店話D水滴哂落佢地食自助餐個位,真係好大鑊!之後再急CALL阿駒,佢話今次塞得好犀利,所以佢要搵支CO2打D氣落D水渠道,但就一定要有人"禁"住D水喉位,JOE就慘啦!佢又唔夠力"禁"唔住,所以我一開支CO2佢就比D污糟水顏射!好慘,而我對鞋又滲水,所以又要換鞋!呢單野已經攪左成兩個鐘,真係唔荒得閒!埋完數之後就無漏水!但個地就超臭,唔拖下都唔安樂!

收工後打過電話比人!10秒既對話多左我一聲歎氣!同琴日既對話係一模一樣!咁我可以點?上車無耐又訓左,累到好辛苦,19:30就去到場館,又0係體育館呆坐!點解咁似琴日?又0係度等!等咩?今日係人地生日,預左無得一齊過!佢話約哂人!而我今日都要打波,不過其實可以唔打,但我唔鍾意強迫人,佢有佢朋友,無咩所謂!今日打波0係咁既心情下已經叫有交代,我有過阿佬果邊,好攪笑,每當0係佢果邊都會打得好D,真係唔知點解,今日有D球員無講就唔黎,我諗都要強硬執行罰$,費事比人話我唔公平!之後坐左JOSEPH架車出旺角,同阿佬佢地食野!又打電話又無人聽又無人覆!點解想0係0:00前親口同人講一聲生日快樂都咁難都無機會?我覺得好諷刺!?