晨早起身BOOK完場,之後都唔敢訓返,驚訓左唔知醒,雖然較左鬧鐘,但驚自己懶較返熄佢就死啦!所以都係起身啦!況且今日新巴同城巴有部分巴士又話有工業行動,又話要按章工作開慢車,所以都係早D起身啦!落到巴士站又無咩野喎,同平時一樣,其實都明白D司機既,巴士公司賺大$又無滿意既人工加都好慘既,所以我都會支持佢地行動,準時返到公司,返9-18 3C,琴日開始至9月2日日日都有早場,真係想死,無咩事我都唔會返早,太辛苦啦!今晚有波打所以一定會報早比佢!返到去先知今日要TRAIN一姐,其實都唔算係既,更表寫佢15:00後先入BAR,見有時間咪教埋佢開早囉!我都唔想其他人教衰佢!一姐真係一姐,好醒目!一教就明!下晝都唔算好忙,又怕米奇出黎,阿石叫我整雪糕,見係佢咋,如果唔係都唔整,好怕米奇出黎探我!今日D時間好似過得好慢咁,好眼訓,真想快D可以收工!幾經辛苦先收工,之後就落旺角JOIN KAREN一齊入大埔!

打比嘉豪永遠都唔會有人聽,都唔知佢個電話要黎做咩?SMS又唔覆,想點呀?打比SIMPSON又係又唔覆,BOOK場同搵人D野都真係7788,只係等佢一聲答覆!今晚約左KAREN班朋友打波,之前都打過架啦!今日仲叫左BROOKE黎試打,其實都已經算係咁啦!今日都好累,所以自己表現一般,打中間為多,後排就要變返劉4!要有好的一傳同防守,但梗係好似有D力不從心,就黎要練波啦!希望自己狀態可以快D提升!之前0係UWANTS ADD左另一個教波既人,不過同佢傾過只得19歲,我絕對相信佢既能力,但可惜其他隊友應該唔會接受比一個自己細既人教返轉頭,所以我都明白既,多謝佢咁有心先!食完野已經無巴士出觀塘,好采最後搵倒小巴,如果唔係要走出旺角就麻煩!

今日約左JANE同大隻妙去TEA,不過都成15:00先起身,起身就返學校申請正式果張成績表,成16:55先返到學校!又要即刻比$,但我身上連$100都無,又趕住返旺角接JANE收工,所以最後都係白行一趟!返到去佢又未走得,而且又有個我唔想見到既人黎左接佢,咁我都可能收皮,之後出左大家樂買左少少野食,再返黎同ANGIE吹水!打比TRUMEN諗住問佢食唔食野又話趕唔切,咁就算啦!之後慢慢坐地鐵入將軍澳打波!今日都係去人地個場度踩場,因為人地係約左FRIENDLY!我只係無聊所以去打下,本來今日要返工架,但唔想返寧願去打波好過啦!今日表現一般啦!一傳都唔錯,不過都係對面D開波太菜姐!根本無咩難度,不過無夾開就真係無夾開,呢班波D人都有D基本,但SENSE就真係有D問題,好似永遠唔會做FOLLOW!而且實在有太多誤會波,所以真係有好多要改善既地方,同埋我係打後2既,所以打波既機會唔多,可能個SETTER唔信我,又或者佢根本後托唔倒!佢地做左D統計,我好似失誤仲多過拿分,應該係無咩機會拿分就真,好攪笑既係竟然撞返以前個隊友THOMAS,我諗呢邊真係岩佢打多D,始終佢同以前真係無咩大分別!對面又有個之前打過既肥妖,真係好想一個波打埋佢個咀度,真係好嘈!都懶得攔佢,佢根本跳唔起,費事比佢打倒觸手出界!同幾個人傾過計,當然都係同D有POTENTIAL既人啦!希望佢地可以加盟新果邊!對面果班人可能年紀大啦!所以又要打矮網,都唔知有無攪錯,打壞哂我地D手,好采唔係我約,如果呢班係我地約既,基本上佢地無可能可以拿我地一局!真係無個打得掂,個個都好似奇形怪狀咁!打完之後去左搵嘉汶食野吹水,我地講左唔少野呀,不過佢好似唔係好信我既感覺,可能呢D就係我地做朋友所擦出既火花啦!食完野都好夜啦,無車出觀塘,巴士又有排兜,所以都係坐的士啦!聽日又放假,可能開始比人CUT更!

