始終鍾意0係屋企既感覺,在家千日好,真係無錯,好掛住屋企張床,好掛住老娘,好掛住0係屋企HEA既情景,今日決定0係屋企咩都唔做,雖然真係幾無聊,但我確實係ENJOY呢D咁既生活,老娘煮完飯比我食就出左街,應該都係去打牌,由得佢啦!佢有佢既節目,我亦有我既生活,龍床不如狗竇,呢句說話真係無錯,始終鍾意自己屋企!起身就睇電視,呢排NOW播緊女排大獎賽,因為成日都0係HALL既關係,所以根本無得睇,想錄既機會都無,真係好慘,所以今日決定睇到飽為止,睇住荷蘭點樣贏俄羅斯,真係好戥佢地開心,本來二流既球隊到而家拿埋冠軍,真係得來不易,唔知我有無咁既一日,本來今日約左人出黎,不過睇黎都無咩機,好可能人地唔記得,又或者根本就唔想出而唔覆,總之咩原因都有,我已經盡左最大既努力,結果係咁我都無辦法,真係控制唔倒,我真係唔太相信佢見唔倒我,不過人地係唔應都無法,唔通強迫咩?唔想理啦!唔甘人都無辦法,或者我真 係太天真,十萬個唔願意,唔係太想返HALL,好想繼續留0係屋企HEA,但聽日開學,第一堂仲要返8:30,唔返真係唔得,返就返啦!唔想返都要返,雖然間房好污糟,而且我對盞燈真係好厭惡,白到真係好似殮房咁,但都無辦法啦!呢D野根本改變唔倒,開始有D後悔揀左入HALL C,真係未必岩我!11:40返到大埔,其實有班巴士,不過又有D肚餓,所以去買野食,坐0:00尾車返去,仲撞倒同層數既人,同埋撞倒HALL CAMP同組既CHRIS,返到去又係得自己一個,個室友仲未黎,想點架?聽日都開學啦!仲未返?之後又上左7F上網,上網好似就成為我唯一消閒既娛樂,其實隔離房D人都好NICE,不過佢地既嗜好同我完全唔同,佢地多數都係修PE,鍾意踢波同打機,而我就無樣鍾意,最鍾意就訓覺,所以真係唔知點好!算啦!都係見步行步啦!

又訓呂著,唔知係咪因為琴晚玩得太癲太夜,所以精神好累,但都訓唔倒,唔知想點?7:45起身食早餐,之後又要準備過BLOCK E玩,如果有得比我揀,我真係寧願訓多陣,唔夠訓真係好辛苦!又要分組玩遊戲,我同細TRACY一組,有4個TASK,每個TASK都有唔同主題,有體能,技巧,智慧同格鬥,我就揀左技巧區,其他都唔係好掂,之後先知原來抽左個最難既,因為好考個人技術,例如掉豆袋要整塌哂D汽水罐,玩骨牌要全部都倒下等等.....我地一定要做哂呢個區所有項目先可以去另一個區玩,真係好煩,反而其他組員既TASK就好快做完,因為真係好簡單,我地果組攪得最耐,之後全部組員完成哂所以TASK之後仲有個合作區,咁先叫完成所以項目,玩完呢個之後又有一個類似CKECK POINT既遊戲,不過就0係HALL入面玩,又有差不多10個TASK,完成之後就要憑指引去求人質,果10個TASK最麻煩既係其中有一個要塗指甲油,真係麻煩,我點返工呀又要用口傳波,跳大繩.......其實D遊戲真係有D無聊,最後我地係第7組返黎!我食完飯就走啦!食飯都有得玩,就係玩一個叫殘廢餐既遊戲,基本上係睇自己好唔好采,因為係抽籤既,我就抽倒我係盲既,所以要比比人矇眼,有D就比人綁手,有D健全既當然就比人餵啦!我當然係比人玩果個,又比人亂咁餵,又比人餵紙,仲有係倒D汽水落隻碗度溝飯,真係好白癡!算啦!出得黎玩其實都預左,下晝其實有個水戰,不過我無玩啦!一來要返工,二來真係唔想再玩,實在好累,仲有就係可能覺得玩得太癲,咩都唔想做,同埋可能覺得呢D咁熱鬧既生活係咪真係唔岩我?或者我未必太適合住HALL C!D人真係好NICE,但我想要既並唔係得個玩字,我寧願著重與人溝通,識多幾個交心既朋友唔係更好咩?

