chingtung1222 | 30th Nov 2007, 00:55 AM |
一般 | (13 Reads)
今日同埋翠兒,豪哥,NICK約左LYNN食飯,順便傾下上次做完份功課既野!不過今日話題唔係功課而係LYNN,佢真係好NICE,好好人,佢識講廣東話,不過講英文順口D,我地了解左佢好多,因為佢都有同我地講佢既野,例如屋企同之前既教學經驗!我下個SEM繼續揀LYNN係無錯既,之後就去補習,今日同JOE掉左補一年班,對住佢地好開心,因為太得意,而且都好乖!不過佢地對串字真係比較差,要佢地串咁長既字真係幾辛苦!例如9,10,11月既英文,4年班都未必識,何況佢地?而且一年班有校長同另一個MISS幫手睇,基本上我真係睇6個學生左右,其中有一個成日講普通話既學生真係好攪笑,我同佢講多D都當練習下自己D普通話!睇黎呢班又要送禮物比佢地!實在太乖!補完之後就出旺角同阿豬行街,買左張2GB既卡同鞋,又無左$600,之後就去飲MEI LING果餐,佢今日好靚,其實間酒店唔算高級,不過D野都幾好食,我用阿姐部相機同其他同事影左唔少相,有個女家既舅父成日0係度攪氣氛,又講埋D咸濕野,真係攪到個場CHEAP哂,見到舊同事JORENE,問佢邊度做野?又話我最8卦唔話我知,哈,比面你先問,你估我好想知?唔好講呀,我根本唔想知,係特登搵野黎講咋,咪傻啦!貞姐都終於可以公開佢個新抱係邊個,咁咪好囉,以後可以光明正大,其實我已經唔憎MEI LING,咁多年都唔想再憎,佢無得罪我,憎一個人自己都辛苦又何必?臨走前MEI LING狂同旺角D同事影相,因為之前無影過!去到油麻地先發覺又唔記得拿對鞋同書,又要打比ANGIE叫佢搵貞姐,幾經轉折先知原來MEI LING老公拿左上酒店房,叫我上去拿,返到屋企已經成1:00,最後都恭祝佢地百年好合,永結同心!
chingtung1222 | 29th Nov 2007, 00:54 AM |
一般 | (19 Reads)
今日主要都係返沙頭角補習,因為D堂都已經上得7788,不過今日我都遲到,一來無返教院坐的士,所以成15:45先去到,D學生又唔聽話,真係唔想罰佢地,但唔比D顏色佢地睇真係唔得,所以一定要惡D,放學之後去到上水先發覺唔記得拿對排球鞋同書,漏左0係補習班既課室,又要麻煩蕭SIR幫我KEEP起,之後又趕唔切校巴,唉,又要坐火車去大埔再轉巴士,因為今日要返去練波,所一定要返教院先,去到都已經成19:00,WINKING話今日練波都係以輕鬆為主,因為係輸波後既第一次,所以佢想知大家既心情,我就一定無咩野,而且我覺得今日自己練波已經交足貨,不過當練後2時,我又無得去殺波,我真係唔覺得我係差過DAVID,不過可能0係教練眼中我係差過佢,呢D真係好主觀,所以我都唔會出聲,練完波之後諗住問阿麟落唔落大中食野又話唔落,JACKY又話唔落,算,諗住今次落佢地又唔落,佢地落時我又唔落,玩野咩?最後買叮飯食算數,落圖書館上網,之後食飯,咁又一日!