今日老娘一早就過左去阿姐間舖度幫手,點知11:30左右就收倒佢電話,話好頭痛叫我而家即刻過去幫佢手,唔知點解之前都有諗過佢可能又會話頭痛,點知真係比我開口中,真係好岩!但我今次就做左衰人,我唔應承佢過去,一來我約左BB今日去游水,二來我真係唔鍾意人地迫我,雖然我都知阿姐間舖下晝會好忙,但我真係唔想過去!最後我仲吹水話就黎夠鐘要返工,連老娘都話我衰,我都覺得自己係一個衰人,無得救,之後連游水都無去,無咩心情!咁就0係屋企喪訓都夠為止,之後就返工!

今日返19:15-23:15 3C,唔明點解要收23:15,阻住哂我D時間,不過我無理由蝕比佢既!所以都等到夠鐘先收工,我都話米奇會再度出波,終於都有証據,就係有袋包比米奇吹穿左,而且有一隻包仲比佢地咬左啖!真係好核突,本來我都想食熱狗,最後決定上6C拿左隻包,咬穿果袋只係掉左幾隻,真係好恐怖,完全接受唔倒!今日入多左D野,自己攪掂先入去,如果唔係可能SHORT幾蚊!準時收工返屋企又一日!

今日特登拿左假,一來要去上返個健身COURSE!二來0係網上約左去打波,又要7:00起身BOOK場,一星期BOOK三日,都咪話唔辛苦呀!之後就訓返,13:00較左鬧鐘,但又訓返,訓到成13:30,想繼續訓架,唔去上COURSE,最後諗諗下都係起身啦!要自我增值呀!攪到成14:20先去到體育館,今日無上次咁多,計埋我好似都係得5個人,無諗過會少得咁交關!不過都好既,起碼可以多D時間問野!好多器械都唔係好記得點用,雖然唔係好多人,但我都無咩機會問教練野!最後都係問左佢兩樣野,希望之後可以有恆心KEEP住做,要練番好個體能先可以打波打好D!既然有機會比我打好,我就唔可以放棄呢個機會!

上完COURSE就去附近買波褲,點知成個灣仔都搵唔倒條岩心水既!最後都係返荃灣買!好采買倒平靚正既!之後就入西約打波!兩邊都係打排球,但問哂兩邊,都話無呢個人,搵唔倒我既聯絡人!打過比聯絡人又無人聽,諗住坐一陣就走,之後聯絡人打返比我,佢話無咩人知佢個名,真係吹脹!成班中學生0係度,我以為佢地0係度練波,點知有一邊係我地既!開頭睇班中學生好似打得幾好,點知一落場已經現型!係咁開失波,係咁打出界,而且我地果邊D人有D係訓練班水平,就算有D打得好D既都唔係太穩定,真係有D悶架!又無人SET波,我打左一場之後就係咁SET,仲指定要我SET,死唔死?我D上手已經唔係好,都要我SET,可能我已經叫做最好果個,算啦,就當練下自己D修正球啦!打到20:00就走,下次都未必會再黎,真係有D悶架!不過我呢D就真係有D高不成低不就!出到去比賽又比人比下去,平時約人打又夠打有餘,所以真係要提升自己先得!

打完之後就去小西灣搵BB2號食飯!佢係第4個支持我既人!多謝佢,我唔知自己做得岩唔岩,總知就要多謝佢撐我啦!係咪都支持我!多謝呢D朋友,佢地對我真係好重要!同佢食完飯就走啦!錫哂你地呢班朋友!死啦!比唔比回應好呢?真係煩!