之前MAY MAY問我星期一返唔返早,是但啦!所以今日返10:30-17:45 6C,好耐無返過閒日既早,真係有D唔慣,最唔慣既係要一個人搣飛+入場,少人就無所謂既,今日仲要泊住MEI LING!之前唔覺意爆左佢大鑊,睇黎佢都比人照左肺,不過又好似無咩野,仲主動同我講佢比人投訴單野,不過佢都幾慘既,始終果段時間得一個人賣飛,D客要投訴都無計!明知多人又唔早D黎買飛,其實今日好多宣材野要攪,但又唔多夠人,所以都幫唔倒好多,準時收工就入左大埔剪頭髮!
好快去左圖書館還書先,又比人罰左$13.5,真係唔抵!之後就坐車入去,好采去到都唔駛等,個洗頭仔一樣咁差,如果我搵番之前果個,我諗我都未必會再黎!之後打比KAREN,佢咁岩返緊黎,而又未食飯,太好啦!咁就約佢食飯啦!諗住特登去太興食焗飯,點知無得食,都係傾下之後打波既路向又傾下佢男朋友D野,都好戥佢開心!食完都已經成22:00,慢慢坐巴士出觀塘再轉車返屋企,見到個朋友上網又唔知同佢講咩,最後都無HI佢,可係自己實在諗得太多,之後再同阿佬吹水吹到成天光,真犀利!
今日又遲左出門口,因為琴晚都唔係好訓得著,一路坐車一路諗如果今日返工唔駛遲到就好啦!咁就真係有奇蹟!哈!今日返到去竟然唔駛遲,真係開心,呢兩日都係攪到好"汶"跑到成隻狗咁,勁辛苦,之後都唔可以咁啦!今日返8:45-17:30 3C,早場有3間院都係開魔盜王!諗住會好多人,點知人就多,但買野食就唔多!仲整左好多腸!點知都係賣得十幾隻!一D考驗都無!都唔知點咁,呢兩日都訓得唔好,所以真係累到仆街!行屍走肉咁,勁辛苦!入D場又好疏,但就勁多野要做,黎左D袋又要紮,呢排黎左好多新同事,想同佢地傾下計都無時間!得閒又同徒弟仔傾下佢男友D野!入完14點幾就埋數,入少左支早場水!又要較時間攪返,酒店裝修!係咁鑽野,真係嘈到飛起,嘈到院入面都聽倒!有客出黎投訴!第一個一定話我先,唯有希望快D攪掂,等D客唔駛出黎嘈!收工後去左宣材房訓一陣,之後同BB去左飲野,可能我講野實在太激動!一手就倒瀉左杯野飲,攪到成地都係,真係有D唔好意思!
之後就坐MTR過牛頭角打波,今晚0係網上叫左D朋友黎!其實都有D識既!之前都打過波,可想而知呢個排球圈真係好細!今晚我地果邊得5個人,唔知呢D係咪叫死剩種!得我,細D,KEITH,RICKY同JOCKEY!可能遲D會再少D!嘉豪又唔知死左去邊?是但啦!今晚打波都唔係主菜!最重要係要傾下之後可以點?大家話唔想散!更加要爭氣,之前KEITH講過我地無隊型,其實佢都講得好岩!我地隊入面根本無一錘定音既人,更可以話無一個核心,而KEITH就係一個穩定軍心既人!就算走左輝同賢一樣可以搵倒人接佢地既位!我相信我地既隊員有咁既能力,佢地話要搵番個教練,仲要係SIMPSON!噢!呢個係一個好大問題,真係未必可以搵佢!希望可以有其他選擇!
諗起D人講過D說話,呢個人話之前覺得某人好邪惡,而家先知講既人先係最邪惡,根本佢就係一個背信棄義既人,好憎D人講過D野同佢既行為係完全唔同,不過算啦!一個願打一個願捱!總係覺得呢類人真係好惡心,唔好再0係我面前出現!我唔想咁憎佢!不過佢真係令我覺得好討厭!