chingtung1222 | 28th Nov 2007, 00:52 AM |
一般 | (17 Reads)
今日要上普通話,不過琴晚都係返左屋企,已經係最後一堂,其實同D同學都唔叫好熟,有D連名都唔知,值得一讚係鄧老師,雖然好多人都話佢教得麻麻,但我反而覺得唔錯,因為佢真係好比機會我地去講,之前0係OU邊有咁多機會?今日又要拍野,真係好怕上鏡,好核突,之後又要去補習,今日返去二年級,一入去就要話比禮物,邊得黎咁多$?不過我明白學生係唔可以呃既,所以我下星期一定會記得買!D學生名我已經記得哂,始終得10個,相信之後我會記得更多!今日要練波,練之前去左粉嶺個圖書館借書做GE份功課,好采都借倒3本,之後聽CD,聽到成18:45,約左隊友19:30,出到去已經遲左15分鐘!之後去到食野,食完就練波,今晚得2個鐘,所以練都練得好密,主要都係防守,因為大家之前都話想練呢D野多,搵左我出黎訓落地救波既示範,不過我其實都做得麻麻,今日大家好似比上次集中,呢點SIMPSON都話留意倒!所以佢都有讚大家,希望大家可以0係呢種氣氛之下繼續打好D!練完就返屋企啦!
chingtung1222 | 27th Nov 2007, 13:18 PM |
一般 | (15 Reads)
琴晚返左宿舍訓,諗住準備今日既中文考試,有溫過架,不過今日落到去竟然無得考,仲等左成半個鐘,好似話監考果個人唔知咩事無黎,之後有個人黎解釋,其實大家都想而家考,不過最後都係無左回事,個人話想比一次FORMAL既考試我地,所以就散BAND!之後返左宿舍訓覺,跟住又準備出去補習,今日頂左阿匡,其實唔想去,不過人地叫幫手就是但,搵$緊要,今日去左4年班,比我想像中低B,可能我果陣都係咁,不過D人都幾唔聽話,高FORM好玩D,因為可以串佢地,有個問題女學生叫另一個同學搵班較剪界佢隻手,嘩,嚇死我,即係叫同學搵佢班主任過黎,一陣有咩事就好大鑊!結果搵唔倒,搵左個社工過黎,叫左個女仔出去,返黎又係咁喊,聽其他同學講佢名爸阿媽唔理佢,而家跟阿叔住又唔理佢,真係慘,之後又好似話有D同學要收$先可以做朋友,有無攪錯?之後我同佢講呢D人根本唔值得做朋友,同埋叫佢唔好放棄自己,之後又有個幾多口既男仔喊,之前又有個女仔喊,都唔知咩事?一個二個正喊包,補完返學去SAO開會,好眼訓,睇VIDEO不斷訓,之後又玩保護蛋蛋遊戲,之前HEALTHY LIVING都試過,都係同一個TOPIC,開完會電話已經無電,再約KAREN比返相機佢,本來話同隊友一齊食飯,最後放左飛機,都係快D返屋企差電好過!
chingtung1222 | 26th Nov 2007, 14:46 PM |
一般 | (153 Reads)
太好啦!今日個更搵人頂左,真係開心到爆!所以變左今日唔駛返工,可以留0係屋企抖下,如果唔係追更都幾辛苦,搵左TIFFANY同阿鋒兩個幫我,真係唔該哂,其實今日我係絕對得閒,不過真係唔想追更同咁辛苦!而且今日又要打大專杯,雖然未必有得出場,但都希望KEEP好個狀態!隨時準備出場,又係訓到好遲,之後就過理工準備,今日既對手係IVE,佢地覺得有機會羸!比賽之前WINKING同我地做左個心理調整!佢話叫我地0係一個靜既環境諗下一陣應該點打?坦白講,我都無咩諗過,因為紅腸已經好返,所以我應該無得打,不過唔緊要,已經預左!之後入番去場館熱身,對面既SETTER係港隊既自由人,雖然矮,但防守真係好好,熱完身就開始比賽,都有D教院既人黎睇!