本來已經打好個BLOG,又因為禁錯一個制,成篇DELETE左,救唔返,想死!

好後悔頂左T仔個更,又唔夠訓,今晚又要練波,你話點死,但既然已經應承左人,都要頂硬上,返8:30-16:45 6C,同JOE,JUDY一層,JUDY真係好傻,唔係風趣而係單純,,而JOE,實在太懶,竟然入去睇戲,唔出聲都唔得,JUDY去左味千搵佢男友,出黎果陣撞左埋玻璃門,佢話以為無門,仲話撞甩左隻牙,但最後原來只係崩左,MAY MAY都比佢走叫佢睇醫生,佢真係好傻,之後繼續我既工作,收工後去左宣材房訓一陣再去花園街買襪,行過一條熟悉既路,但此情不再,過去已成過去,而家睇番覺得自己好傻,我一定唔會返轉頭!

今晚練波得9個人,返工,OT旅行咩都有,仲有D係我今日先知,有新隊員ANDY,之前同過佢打,知佢打成點,同佢猜波猜到想死,SIMPSON遲左黎,所以自己練住先,今日有一個環節跑到癲,跑左個場幾次,嘔咁滯,由於佢好著重我地接波一定要座低,所以對腳真係好累,係咁座低,真係無力咁滯,腳軟呀,所以一定要做返D體能,尢其是對腳,練完波之後佢同大家傾左一陣,佢話自己有個血管瘤,下星期要做手術,真係好意外,唔係因為佢又黎唔倒,而係覺得一個睇落健康既人,原來都有D大病,之後佢都話未必可以次次黎倒,希望佢快D養好身體,重新同我地練波!至於隊長,本來由阿謙做,但佢今次無黎所以由ALEX做左,冷手執個熱煎堆,唔係我做就得,但以事論事,我覺得佢未可以勝任,因為佢技術水平唔太好,同埋佢無領軍同穩定既作用,不過算啦,SIMPSON返出黎就得啦!我無所謂,練完波都係返屋企訓啦,實在太累!

星期5同6都係最辛苦,因為打完波,夜媽媽返屋企已經好累,又訓得少,所以返早都好慘!今日又晨咁早又要起身,返8:15-16:30 3C,早到呢.......今日比想像中忙,可能D人真係貪平,所以寧願早D起身睇早場,比著我就未必會啦!真係寧願訓晏D,早場得我一個,而且出面D FLOOR同事又唔識CB!所以都預左自己一個人攪掂,新同事LILY講野有D問題,又話我MARK錯單,根本係個客講錯,唔關我事,所以我都話佢講野唔該要先庄閒,唔出聲都唔係我!新CE都無出過黎幫手,可能佢都好忙啦,一個早場都賣左十幾隻熱狗,都幾犀利,之後去食早餐!下晝係咁FILL茄汁,芝士醬,咩都無,今日有個客走出黎話我未收佢$,佢話我肯定無收,只係找左$比佢,因為佢話佢唔會放$落褲袋,所以一定係無比,真係好人,但條數又多左$52,是但啦,佢比到$我唔通唔要咩?見收咁早又無野做,所以留左0係度一陣幫手,無OT簽架,最後攪到成18:00先走,打比RICKY諗住同佢過佐敦買野,我又買左件風褸,雖然半價,但又無左二百幾,真係大出血!之後再坐小巴過荃灣打波!

今日大輝幫我約左國際班小朋友黎打波,叫國青,但其實都唔細,好似都有中五,不過人地都唔知食咩大?都幾高,起碼都高我成半個頭,真犀利,當然人地由細打到大都,基本都OK啦,而且佢地全部開波都係開底線,前面我唔驚,反而怕開底線,有時真係好難判斷,今日人地踩倒我隻腳所以攪到咬柴,好似唔係太嚴重,之後仲打得番,咁我都無咁內疚,如果唔係就大鑊!我都唔開心啦!我都咬過柴,所以完全明白佢感受,今日我地都係贏左三場左右,都唔打得太好,今日一傳超差,反而後快係咁打手都不知幾爽!其實呢D先學倒野,起碼咁樣我地先會有進步!打完之後食埋野就收皮啦!發覺自己有時真係蠢到死,應扮傻時就唔去扮,唔應扮時又走去扮,真係無鬼用,睇黎又白白無左一個寶貴既機會!死蠢!

