今日訓到10:30起身,無耐就出門口返學,普通話既鄧老師搵過我話我無考個普通話口試,鬼咩?上星期都病病地,所以無返學兩日!而家約返佢下星期2果堂早少少過去考!今日又塞車,如果唔係趕住返去拿返D旦同其他同學,我一定唔會0係火車站坐的士返教院,又$32,之前比我地D旦都我放左0係櫃桶,點知都臭臭地,拿拿臨拿去廁所洗一洗就上堂,點知佢地自己拿過D旦返黎,不過都OK既,又無記認,所以無咩所謂,佢地都有將隻旦塗下顏色,我就真係無咁得閒,結果話隻旦爛左,其實我有帶返黎,不過費事煩!今日上堂既課題係性教育,唔講有D野真係唔太知,落堂之後諗住約一兩個人去食野,點知就成村人黎哂,是但啦!都要同多D人溝通下先得!之後上英文堂,上左去個語言室上堂,即場要我地上網睇網頁再比回應!真係考我作文咁,上完之後就出大埔搵ALAN剪髮,再JOIN阿佬食左少少日本野就上去大埔墟打波!
今日約左KAREN班朋友打波,佢地成日跳過黎,工商杯在即,我真係唔想受傷,所以大家都好小心,由於今日有兩個女,所以我又不自覺包左佢地D位,自己都打得唔太好,今日把聲好左少少,不過都仲係麻麻,唔可以太大聲,之後同佢地食野,食完就返歸,真係唔太鍾意ALEX份人,始終太自我為是,又成日偷聽人講野先衰!終於明白點解佢無朋友,阿佬叫我星期日打波,就算我得閒都唔去,因為唔想見到佢!
唔係太想返學,最後理智都戰勝左睡魔,落去上堂,D功課開始HOM HOM聲衝埋黎,睇黎都要顧下D功課,本來今日坐最後一排,但比人掉左位,雖然都係坐最後一排,但坐我隔離果個人完全唔熟,唔想同佢講野,所以BREAK之後即刻掉左過去同CARMEN坐,起碼熟D先,今日好叻呀,上堂無咩洽眼訓,上上下堂無啦啦走左出去睇校園,話要睇下校園既社區喎,是但啦,落左堂之後就過左BLOCK A睇醫生,好抵,只係$15就有成個星期藥,個醫生話我係聲帶發炎,到而家我把聲都仲係咁沙,好過琴日少少,不過都係一時時,之後返宿舍,阿勇返左黎,好采佢只係留一陣,佢走左我又訓左一陣之後就去上堂,今堂就勁眼訓啦!做實驗都唔知0係度做咩?落堂之後又過BLOCK A見輔導主任,佢又係叫ANGIE,同我地公司果個有D似,佢竟然鼓勵我去申請緊急援助金,仲教我點申請,我以為係有咩家庭突變先可以申請,原來唔係!佢話我呢類情況都可以申請,咁既然佢撐我,我就申請啦!反正我真係無咩$...
之後就坐車出去返工,今日本來返CB,但MAY MAY幫我掉左FLOOR,都好既,唔駛講咁多野,我仲被安排入去戲院睇住有無人盜錄,其實應該唔會有,要錄都唔會0係我地呢度,都會去其他舊式戲院啦!所以我其實係入去睇戲,3段床上戲都睇哂,以香港尺度黎講算大膽,個故事其實都OK,話有個愛國女同志0係抗日期間色誘漢奸,最後結局我無睇,不過好似失敗左仲要死埋,收工後約左聰聰0係旺角,之後同佢行左去深水埗食野,佢同佢老婆搬左出黎住,佢同我講左好多野,主要係我已經講唔倒野,之後等埋佢老婆收工黎JOIN我地,佢係要介紹我識,見到佢地咁好真係羨慕,尢其是佢地既對話,一睇就知佢地好愛大家!不過發生左一件唔開心事,就係聰聰唔見左部手提,我地比左$之後行左一分鐘佢發覺無拿部電話,即刻返去拿,點知已經唔見左,我覺得係D伙記拿左,我地附近無客坐,應該唔會係客拿,之後一直打已經無人聽,佢部電話好難較震機,所以應該比人收埋左,唔見電話事少,最大問題係佢老婆送既,仲要3千幾蚊,佢老婆都黑哂面,話我走左之後一定炳佢,如果佢唔約我既就唔會唔見啦,我覺得好似我都有D責任,有D內疚架!走果陣見到阿詩,阿英同阿燕,真係好岩!總之希望佢地兩個快D無事,本來佢地仲PLAN好左聽日返大陸玩,好開心咁,不過唔知而家佢地點呢?
