4年一次先有既2月29,其實係咪同奧運年一樣呢?今日返左教院坐的士,因為有本書比人追還,所以今日一定要返去,真係麻鬼煩,所以就要返教院坐的士,是但啦!今日終於去返二年班,同一年班一樣,一定都有禮物既,一定唔可以偏心,琴日係朱古力餅,今日係蝦條,全部都係0係泰國買返黎既!今次班2年級有D同學已經無補,多左個新同學,曳果D都係繼續曳,做功課最快既都係果幾個!其實二年級真係勞氣過一年級,我遲D都要學下點樣可以控制佢地,放呢邊工就返戲院,趕頭趕命為個下午茶,真係慘,今日都係返夜!返19-22:15 3F,本來話叫我返MID既,其實係我報左更,不過我唔記得左今日要去補習班,所以而家比左個爛更我返,是但啦!今日又有個新人返工,不過佢唔多出聲,又係阿麟TRAIN佢END,遲D又話自己TRAIN過幾多人收END,呢D已經聽過N咁多次,好很煩!準時收工,今返屋企好過!

好耐都無見過班學生,有D掛住班學生,我諗都有成3個星期有多啦!今日無坐的士,自己坐車去沙頭角,差D又遲到,帶左D野食比佢地,今日補開既二年班比人搶左,變左我要教一年班,其實都無咩所謂,不過覺得有D突然姐,算啦!班一年班都好鍾意我既!都係同佢地講話做哂功課先有禮物,一個二個成日出黎問係咩?都話有禮物時永遠係英雄,但佢地有D人既功課係做唔完既,但我對佢地都唔會太高要求,始終佢地都係得7歲左右,所以禮物一定係人人有份,永不落空,個半鐘其實好快過,好快就放學,佢放學我都放學,之後就返屋企,咩地方都唔去!

死啦!咁耐無打日記,咩都唔記得添!今個星期唔駛返學,學校READING WEEK,今日要去練波,地點係鄧肇堅,今日SIMPAON都係無黎,所以今日既練波都係由我負責,咁岩阿佬都係無黎既,SET波既重任由LEO負責,今日阿晨帶左兩個小朋友黎,兩個都係話大搥,一個16一個19,一個矮我少少,一個同LEO差不多,手腕好好呀,不過有一個係阿鏗D學生,對個小朋友無咩野,但就聽倒阿鏗個名就唔知點咁,今日自己都無咩點練,都係同佢地練多,自己都唔係好想郁,所以都無咩點練過自己,都無買手咩信比大家!多謝志遠封利是,練完波就乖乖地返屋企訓覺!

今個星期係READING WEEK,但今日都要返學,因為要上GE,而且今日仲要PRESENTATION!我咩都唔知,所以今日一定要早D起身,返去同系草,豪仔佢地傾下點講,最後我發覺自己0係堂上係咩都唔駛講,到上堂時真係咩都無講,由佢地講哂,之後到一組女仔講,.呢組3個女仔係全班都覺得乞人憎,佢地講既題目係同上年某個GE好相似,豪仔話讀過,直情係抄,離哂譜,唔問佢問題都唔得,我問佢時佢又問返我,真係得架啦,我咪話而家係你答我唔係你問我,落堂之後趕住坐校巴出旺角,約左阿豬一齊去TST,去左老麥食野之後就上去公司春茗,今年同前幾年唔同,酒樓唔同左,不過我覺差左,因為無咁多麻雀台比我地,好采我一早約左貞姐同ANGIE佢地,如果唔係未必有台,打左8圈左右,21:30開席,早左好多,唔同哂,輸左$80左右,是但啦!今晚JAN同另一個青衣男CE做MC,今年又中埋哂D細獎,得$100,當無輸過麻雀囉!仲要係死人RAYMOND比我,真係唔想囉!不過無謂同$鬥氣!所以都要拿,最後影大合照又要佢份,即刻西面,之後佢地D同事唔知留0係度影咩,所以我決定走先,慢慢行返去紅磡坐車,香港夜景真係幾靚!

