唔知點解琴晚訓得一D都唔好,我諗真係訓得著可能得1個鐘左右,個腦不斷浮現緊排球既野同埋同人地曾經開心過既少少日子!都好架!因為而家得個諗字,諗諗下就自自然然會唔諗!之前都唔係無試過架!所以今次都應該可以既!10:30左右要起身,因為今日要去拜老爹!老娘之前好少去,都係得我同阿姐去,唔知今次發咩癲?又同埋我地,ALEX同埋杞而一齊去,ALEX有渣車過黎,不過D死差佬就話唔比私家車上,所以我地唯有行上去啦!但一直行上去,唔知點解會有其他私家車上囉,都唔知係咪D差佬貪污又或者比D自己友上卦!行左半個鐘先行到上去,好采唔係太辛苦,上去咁多次,今次都係第一次行,不過今日拜山既人真係唔少!希望老爹會保祐我想既野!不過都係希望!好快拜完之後就同屋企人一齊去大快活食飯!食完就返左屋企溫一陣書,訓左一陣就出去打波!

今日本來約左另一邊去練波,不過最後都係受阿佬引誘而過左黎!其實都唔係太想去,真係好累,而且仲有好多書未溫,都唔知點死?不過之後都過左去鑽石山打波,早知就唔黎啦!因為佢地得兩個鐘仲要係有3隊,真係浪費我時間,算啦!今日打得好左D,可能始終都係同阿佬夾D卦!之後就同佢地一齊去食飯,多謝阿佬借左部電話比我用,真係好感激!有得用電話已經好好!如果我無左呢班朋友或者排球,我諗我真係撐唔倒落去,每星期既1-2次歡樂都好好啦!識倒班朋友係我福氣!我唔會怨自己0係感情上唔好!我唔會怨天尤人,如果我條命真係要生成咁我會接受,因為由細到大我都只有做羨慕人戥人開心果個!0係感情上我好似無咩值得開心過!曾經天真地以為有,但可惜可能都係失敗收場!好似已經慣左,一個人可以咁對我,我仲有咩可以諗?但友情上我就羸左唔少,起碼我真係識倒一班真係對我好既朋友!感情上就未必有咁既人出現!無左你地,我真係會撐唔住!

琴晚5:00先訓,所以都係訓足12個鐘先起身!8:00鐘起過身,將唯一既希望之光都送埋出去!咁樣可能會覺得開心D!我唔想再無了期咁等,與其係咁,呃自己就呃得徹底D!唔覆就當佢之前講既野係真啦!可能唔覆自己仲會開心D!哈!曾經有3個希望!不過最後都唔係!真係可笑!平時唔會有既,0係呢個時期就偏偏出現!唔該唔好玩我啦!我受夠啦!之後起身做左D NOTES,之後就出門口去打波!今日21-23去左西約打波!隔離係一班學界0係度練波!仲要係家姐以前間學校李兆基!眨下眼自己脫離左中學生活已有好幾年!時間過得真係好快!今日叫左個新既SETTER!不過真係SET得一般+麻麻,非常既HOLDING!我諗出到去一定會比人吹犯規!真係HOLD得過分!今日都得唔係太好,狀態唔好,可能係比賽之後心情放鬆左啦!真係好難KEEP住打得好!又無咩點練波,無退步已經好好架啦!做波衫既事已經進行得如火如荼!唔知做出黎會係點呢?到而家都未諗清楚自己著咩NUMBER好!

嚇死!12:00左右無啦啦有人黎拍門,起身一睇原來係個消防員,不過我都係無開門!唔想比人見到我個死樣,我諗都唔會有D咩事卦!之後諗住再訓多陣,點知就越來越嘈,好似有D唔唔對路!又聽倒有警車聲!心諗唔係火燭卦!因為又無人叫救命,出面只係聽倒D師奶0係度講野!之後都係唔敢訓起身啦!但又好似無咩野喎!唔知係咪出面有篤屎所以有人叫消防員黎攪,但照計呢D野無人會理,又點解要拍我地門!好奇怪,呢幾日返屋企條樓梯出面有篤屎,應該唔係人既,應該係貓或狗,真係好臭!起左身就返學校溫書,本來都諗住前幾日返去溫下!但都係提唔起勁!今日終於肯返,但返到去得STEPHEN,克冰同英杰佢地,都無咩人!多謝佢地話左少少貼士我知!之後佢地走左我就一個人0係課室溫到17:00,期間永隆打黎話叫我買保險既物體!個SALES真係好煩 ,煩左我10分鐘,我話要諗諗佢話今日會再打比我!之後溫完就落左樓下食野又撞倒景宏同佢個仔!多謝佢話左D重點我知,個SALES又打黎,今次耳仔軟應承左佢!之後諗返每個月比$345仲要計利息都好貴,再加上景宏意見,最後打返去叫佢HOLD住先!寄左張單黎先算!千祈唔好一時衝動,我真係未必供得起,如果我有份長工就話姐!所以張單寄左黎我一定會拒絕!

