今日早左少少起身,諗住同NICK過B1搵LYNN傾下個PRESENTATION既野!點知去到佢又唔0係度,咁唯有寫紙仔等佢覆啦!之後再上普通話,無啦啦上堂又要錄影,都唔知攪咩?不過都係好似平時咁上堂姐,之後好乖咁去左圖書館做英文份功課,攪笑地撞倒阿茵,之後就同佢一齊行過BLOCK E還波,咁耐無見,一定要講下是非啦!同佢真係比較岩KEY,之後約埋遲D同佢地一齊食飯,就好乖咁返圖書館繼續做功課,個E-MAIL SYSTEM都唔知係咪有問題?我做到咁上下佢就同我返去上一頁,我足足打左3次,激死我!做到差不多時間就出左去九龍灣練波,今日有個新隊員黎左,比我想像中好,今日練波氣氛都OK,我都叫帶住大家練波,其實都係用返教院D野同大家練,大家都覺得OK就得!練完波就同阿佬返大埔食野,又不停吹水,好攪笑,返到教院又要做功課,落圖書館做到成5:00,聽日又要上堂,真係慘!
chingtung1222 | 30th Oct 2007, 01:40 AM |
一般 | (30 Reads)
好快又一個星期,D時間過得真係過得好快,晨早又要上HUMAN DEVELOPMENT!諗住同KA YEE佢地坐,點知又搵唔倒佢,諗住自己一個坐,但HALL庄班人又叫我同佢坐,是但啦!雖然同佢地唔係好熟,都OK既,開頭真係頂得住無訓架!仲好勤力咁抄NOTES,不過堅持左唔係好耐就好眼訓,但都係訓左一陣,之後都有起番身,真係唔訓得呀,因此要一定要抄NOTES呀!好辛苦咁捱到落堂,之後就去上中文,今日其實唔駛上堂,個TUTOR話同我地講番份功課,我都知自己份功課做得唔好,又話我唔睇題目,又話我呢樣果樣!真係好憎佢,佢叫我重做,都好既,我都覺得自己做得唔好,之後佢話下星期一叫我同超龍一齊過去同佢傾份功課,之後同我地一齊食飯,我話我傾份功課就得,唔駛一齊食,之後佢問我唔駛食飯咩?我話要,但我會自己搵同學食,佢話我咁都唔比面?我都費事采佢,係唔想食就唔想!我唔想呢餐背脊骨落,條友成日針對我,真係好過份,好快落堂之後返宿舍訓到夠鐘就上通識,又搵左個人返黎講TALK,不過我真係無咩興趣,睇得出人地準備左好多野,但我地無人問佢姐,佢都講到有D無癮!落堂之後就返買野食返宿舍,就準備出去太和練波,同佢地一齊坐的士,今日都唔係太辛苦,不過發生左一段小插曲!就係3個大搥0係度練打觸手時,CALVIN叫佢地一定要叫出聲數打左幾多球,開頭無咩人理佢 ,之後阿麟話打緊點數,落黎先數啦!好似有D火藥味咁,我都 係第一次聽阿麟咁講,練完波之後又CALVIN都無黎食飯,同埋佢叫DICKSON過去佢果隊波練波,好明顯佢隊波無中間叫佢過去,之後又聽倒DAVID同EDMOND呻有人黑面,哈!原來我地教院隊波真係有D問題!