今日係泰國之旅既最後一日,真係有D唔捨得!同琴日一樣,同SANDRA,大隻妙落去食早餐,都係食返琴日果D野,仲有D係比阿差食既野,食左少少,麻麻地,KA MAN同BB去左DAY MARKET,而我地食完CHECK OUT之後就決定去喪買野,第一站係同佢地去SIAM買BRA,由於大隻妙身材實在太好,所以根本無佢SIZE,反而SANDRA就搵倒,原來泰國BRA既SIZE同香港既SIZE係唔同,可能泰國人既身材無香港人咁好啦,之後繼續過去百貨公司公司掃貨,我買左兩個好似飲品包裝既MEMO紙,諗住送比人,之後去左食雪糕,點解泰國D雪糕可以咁好食又咁平,真係正,香港一定無,3大個球都係$12,抵到爛!之後諗住等埋佢地兩個去買蝴蝶袋,點知佢地已經去左,我都有D收穫,買左幾個,諗住送比老娘,大隻妙,JANE同ANGIE!自己唔會岩,因為係女裝!哈......不過又真係幾平既,之後再去超級市場掃貨,咩都買D返香港,買左好多零食諗住送比學生同同學,連朱古力奶都有買,又買腸仔,好多野呀!不過最多都唔係我,最後我仲要用左兩個紙皮箱先裝倒,可想而知係幾多,之後坐的士返酒店,我地租去機場架VAN已經到左,大家拿住一袋二袋上車,我地坐18:15班機,所以16:30就要去到機場,CHECK IN交關又多人到嘔!攪到我地0係機場食野都趕頭趕命,最後仲有D泰幣用唔哂!所以又0係機場買野,我過關時比人收左支泰式辣醬,激死,仲特登買左D炸雞返香港,點知支辣醬比人收左,過完關之後先發現原來我地係最後5個新機,仲要係LAST CALL,真係樣衰!真係要同曼谷黎個告別,好好玩,好多野買而且都幾適合香港人呀,D野又好味,好正,上到機又影KAE相,返到香港得15度,好凍,差成10幾度,想死,一落機就即刻著衫,我一個喼去最後係4袋野返,差D拿唔倒,總叫滿載而歸,好開心,再坐A12返屋企,又返到黎我熟悉既家,總括今次旅行,我發現一樣野,就係做朋友既,真係會相見好同住難,我同BB已經係一個例子,因為大家既生活習慣實在太唔同,例如佢沖涼實在太耐,又或者佢好多野都係會方便自己為先,呢D野唔係一齊住過,我相信係唔會知既!

 (閱讀全文)

