chingtung1222 | 31st Dec 2007, 02:38 AM |
一般 | (10 Reads)
簡直係惡夢,以後見倒都驚,真係佩服電腦既科技日新月異!今日返13:30-22:45 BO,好呀,最鍾意既位,咩都唔理,完全無上過CB幫手,ANGIE都上過去,我都話佢,幫咩鬼呀?自己顧自己好過啦!而家都有D抱住各家自掃門前雪既心態,咩都唔理,唔會見死不救,不過真係唔會主動去理囉!留0係BO咪幾好,今日無午夜場,唔覺唔覺都賣左成三皮野,今日唯一可以寄託既係同BB 0係BO吹下水,另外有D客既行為真係好令人發笑,我諗呢D就係平凡中既一點歡樂啦!
chingtung1222 | 30th Dec 2007, 02:15 AM |
一般 | (14 Reads)
打完波又返早就最辛苦,年紀大,一定要多D休息,絕對唔想再追更,之前係咁通頂做功課已經好似老左10年咁,而家真係要好好保養下,如果唔係命都短幾年,今日都要返9-18:30 3C,可能個人太累,所以絕對係西口西面,唔理啦!投訴我啦!收工之後去宣材房訓左一陣,阿輝打黎話叫我一齊陪佢去幫學校做波衫,是但啦!之後同佢一齊過九龍灣打波!今日對手都係曉青,不過就少左阿樂同KEITH,所以實力真係差好遠!我地果邊其實都唔係好,有HUMPHREY,大輝,細輝,KILO同DAVID!真係水鬥水,個地跣到飛起,好難可以走得郁!唔知想點,好采只係打兩個鐘,打多個鐘都唔想,狀態嚴重下滑,好似咩都做得唔好,好采只係玩下,如果真係打比賽都打成咁樣,真係想羸都幾難!無同大家去食飯,因為約左EDDIE,不斷比佢老點,離哂譜,已經好累架啦!仲周圍指我行,早知就唔出黎,一定唔會有下次,D人係咪有問題架?定係我根本咩都睇唔倒,真係早走早著!過份!
chingtung1222 | 29th Dec 2007, 02:02 AM |
一般 | (13 Reads)
有波打!所以今日特登又要返早,係咪有D拿苦黎辛,唔太想同某D同事食,不過無計,是鬼但啦!做左咁多年咩都化哂!今日都唔覺忙,但唔覺唔覺都竟然有成三千幾,可能自實在太叻,哈....,所以多人根本唔覺!算啦!而家都唔係認叻既時候,好快收工之後就同ERIC去左荔景食飯,本來對面D人約好哂,但阿佬打黎又話對面班人又話突然有D人唔得,得5個人黎,頂你呀!玩野咩?之後阿佬HUM HUM聲幫佢搵多左兩個,去到荔景等埋阿晨就一齊上去打波,頂你呀,去到又無啦啦話夠人,攪到我地果邊有9個人,咁點呢?結果我地果邊D人要輪住過去,其實我都唔想,不過真係無法,如果我地9個人,D人都有排等,鬼叫對面又話唔夠人咩?正一麻鬼煩!打得唔好架,可能又太累啦!之後佢地話食野,最後決定返屋企,因為聽日又要返早,諗起就辛苦!
chingtung1222 | 28th Dec 2007, 02:00 AM |
一般 | (12 Reads)
今日終於可以休息下,其實唔係好累,不過日日對住咁悶既工作,如果再唔休息下我驚我會好快厭倦,而家返少左其實都好既,起碼對少D,新鮮感相信都會多D,放假有咩做呢?答案係無既!其實可以有咩做呢?基本上今日我都係特登想OFF,真係好想休息下,反正今日都已經完全公眾假期,所以休息一下都好正常呀!想早D訓,不過最後都係掛住上網?其實上網做咩呢?自己都唔知,可能實在太寂寞,又或者想搵D野寄託下啦!
chingtung1222 | 27th Dec 2007, 01:52 AM |
一般 | (11 Reads)
今日仲有午夜場,返15:30-25 6C,雖然聽日唔係假期,佢有既我當然繼續返夜啦,日日過住D日夜癲倒既時間,唔係唔好既,不過好似一日時間咁就無左,不過係自己揀既,所以無得怨,唔返工留0係屋企咪一樣無野做,咁不如搵多D $啦!呢個就係我返工既動力!
chingtung1222 | 26th Dec 2007, 01:50 AM |
一般 | (14 Reads)
今日好少少,可以落返BO,不過就無左個ALLOWANCE!算啦!準時收工都唔係唔好既!今日返15:30-24:30,一直都有D人排下隊,不過都好快清完,一D挑戰性都無,落BO坐下都好既,轉換下環境我諗自己都會輕鬆D,當中有D客係孤寒既,不過成$65張飛,我都覺得唔抵,有D家長睇得出0係度呃細路!又話等埋阿爸先黎買,不過小朋友都唔係笨!佢話可以買定先,不過家長就當然好多藉口推三推四啦!今日條數好準,可以好準時收工,好耐都無試過咁準時!
chingtung1222 | 25th Dec 2007, 01:49 AM |
一般 | (11 Reads)
今日係平安夜,返17:30-27 6C,唔知點解今年既聖誕節好似無上年咁忙?定係所有野加左價,所以買野食既人唔多?定係已經慣左多人既情況?所有野都做慣做熟!年年都係咁過!不同既係今年可以幫倒我既人已經唔太多,上年都有幾個收夜而又幫倒手既人,今年收夜既,想搵個識CB既好似好難咁,所有野都要自己攪掂!另外,由於有個新既魔幻羅盤餐,個杯蓋非常之難蓋!入子夜場果陣,好鬼多人買呢個餐,出面得兩個FLOOR,阿麟入左去散院,本來自己一個都攪得掂,但突然黎幾個呢D餐,我隻手就得一對,根本D蓋就蓋唔落,好難頂,所以我都叫哂救命,即刻叫出去叫阿哥打落寫字樓叫佢搵MAY MAY上黎幫手,點知電話竟然唔通!咁我可以點?唯有自黎頂住啦,最後樣衰到要MARK單去送汽水,想死?竟然可以無欴幫手,幾咁無助,真係一年不如一年!