其實覺得自己今日狀態幾好,不過無得出就算啦!始終係高水平比賽,我都仲有一段距離!第一局開頭領先,之後比人係咁打,成隊散哂,咩都無,一傳,防守,殺波無樣掂!第2局同第一局基本上都係一樣!都係不斷比人禁住打,第3局打好左,成隊醒哂,領先23-21都可以比人羸返,又係輸一傳同自己失誤,0係出面真係睇到有D汶,點解可以打成咁,隊長直情黑哂面,睇得出佢真係SET得好辛苦!之後到賽後檢討,佢問JACKY覺得自己有無進步?JACKY話有,但隊長話唔覺,當然我都好明白佢今年最後一年打大專,而且今日大家真係打得好差,想羸結果令到大家都好手緊,隊長仲講到眼濕濕,見倒咁樣,我諗大家都唔會話返佢,不過佢咁樣當面話一個球員,果個球員真係會好HURT!可能呢D就係心病既由來,講左話無論輸同羸都一齊食飯,結果攪手都無去,淨返我,勇,Y,TONY,DICKSON,JACKY6個,真係覺得有D唔知點?總係好怪,大家都有講番比賽既野,但已經過左去,我明白佢地有幾唔開心,但可以點?已成事實,呢種失望心情我都試過,只不過今次因為自己無份打所以唔強烈!之後同佢地食完飯,其實都想返屋企,不過因為拿住D波同聽日又要考中文,所以都係決定返宿舍!
chingtung1222 | 25th Nov 2007, 01:04 AM |
一般 | (23 Reads)
今日早左少少起身,其實都唔算早啦!都成15:00,因為想去睇一睇隻腳,唔想再傷落去,結果去左睇跌打,是但揀左一間睇,只係做左一部叫針灸機既野,之後就攪掂,希望可以快D好!睇到過哂鐘,所以講左話遲半個鐘,結果遲左45分鐘,唔該ANITA幫我改更!今日返17:45-25 6C,今日都幾忙,阿邦仲話諗住益我,點知完全唔係!勁忙喎,8院仲去到第一行,今日D客都唔錯,無一D賤客!但今日發覺成套制服,名牌同拍卡唔見左,最後只係拍卡搵唔倒,因為阿恆話上星期見倒我D衫放左0係鞋架!所以好心幫我掛起左,真係好人,不過就搵唔倒個拍卡,最緊要我係用教院條繩黎帶住,覺得好唔抵,因為我好鍾意條繩,唔見卡比過$50無所謂,但唔見繩就好搵,算啦,搵左成晚都唔見!唯有聽天由命!
chingtung1222 | 24th Nov 2007, 01:02 AM |
一般 | (12 Reads)
今日又訓到夠鐘先返學,真係好好訓,約左ALAN剪頭髮,本來約左15:30,但我成16:00先去到,唔好唔記得我16:30係要上英文,剪完都已經成16:25,今日仲要測驗,即刻坐的士返去,返到去已經填緊問卷,成班都話今日我地早左一個鐘上堂,所以而家做問卷調查,做完就可以放學!真係有D驚!最慘就係LYNN都話打過比我,D同學仲話之前已經收過E-MAIL,但我完全收唔倒!真係嚇死,我幾驚連試都無得考,好采最後先知係全班一齊玩我,最攪笑係LYNN之前完全無同佢地夾過,佢一出去入黎就一齊夾埋佢地玩我,真抵死,我都估唔倒!之後先知原來佢地只係岩岩上堂,之後就作文,D作文真係越來越差!可能太耐無理過D英文!考完之後走得就坐阿佬架車一齊出荔景打波!打之前同LEO,ALEX佢地食野先,之後就上去荔景打波,今日班人都係ARTHUR叫黎,都強架,所以打到自己都有D汶,覺得D人成日好似唔正經咁,居然0係後排傾計,之後右腳仲要踩到LEO,咬左柴!不過應該唔太嚴重,但我都唔想,因為好快又要大專杯同工商杯!我真係唔想受傷,所以真係有D惱自己點解咁唔小心?不過算啦,唔傷都傷左,可以點?唯有叫自下次一定要更小心!