之後就行返工!今日無波打,所以要返19:15-25 6C靜到簡直唔想做!BB又發癲,見佢無戴眼鏡都知佢有古怪,希望佢成功啦!食完飯就同琳吹下水!佢講得岩既,我咩都唔好做,唔好理!有既咪當BONUS囉!無既就算啦!希望我既心態真係可以慢慢改變!但改變絕對唔係一朝一日既事!唔好去考究或者證實任何野!我唔想破壞自己希望!就等呢個希望慢慢淡化又或者將佢永遠埋0係心入面,我相信咁樣自己會好過D!希望我真係可以做倒!

唔知係咪訓得太多,開始有D訓唔倒!仲要一定唔係熟睡果隻!訓下醒下呢D感覺就係最辛苦!晨早起身BOOK場之後,網上比緊$時無啦啦又無法顯示網頁,又要多等半個鐘先可以BOOK返!如果只係BOOK倒10-11都唔知去唔去打好?之後再訓返,終於叫做訓得好D!又唔想起身,又有藉口唔返學溫書,真係好過分!明明呢D藉口都唔係藉口都可以用盡佢,係咪人黎架?又16:30先捨得起身!起身寧願落去買野,做家頭細務都唔願拿D野出黎讀!想點?又睇電視,之後又死返工!行屍走肉咁返去!黑口黑面咁出街!咁既生活個個都唔想!好無意義!又係19-23 3C,日日都係做相同工作,洗野,埋數,打卡,收工!BB話要迫我,其實都好既,迫我去放棄!係咪我諗多左?可能我性格實在太固執!叫左自己唔好去做,都係控制唔倒,都係要追求結果!知道又點?有一絲希望叫我唔好衝動!一做左,可能就會自己親手毀滅果少少希望!所以兩次拿起電話都唔敢打落去,可能係怕果少少既希望都無埋!我真係無用!

今日好好訓,可能出面係咁落雨,天氣又涼左,落到連紅色暴雨警告都唔知,真犀利!一起身已經15:00,之後就要過九龍公園交區賽D$,永遠都係去到最"汶"既時間先去,呢D咁既性格真係唔要得!交完之後行左一陣就準備買野食返工,同琴日既生活係一模一樣!唔同既係今日去左寫字樓食就見到D唔想見既人,JANE永遠都係講一套而做既就係另?既一套!同我地講呢倨人點樣點樣,到頭來又同人地好返!有無攪錯呀?做你朋友既當然想你好,明知果個係壞人都要痴埋去?我實在無咁好氣去理佢啦!佢同D壞人既野我唔想知啦!費事自己勞氣!講黎講去都係果D,佢唔煩我都覺得煩!所以本來0係寫字樓食都特登拿出去FLOOR食,寧願企0係度都唔想對住D壞人!之後返工都無落過寫字樓!

今日返19-23 6C,同BB傾計,都唔知得出咩答案!佢講左D可能性既野出黎,係咪自己唔想去接受定自欺欺人!我都唔知!但係咪應該相信自己既感覺呢?我都係唔知!之後再同一姐吹水,了解下佢既生活狀況!真係家家有本難唸的經!放工後去寫字樓影印,見KAREN條數唔岩,又心軟幫佢對多次,話哂JANE都唔算好熟!最後話唔見左兩個ROBINSON袋,好大鑊架!開頭話搵唔倒,最後咪比我搵番,KAREN真係傻傻地!原本準時收工,攪到遲左45分鐘,為咩?就係費事佢咁遲先走得同埋要幫佢睇下邊度出左問題!成2:00收到短訊,以為係人地,已經11日啦!不過咪又係失望!原來係JANE!算啦!佢鍾意點就點!今日都無咩溫過書!又浪費左一日啦!

本來諗住早少少返學溫書!但都係好眼訓!訓到咁上下就幫劉同學拿番D影印!最後攪到我要遲到咁滯!所以一出旺角地鐵就即刻搵的士,上到何文田廣場都未入得!早知就唔駛坐的士啦!今日份券其實一D都唔難,文靜婆婆都一早就已經比哂貼士!我之前都有準備架!所以都有背佢比既NOTES!不過聆聽果部分好考自己基本能力,係唔識就唔識,所以無得講既!我諗呢份券應該都會合格!不過個試場就凍到好似殮房咁,D冷氣係咁開,好似唔駛$咁!考到16:30就考完,之後上去問DR YEUNG拿番之前份功課,好采都有54分,已經好滿足啦!而且一次比一次高分,對自己絕對有交代!跟住就返左新世紀買野食就等返工啦!

今日返19-23 3C,太好啦!今日實在係靜到嘔!我又可以好準時咁收工!唔想再咁夜訓,又唔想咁夜返屋企!返工無聊時又會諗下人!究竟而家人地做緊咩呢?算啦!唔好諗啦!越諗就會越煩!都係見步行步啦~今日已經叫做過左第一關,之後仲有4關要過,其中有兩關我都好驚過唔倒,但而家仲有時間,希望可以提起精神!其實諗咁多做咩?分分鐘教院個筆試已經唔合格!希望呢個唔係事實!