今日都係9:00左右起身,之後就落酒店食早餐KA MAN今日唔太舒服,唔知係咪琴晚D街邊野污糟定係點佢話有D想嘔!希望佢無事啦!今日酒店D早餐雖然多選擇,但反而無芭堤雅果間咁好食,可能D野無咁新鮮啦!不過當然免費既就勁食啦!因為酒店包埋既,食完之後就上房執野再坐BTS去MO CHIT,之後又坐地鐵去一個叫"窄道擇"既DAY MARKET,泰國地鐵無咩人坐,而且用一個類似籌碼既野黎當車票,幾得意,呢個市場仲要係星期6同日先開,勁多人,而且好多野賣,好大好大,行左入去出返黎之後一定搵唔返之前想睇既店鋪,因為佢地D街實在太似啦!咩都一樣,賣既野又差不多,KA MAN行行下話唔舒服所以想返酒店,我見BB又唔太鍾意行街所以叫佢陪KA MAN返酒店先,之後我地3個繼續行!攪笑地我同SANDRA 0係一間店鋪入面比人認錯做售貨員,仲要唔止一個人,我地個樣真係咁似泰國人咩?同埋我發覺係講唔倒價,可能我地唔夠狠啦!不過算啦,我地已經覺得好平!之後我地去左買野飲,買完之後突然有一個鬼佬話要同SANDRA杯野影相,點知原來個鬼佬話叫SANDRA一路飲一路影!哈..好得意!原來個鬼佬係瑞士雜誌記者,同行仲有一個鬼妹,鬼佬話會將SANDRA張相登上去報紙,原來佢地做緊一個專欄,題目係用1000泰幣可以點用?而鬼妹身上所著同所買既就係1000泰幣0係呢個市場既收穫,真係好勁,之後我地都有同佢影相同傾左幾句,好開心!不過唔記得問佢地拿E-MAIL,KEEP CONTACT拿番D相都好呀!我買左個民族袋比ANGIE,又貫左幾件TEE比自己,都叫有D收穫!之後我地再去SIAM既超級市場買野,好開心,因為D野實在太平,諗住聽日再買,因為聽日先上機!我地買左D野先,之後有個新嘗試,就係我地坐一架類似電單車,但後面有3個位既的士,當地人叫篤篤,而且側邊係開蓬既!嘩,真係好刺激,不過就係咁食塵,個司機都好NICE,不斷同我地講野,0係短短既車程入面,真係好刺激又好玩,返到酒店,KA MAN都好似無咩好轉,本來諗住上觀光塔果邊食自助餐不過最後決定去附近食,食完再上觀光塔!去左一間食意大利野既餐廳,間餐廳本書話入面有個肥媽大廚,而且晚晚菜式都唔同,全部由佢發版,入到去唔太多人,個MENU全部英文,今個呢?#92;係正宗意大利菜,我地叫左兩個PIZZU同一份餐好多野都未食過,好新奇,但就真係好好味,食到好飽好滿足,個PIZZA上面仲有兩隻蛋,好得意,我諗呢餐0係香港每人無300-400都唔駛旨意有得食,但呢度只係每人$132.5,抵到呢.......真係唔敢相信咁平,平得恐怖!哈.......最後我地仲搵倒肥媽同老細影相,相信佢地係兩母子!之後返酒店同埋KA MAN一齊過觀光塔,我同大隻妙又坐篤篤過去,好好玩,0係櫻下行左一陣,我買左個運動袋,應該可以岩我打波時用,$50,幾抵,之後我地上左69樓觀光塔,唔駛入場費,唔錯,夜景真係好靚,但由於反光所以影D相唔太清楚,又識倒人,今次識倒來自印度既3個女仔,今次又比人話我似印度明星,好攪笑,臨走時我地又坐篤篤返去,今次一定要講價,貴左成倍,最後都講到合理水平,今次BB同KA MAN都有坐,我地驚KA MAN唔舒服會嘔咋,最後返到酒店想搵果兩個司機影相,開頭都話好,最後竟然一支箭走左,最無禮貌都係佢地,總結今日遇到好多奇人奇事,好快就到最後一日,今晚大隻妙,SANDRA同BB掉左房,因為BB同KA MAN話聽日自己佢地再去DAY MARKET,我地就兵分兩路啦!聽日要走啦,真係有D唔捨得!