今日係中秋節假期,成日都以為今日係星期日,今日有早場呀!所以我係返9-18:15 BO,我諗都有成一個月無落過BO啦!而家多左好多新野,又匯豐銀行咩獎賞錢積分換飛,好似好煩咁,CHECK分既卡機就只有一部,有D客係唔係都會CHECK,所以有時都要輪住黎睇,而且一換就好煩,因為有好多份資料要抄底,又要個客簽名,又有寫卡號碼,不過D客閒閒地都過萬分,所以都好多人換!今日本來編左我12:20先食飯,但我實在等唔切,所以想食先,就叫左SANDY落黎頂左我一陣賣飛,個橫閘鎖又比KELLY同LILY心急整爛左,真係慘,今日ANGIE 0係BO發脾4,因為有D同事換左部卡機又唔出聲,攪到佢碌錯左卡機!我都覺得佢有D有失身份,今日返工把聲本來都無咩野,但下晝開始就不斷變沙,沙到就黎講唔倒野,好辛苦,又無咩病痛喎!都唔知咩事,埋數多左$100,但少左張買一送一,真大鑊,好采MAY MAY叫我REFUND番一張,之後寫$50 OVERAGE,原本聽日要返工,不過佢話唔比,最後我先記得原來聽晚放工後約左聰聰食飯,所以點都要返工!最後佢都叫我返FLOOR.唔好返CB啦,費事嚇親人!
收工之後就去楊屋道打波,唔該哂JOE幫我地搵左班人返黎!今日主要都係夾工商杯果班,而我又去返打中間啦!是但啦!有D埋網波根本就要我去救佢,今日都叫OK既,起碼都叫有D來回球打下,都唔算好累,但越夜把聲就越唔掂!就快講唔倒野,尢其是打完波坐車返大埔果陣,把聲就真係完全無左咁滯,沙到連自己都認唔倒,真係癲架!再咁落去,我真係驚我聽日講唔倒野!
好鬼懶,今日其實都已經無咩事,可以返學,不過琴晚實在太夜訓,所以今朝都唔想起身,而且覺得返一返去上一堂又走返出黎覺得好無聊,最後都係唔返啦!又訓到成14:30,之後就出左去旺角同大隻妙,阿豬唱K,其實今日都仲有D喉嚨痛,不過唔理啦!死就死啦!我係好想去呀!今日去都唔貴,因為上次仲有 D COUPON未用,唔駛$食下午茶BUFFET!幾好,我去到都已經成16:00,食左少少野啦!唱到把聲都有D沙,仲要開始拆,唔理佢,JANE終於肯聽電話,希望佢之後會潔身自愛!唱完之後同阿豬行左一陣,想買鞋又睇唔岩,始終都係好貴!之後就坐小巴上阿姐屋企食飯,佢個仔同上次無咩變,不過今次就多左好多聲,而且已經開始曳,唔知同我上堂學既野會唔會係一樣,好快食完飯之後就同老娘返屋企,都無咩地方想去,聽日又返早,所以真係寧願早D返屋企好過啦!今年天氣唔好,所以根本睇唔倒月亮!點都好,中秋節快樂!
食左咁多日藥!都好似未好得返咁,仲有D喉嚨痛同頭暈!都唔知係咪個醫生唔掂,食左幾轉藥都好似差不多!起左身準備返學架!不過最後都係想休息多一日,所以SEND左個SMS比寅哥同CARMEN叫佢地幫我拿NOTES,仲有SEND埋比阿佬話唔約去剪髮,真係唔該哂佢地!之後又訓到成15:00先起身,其實今日教院又要練波,不過班中學同學一早約左我食飯,真係唔好意思推佢地架!美慧仲話幫我比返唔去練波果D罰款,你話我點好意思唔去呢?今次同佢地去左銅鑼灣間OUTBACK STEAKHOUSE食野,類似RUBY TUESDAY既物體,不過我就覺得後者好好多,起碼多好多野食先!同埋D SERVICE都差D,咁岩我地坐果個係窗口位,樓下JP戲院首映!不過係套爛片<7擒7縱7色狼>,根本就係賣弄有色笑話,D女主角就係咁拿對胸出黎哂,又要博搶鏡,又要爭企位,其實睇倒都覺得好笑,或者呢個就係娛樂圈既現實啦!其實睇記者既閃光燈次數就知一位藝人既價值,有D好明顯係無咩人影!睇返D中學同學,有幾個已經有車,有一個就係人老豆,我而家唔會覺得自卑,因為我將會成為專業人士,不過而家無咩$,所以佢地講去日本旅行我都唔關事,邊有咁多$同佢地癲?食完就返屋企繼續上網!