好趕好趕,差D就遲到,勁慘,今日返10:00,仲要係BO早,都不知幾耐無開過,好多野都唔記得哂,例如點會出面果幾部大電視,又唔記得要開鐵鏈!咩都唔記得,好采阿石返10:30,如果唔係我真係咩都唔記得,MAN MAN又特登落黎幫我開電視,真係唔該哂佢,今日都幾忙呀,都無咩點停過,想行開都要0係3F搵ANGIE落黎頂一頂我先行得開,去廁所都要搵人頂,因為真係幾多人買飛,都無咩停過!食完飯之後就繼續忙唔停!今日火星返過黎,我都唔係好認得佢,睇真D先認得,不過就無咩點變,不過人地無同我打過招呼!而且佢想見既人都唔0係度!臨收工時有一男一女話投訴,其實我真係路過,咁岩見佢鬧緊KIKI,所以就問佢有咩可以幫倒佢?一開口就係咁鬧,又話我地點解無一條隊係即場睇戲,佢話之前問過其他同事話佢睇果套戲已經開始左,可唔可以比佢買先,阿石同KIKI都話要佢排隊先,佢就話要訴,浪費左佢既時間又話而家開左場攪到佢無得睇都唔知去邊好?又話要特登排隊黎投訴!話自己大把時間,要阻住其他人買飛,見佢咁癲,費事同佢嘈,唯有叫阿華落黎啦,之後又話要用生日贈券,咁正常係要睇一睇佢既身分證明文件,不過佢話之前換既同事話唔駛生日都得,算啦,佢鍾意打橫黎講都無所謂!佢係要阻住人都無辦法,KIKI話叫佢行開比下一個客買,我叫佢唔好,佢講明話要阻住我地,叫佢行開佢一定會發癲!所以由得佢啦!之後個男人又無啦啦同我講話之前都遇過咁既情況!仲話好似認得之前果個都係阿石,真係比佢講哂,我咪唯有不停話係係,我地改善返,快D打發佢走!收工之後就去左花園街買褲準備去打波!
今晚約左另一D人黎打波,仲有一個新識既朋友阿程,佢係ERIC科大既隊友,而且佢真係打得唔錯,如果佢肯入隊就好啦!走左咩人都無唔會有咩影響!不過佢就應該唔會啦!所以都係打下FRIENDLY MATCH算啦!我0係呢位新朋友身上可以學識咩叫投入打一場波!仲要係正面既!今日對面實力都唔差,而且我地又有JUDY,始終係女仔,所以可能輸蝕D!不過唔緊要啦!自己必須要進步,點都要為自己爭返口氣,KEITH話我地隊波無咩隊形,其實而家邊個走左對隊波都唔會有咩大改變!因為無咩邊個係好突出,全部都可以代替!今日又識多左個新朋友,睇黎佢既想像力都幾高,真係無佢收,唔知可以講咩好?
唔明點解會訓唔著?有人離開姐,其實真係無咩大不了?都慣架啦!所以我一定會接受,今朝9點幾就有人黎整NOW電視!所以就要晨早起身執定D野,費事人地見到間屋咁亂!整左半個鐘左右就攪掂!要用電視個AV台先睇倒,幾經辛苦先可以駁倒條線黎錄野!足足攪左成個鐘頭!之前可能實在太累,而家先可以訓得倒!好快就訓到15:40,估唔到人地會打比我喎,不過我仲訓緊!所以都係講左兩句囉!呢個時候有人地打黎都算係可以幫我過得舒服D,都要多謝人地!之後就起身返工,今日返17-23:15 6C,接JACK同LINE ONE個BAR!今日都好忙呀!而家已經無咁唔鍾意LINE ONE!同佢都有邊句講下既!反而同JACK就真係只有同事咁簡單,之後就去食飯!食完之後就繼續入場,3F 4間院都係播魔盜王!埋數都有7千幾,諗住D野唔會錯好多,點知大失預算!錯左唔少野,有無攪錯?攪到成0:00先埋得掂條數,真係過分,仲要係勁多客出黎買野食!真係煩,埋完數之後起碼賣左4次,可能套戲3個鐘太長,D客又口痕,所以咪走出黎囉!煩死,唔賣又唔得!最後攪到成0:47先走得,所以等埋JANE先返去,又可以坐的士,慳返!
PS:大隻妙就好啦,可以自由行去歐洲一個月,記得買手信呀!