今日8點左右就比大隻妙打黎嘈醒,不過都係時候去食個早餐刷完牙過去搵佢點知佢話早左一個鐘打比我,算啦,本來諗住落去游水,但個泳池又無太陽照入黎,最後都係無去,之後就同大隻妙落去食個早餐先,SANDRA佢地就遲D落黎,個早餐都唔錯呀,D野都好新鮮,雖然唔算好多野食,D味道都唔錯,之後SANDRA同BB都落左黎,KA MAN就無黎,因為我地得4張早餐券,所以始終有一個無得食,食完之後都要準備上去執野,我地BOOK架VAN11:30就會黎,臨走前又去同D STAFF影相,咩都影一餐之後又坐成2個鐘車去曼谷,今日架車同琴日架車唔同左,大家又0係架車度訓左,去到曼谷同芭堤雅真係好唔同,繁榮好多,當然人都多好多啦!首先都係去左酒店拿房先,門面比芭堤雅果間大好多,好似好靚咁,我地住個區域叫NANA,附近都好多人,一上間酒店已經覺得好舊,而且好黑,好采入到間房又無咩野,但個廁所就真係好黑,好唔鍾意,唔知點咁,同芭堤雅果間比較簡直差好遠,不過一分錢一分貨,呢間4百幾一晚,果間7百幾,係唔同D既,我諗呢間都起碼有20-30年,可能仲老過我,而芭堤雅果間就好似起左一年唔夠,自然差得遠啦,仲要係用鎖匙黎開門,可想而知係幾舊!放低D野之後就出左去搵野食,我地去坐架空火車,當地叫BTS,去買左張類似8達通既飛,之後我地就坐左一個站去搵野食,BTS係由3架列車組成,有D似地鐵,但就成條線都係架空既!之後我地去到一間食魚蛋粉既店,間店裝修真係唔太得,不過坐落D野又幾好食,而且杯龍眼冰幾好飲,最緊要又係平,同埋個老闆娘係中國人,老闆就係泰國MIX中國,所以佢個仔都唔似泰國人,不過就似中國人識講泰文,好攪笑!最後個老闆可能見我地係香港人所以比多碗辣野我地食,真係多謝佢食完之後我地陪大隻妙去搵一間轉賣韓國明星野既店舖,行左成幾個字先搵倒,我地又見倒百貨公司入面有好假女人,今次仲好似係男扮女裝咁,嚇死人!去到間店舖入面又唔覺有咩特別,而且仲要幾貴,所以最後大隻妙係咩都無買,泰國D的士好得意,好多唔同顏色,有橙,紫,綠,黃,好COLOURFUL!好SHARP!之後我地就去買芒果糯米飯,個芒果超大,而我果份個芒果係無核,食極都食唔哂,返左酒店坐一陣就決定過隔離做SPA,我都係第一次做咋!見唔係好貴就試下啦!一入到去原來要浸腳先,我幾驚佢會腳底按摩,我做一個係上身按摩,浸完腳之後就上房,原來要換衫,仲要著條佢地比既小底褲!哈...真尷尬,之後訓底放左個屁,笑死,個技師仲打我PAT PAT,不過佢只係開玩笑!其實佢按摩都幾大力,用油加手背不斷按我D筋,所以有D位都叫佢細力D,之後按頭好舒服,再加幾下泰式佢對腳頂住我條腰將我變做拱橋,好犀利,又攪到我D關節啪啪聲,勁呀!之後比左D貼士,都值得既,之後等埋大隻妙佢地又一齊坐BTS過SIAM,一落車又買野食,買PENCAKE,香港賣成廿幾,呢度賣幾蚊,而且賣相同味道一D都唔差,之後就去左行一陣商場,之後就去搵海南雞飯食,裝修差但好味,而且有支綠水既FANTA,有D似CREAM SODA!7蚊一碟飯好抵,不過就細碟D,食完我地又去掃街,勁買野食,好正,又買串燒又買蛋炒飯,買左好多宵夜,坐BTS返去果陣,咁岩坐我地隔離有個幾靚仔既鬼仔!KA MAN佢隔離,大隻妙坐我地對面,其實我地扮野影相,根本就係影個鬼仔,之後個鬼仔可能發現左,不過?#92;又無咩野喎,仲好大方咁同KA MAN YEAH住黎影相,真係好KAE,哈.......返到酒店樓下間SUPERMARKET又買野食,真係喪食呀,之後返房沖完涼又再喪食,酒店部電視花到不得了,都唔知睇雪花定睇電視,把鬼!哈.........攪到成2:00先訓!