琴晚其實12:00左右已經訓覺,不過訓到1:00左右又醒左,一來想上網打埋個BLOG先,二來想上下網搵希望,不過都係算啦!之後上返床又唔係太訓得著,好快就要返工,一起身個肚就有D唔舒服,去左一次廁所,點知落到巴士站又有D想痾,想上返屋企,不過都係唔得,因為我唔可以遲到,最後都係上車,一返到公司就去左廁所先,打埋卡,又痾,好采今次無肚痛,痾左就無事,如果好似之前咁就大鑊,返到去ANGIE又話3C部機唔掂,出到去睇都未開機,根本無事!之後上去開野,今日泊住FRANK同LUCIA,兩個都好少泊,唔係太鍾意FRANK D說話方式,頂唔住又要話佢幾句,今日D人都唔少,可能有小朋友戲關係啦!所以都幾多人買野食,仲比人偷左個史力加矮,應該就係個大陸婆偷,真係好無品,好采阿華唔駛我賠,之後收工就落旺角等埋KAREN!

等完佢之後就去左佐敦睇排球用品,好可惜呀,佢話唔做門市啦,以後就要透過電郵或其他方式訂貨!佢呢間比出面真係平好多,個波都已經平過出面成舊水!真係好,之後我都忍唔住買左個袋同對護膝,真係半價咁滯,好抵,之後就過觀塘JOIN佢地食野,食完就上左藍田食野,今日有男有女,所以唔算好好玩!唔緊要啦!笑下笑下咁又一日,之後就返屋企啦!又再黎一啖砂糖一啖屎,可以點呢?

好悶好悶,又係訓到差唔多就起身,老娘話拿D衫過阿姐果邊,真係好多衫,本來都想跟埋佢一齊過,我都想過去睇下小魔怪,但過完去又唔知去邊,又 無街出,無人約,只有我約人!最後當然都係無人陪啦!幫老娘拿左D衫同佢上的士,之後就繼續返上屋企"區"臭!都唔知有咩可以做?睇電視.梳化,訓,呢幾樣就係我今日所做既野,一係就無假放,一係就放得多而且仲要放得好密,不過今個星期放得一日,因為幫人頂左更!無所謂啦!放咁多假都唔知有咩用?反正都無人陪啦!好想搵人陪我出,打過比BOAT,點知打左成日都係搵唔倒,最後先知原來佢今日返夜,打比BB又成21:00先覆,我都唔想出去噜!所以都係算啦!早知就入大埔同阿佬,大細孖佢地食野好過,唔駛咁悶?起碼叫有D世藝,今日已經收倒教院封信,星期一FAX成績表,今日已經有REPLY,呢D先叫效率,終於可以逃離OU,呢件都可以叫做今日值得高興既事!用盡所有人情牌,今日終於搵齊星期5同6打波既人,可以叫做放下心頭大石!

一向我都係一個無自信既人,點解我可以做呢份工可以做咁耐?我諗呢份工唯一好處就係可以令我搵返滿足感,做野有人認同,有人覺得我做野掂時,自信就會隨之後而建立!我諗我係工作時先會有自信,我唔覺得我做野會比其他人差,所以0係公司會見到我自信既一面,但其他方面,我就會死得一敗塗地,我覺得我0係好多方面都比唔上其他人,所以好多野我都會打定輸數,因為我真係自己知自己事!所以我從來都唔會強求,幸福唔係必然,有D野係你就係你,我好想爭取自己想要既野,但我真係好怕輸,好怕最後咩都無哂,但今次唔同,我會盡我自己能力,無論結果係點都好,我唔想咁易就放棄!

琴晚練波練到好累,夾埋做左成100下PUSH UP,對手累到拿唔起,而且D肌肉勁冤痛,所以都要休息多D,14:30左右醒起想睇<女人本色> 同<每當變幻時>兩套戲都好想睇,好多人都話好好睇,返公司睇16:00<女>,再上網去旺角百老匯買飛,返到公司睇睇下BOAT話黎唔倒,因為佢阿媽有事,唔緊要啦,親情好重要,不過我已經訂左飛,但又搵唔倒人陪我睇,是但啦!自己睇都唔錯,其實兩套戲都好好睇,兩套都係講香港回歸後既10年,當中有唔少唔開心既畫面,但最辛苦既已經捱過左,我希望我都係咁,而且我又係草根階層出身,所以特別有共鳴!

睇完之後打比BOAT諗住問佢今晚食唔食飯?不過無人聽,打過比其他人都無人聽,之後諗住一直行一直等BOAT電話,行既途中睇到好多野,例如太子道既高尚住宅區,D屋真係好大,不過就要對住條勁多車既馬路,有大屋邊個唔想住,我唔會妒忌亦唔會強求,當然就會羨慕啦,但我覺得我公屋長大都唔係差架!之後就行左去九龍醫院,見仲未有電話就再行落九龍城坐車返屋企,原來都已經行左個幾鐘,嘉汶唔駛擔心,我相信未必係你想像中咁,機會好似出現左,但真係好大壓力,每行一步都好驚會錯,好怕會後悔,應該點做好呢?