chingtung1222 | 29th Oct 2007, 01:30 AM |
一般 | (22 Reads)
琴晚收BAR END,都攪到成5:00先訓,所以今日好有衝動打返公司話唔返工,不過無計,唔返又好似好衰咁,所以都係算啦!都係歧13:45-22:30 BO,都唔會好累既!阿恆今日真係無返啦!不過佢琴日都病病地,我諗都唔會因為BAR END而唔返既!都覺得佢有D慘,阿恆無返,所以D更又不停咁掉,BB上左FLOOR仲要洗機,條友又想洽阿峰叫佢洗,我話唔比呀!你自己洗啦!呢期布3套3級片,所以無帶身分證既人而唔入得場都好多!有D人CHECK佢証個樣都好串,不過就唔係話我,只係話KIKI,因為KIKI CHECK佢証,而我就多數都唔CHECK,個客話我無CHECK啦,係佢(KIKI)先CHECK,我咪話其實KIKI做得岩,我唔CHECK係我唔岩,不過之後我都一樣無CHECK其他人,只係叫佢地記得入場時帶番!之後又有個女人無帶,個男就有,落到黎BO話邊條條例寫明要CHECK?我咪話之前我已經提左你入場會CHECK,同埋係電檢處規定,即刻無聲出,抵死,之後退返$比佢!遇到呢D人真係要企硬先得!收工之後同b好快食完野又要趕返大埔!返到去上埋網都成2點幾,今日阿勇竟然歧左黎,真係有D估唔倒!
chingtung1222 | 28th Oct 2007, 00:55 AM |
一般 | (16 Reads)
今日11:00左右有個電腦人黎左我屋企整電腦,部新既電腦已經送左黎好耐,所以一早就黎駁返條線上網,不過佢都係黎拉線姐!要由房部電腦係咁拉條新既線出去,所以都幾麻煩!整左一個鐘左右新電腦終於可以上網,佢係用新既WINDOW VISTA!都唔係好識用,算啦,只要上倒網就OK,之後我都無訓過啦!上網上到差不多時間竟返工,今日返15:30-25 6C,3C係阿恆,好明顯佢係特登咁樣編更,因為佢想阿恆盡快學識CANDY BAR既野,唔理啦!其實6C仲好,面積細D又無咁多人,今日接大隻妙個BAR,都唔明6C部機點解可以咁慢,真係慢到無人有,個8達通慢到唔想用,夜晚既時間都係多人極有限,不斷同新同事TERRY吹水,佢係一個中五學生,不過就讀夜校,日頭就0係戲院返工,不過佢做人就好似無咩目標,我都係以過來人身份同佢講,叫佢做人一定要有目標,一定要讀多D書,如果唔係就永遠都係得幾千一個月,咁就成世,甘心咩?所以我鼓勵佢點都要搵D野黎讀!揀D自己有興趣既!咁就無咁悶!埋數後多左$,真係開心!但阿恆就SHORT左$,好慘,開頭YOYO幫佢埋數時話SHORT左$100,嚇死佢,之後睇清楚先知原來佢地無計張$40 CASH CUOPON!不過都入漏左個大餐,計計埋埋都SHORT左幾蚊!希望佢之後會小心D,不過我覺得佢已經好叻,因為只係入漏左一個大餐,其他野 都岩哂,可能係找錯$比人啦!我覺得阿邦編咁3C都係急左D,我驚好快會迫死佢,佢都好似好驚咁,希望佢可以盡快克服啦!
chingtung1222 | 27th Oct 2007, 01:45 AM |
一般 | (31 Reads)
D天氣令人好舒服,真係好好訓,訓到連學都唔想返,不過絕對唔可以咁,唔可以成日走堂,點都要起身返學,好采返12:30,不過都係訓得6個鐘,係完全唔夠既,今日返到教院都已經遲左!唔理啦!上堂勁眼訓,訓左都好耐,所以都無咩聽書,落堂之後交個題目比阿SIR睇睇,佢話都OK,不過有D難度!算啦,之後上宿舍執野準備上英文,今日英文要PRESENT一個明星,不過我PARTNER阿NICK去左大陸打羽毛球比賽,所以無返,我地就遲D先PRESENT,上完堂就準備出去打波!今晚約左ARTHUR出黎打,第一次同佢打,無想像之中咁勁,不過有D基本都已經好唔錯!仲叫埋KA YU同阿輝兩公婆!反而對面D人就真係差到嚇死我,攪到我地果邊不知幾悶,我諗呢班人之後我都未必會再叫黎,因為佢地水平真係較差,可以話仲有一段距離!打完之後去左食野,食完又返屋企!有時兩個人要互相鍾意真係好難,有D人永遠只可以做朋友,只有一種叫朋友感覺,無感覺就真係無感覺!做幾多野都無用!