今日返15:30-25 3C,返到工突然有一種好WARM既感覺,因為公司所有人我都好熟,個個都可以傾一餐,感覺上好好,好有一種返到屋企既感覺,我一向都好怕重新適應一個新既環境,而家入到教院就好有呢種感覺,唔係太想返宿舍,因為我覺得好嘈,可能我鍾意比較靜卦,又或者D人根本未熟,所以我先有咁既感覺啦!今日又包場,好采有好多同事黎幫我,好開心,好多謝每一位幫過我既同事,條數唔係好岩,自己拆掂佢,可能有D包場既野唔太岩啦!阿華只係同大隻妙講過D餐點攪,所以我都係留返比佢算啦!咩都唔理,最後都攪到成2:15先走得,好夜,返到屋企感覺始終最好!

今朝7點幾又要起身,因為要準備上9F食早餐,係食白粥油炸鬼既,之後準備落去聽下今日玩既CHECK POINT!基本上係玩轉全港九,我地有9個TASK要完成,仲有一個SPECIAL TASK!第一個係 0係教院搵3個人問佢知唔知教院間7-11幾點關門,答案係23:30,如果錯左既就要話返佢知,好快就做完,之後就去中大搵3個學生教佢跳舞,我地坐小巴出左大埔先,諗住轉紅VAN去中大,點知未有,之後見到巴士就係咁跑,跑死左,好快去到中大就見到聯合書院D人0係度整緊野,其實我地搵3個人就得,不過佢地有成班人,所以就一齊跳啦!攪掂之後就要去沙田婚姻註冊署搵兩對新人黎同佢地唱"鄧......."同埋同佢地影張相,一去到都唔見有人註冊,仲有個坐輪椅既人叫我地幫佢買花,佢睇落好似好慘咁,之後佢話而家係鬼節,好少人結婚,好采我地都搵倒兩對,第一對好怕醜,第二對就好爽快,其中有一個男人0係度猛講野,狂踩香港女人,又話支持一夫多妻制,話香港女人比人種慣哂,睇黎佢都有D精神病,之後就去鴨療街,將我地身上既物品拿出黎問價,話要個老細講超過$5000先得,好采我地好快攪掂,之後13:30前要去到尖沙咀天星,但一定要有一個鐘食飯,所以我地就要12:30前去到,跑到無氣,去到天星又係跳舞,跳完就過銅鑼灣0係SOGO前既馬路,當紅燈時我地分開兩邊人,一齊講馬路如虎口....路上零意外......之後仲要見到如果有人衡燈就圍住佢唱"交通.....要遵守,安全第一......"其實真係好樣衰,好怕比人鬧,之後就要過維園,分4組,一個背一個行石春路當然係男背女啦!我就背個輕既,真係幾痛,最後就要返大埔火車站扮月台助理,仲要示意叫個月台長可以開車,勁低能,坐巴士時遇到另一組,不過佢地介有一個TASK未完,我地就係第6組返到,都算係咁啦!之後上房抖一抖就準備出去PRESENT番今日既野,我講完之後就出去打波啦,無同佢地食飯!

今晚又約左JOE班朋友打,自己打得一D都唔好,可能實在太累啦!完全可以話係無表現,咩都唔好,咁既水平點打校隊呀?打完之後就返大埔,唔該阿佬車好返去,DARREN都出左去打波,所以我都等埋佢一齊返入宿舍,沖埋涼,同其他房夾份一齊洗衫,食宵夜,諗住上一陣網之後訓覺,點知組爸打比我叫我返房先,原來係唔比我地訓,要我地出去玩,仲要係成個HALL,果陣已經2點幾,真係唔想玩而且又打完波,好辛苦,但唔通你話唔去咩?一定唔得,雖然係唔想,但無計,又玩D核突遊戲,例如用口傳食物,最核突係傳JELLY,金梅片,根本唔係傳,係吐落去另一個人既口,點解可以玩埋D咁既人,基本上係全部用口玩?仲諗住大家將來係教書,都唔會玩得咁癲,有D好怪感覺,我唔係唔玩得,只係好似無EXPECT過會咁!算啦!最後玩到成5:00先有得訓,但又開始訓唔倒,好辛苦!