chingtung1222 | 26th Oct 2007, 01:26 AM |
一般 | (22 Reads)
又要晨早上8:30,今日真係幾累,BOOK完場洽一陣又要上堂,真係幾辛苦,今日上堂講既係青年暴力問題,又上網睇左套資訊節目,都幾好睇,得閒睇下呢D節目都有D益處!上到中間又開始眼訓,唔知想點?好累!之後收倒消息話下晝堂EXPLORING SCIENCE唔駛上,真係開心,其實都好想今日再去曬太陽,因為天氣真係好好,我真係唔想浪費咁好既天氣,點知連個天都幫埋我話唔駛上,真係開心,落堂之後過 左KA YEE個HALL傾SCIENCE既REPORT D野,大家對題目都有共識,起碼大家意見一致,所以真係唔錯,行返宿舍時CENTRAL PLAZA有聯校MASS DANCE,教院係第一站,有其他唔同大學既人黎跳舞,之後再去其他大學表現,好似好大型咁,不過我真係無咩興趣,睇既意欲都無,只係見到SAMMY一個好騎呢既動作!個司儀好似玩佢咁,好好笑!上房執埋D野就準備去泳池!今日好似仲少人過琴日,同埋我唔記得帶太陽油同拖鞋,不過對我無咩影響,今日都係曬到17:00左右,之後行過太和坐火車返工,今日返19-23 3C,夜晚都少人,都唔見得多,猛同ANGIE不停吹水,要準時收工,早D返屋企食飯先得!
chingtung1222 | 25th Oct 2007, 00:59 AM |
一般 | (27 Reads)
今朝一早上HUMAN DEVELOPMENT既TUTORIAL,CARMEN唔舒服無返到,而今日就要開始CHECK NOTES黎計上堂分,睇得出個TUTOR真係勁唔鍾意CHECK,不斷話好麻煩!浪費時間,但佢既工作又確係要睇下,今日我地做個叫數目守衡實驗既REHERSAL!搵個同學去扮小朋友,而我就係個測試員,個扮小朋友既同學就要扮低b,而另一組既同學就做另一個做卡片既實驗,呢個比較難做!上完堂之後就買個早餐,最鍾意星期3,其實咁既生活都幾歎!今日天氣好好,終於等到太陽先生出黎,所以訓左一陣就決定去游水同曬太陽,要襯未冬天之前去曬下,同埋而家d天氣又唔算好熱,去曬太陽真係岩岩好!所以訓左一陣就坐車出大埔泳池,今日係閒日,所以勁少人,我諗都係得幾十人左右,同埋泳池又有沙灘椅,無沙灘咁污糟,我帶埋隻MP3入去聽,所以都唔悶!曬到17:00左右就返教院準備練波,D人都開始唔準時,基本上準時既得6-7個,20:00之後D人先會黎!所以我都唔想咁準時,今日練波唔知點解有D想嘔既感覺!其實又唔係太辛苦,唔知點解會咁?可能太緊張啦!越想做好就越緊張!唔知啦!希望可以快D追倒同其他隊友既差距,其實我都唔算黎得少,有時撞左自己既野就真係無辦法!我都唔想!之後又要跑圈,覺得好辛苦,想唔跑,不過我跑得慢時佢地又等埋我,叫我點可以唔緊持?練完波之後仲要攪樓會D野,真係想死,本來一早已經攪掂,12:30左右就OK,有哂構思,但無啦啦越整越多野,最後攪到成3:00,食埋飯成4:00先訓,,不過好多人都話靚,我只係負責剪野,其餘既設計,畫圖我真係一D天分都無,不過算啦,如果唔整就一定唔得,有D人仲要整整下失左蹤,真係好過分!
