今日決定0係屋企大昏迷!本來JUDY果邊有波打,我同阿佬都決定唔去啦!SEND左個SMS比佢就算啦!因為琴日打完波,今日都好累啦!決定咩都唔做,好好0係屋企訓一覺好過!今日都有諗番點解會輸波?SIMPSON話唔關我事,因為大家都係一隊波,其實係自己心理質素唔好,又唔敢落手,所以TIP左落網,下次一定唔可以犯同樣錯誤,或者對我黎講,"咩"起隊波實在太大壓力,攻擊重任就交比其他隊員啦!我只係做佢地既滑輪就OK啦!
chingtung1222 | 30th Mar 2008, 15:12 PM |
一般 | (24 Reads)
要打錦標賽啦!第一次以毅鋒排球隊既名義出去,亦係SIMPSON自曉青之後再一次帶卵地出去比賽,其實得返我同阿佬兩個舊球員,其他人都係SIMPSON第一次帶既!今日5:00 0係花墟打,對手係天箭,其實我未聽過,但LEO佢地話好似都OK,不過我真係唔知,講真我就真係無咩諗過會贏,自知球隊實力有限!抱住平常心就算啦,去到熱身,我地個場既前一隊波無黎,所以我地可以準時開波,又見倒DAVID,不過我真係唔想采佢,所以我都係敷衍下佢就算!準時5點開波,第一局好明顯大家都未入局,不過開局反而打得唔錯!MILCO開左4球波!當然我地無把握個領先優勢!好快就比人追返!大家根本就打得唔好,打得太少街場,所以真係唔係好慣!而我起手既機會都唔多,好似失左一球,好快就打完第一局,25:18/19,唔太記得,之後第2局,開局打得好差,比人拖開左幾分黎打,SIMPSON一直都話要士氣,仲話要我叫返起大家,一定要叫!一定要大聲,無啦啦仲做埋副隊長!SIMPSON仲叫我走去問球証D問題球!自己都未攪掂自己,仲要我顧咁多野?真 係有D壓力,猛0係4號位比人追住開波,LEO已經幫左我好多!已經好好!佢打比賽會幫我接多D一傳!我都唔駛顧咁多野!但好多野都避唔倒!算啦!之後第二局中局大家都好似打起左,由落後幾分都反超前!最後仲贏返25:23,打得OK,眼見有機會贏!大家個心都開始紅左,第3局仲領先3分打,不過0係13:11時,我又陰波落網,志遠守失左兩球,ERIC又開失波!所以最後輸左14:16,當然有D失望,自己覺得自己表現好差!一傳唔好,心理質素又唔好,所以SIMPSON換我出去係好既,我都覺得當時係需要出場冷靜一下,之後大家講番場比賽,SIMPSON點名批評左我同MILCO,佢都講得好岩,我今日都唔知自己想點?一傳唔好,攻擊又唔敢打!咩都做唔倒,佢叫我清楚自己0係球隊既工作,佢希望我係可以接一傳!今日我一傳一D都唔穩,所以打得唔好,我話自己壓力太大,所以打得唔好,一打一定有4隻手對住我,好難打,我,我覺得自己一定要克服,如果唔係以後唔知點打?佢話我地今日都打得唔差!有機會贏已經好好,不過當然對手唔係強啦!總括黎講,佢話滿意我地表現!之後食少少野就過楊屋道打FRIENDLY,今日又係約左朗月黎打,狀態繼續低迷,打番中間都係唔太好,感覺自己好似有D力不從心咁,算啦,可能有D累,要抖抖,今次比賽之後,我起碼清楚自己0係球隊既位置係接一傳,其他野我都唔太想諗,首先希望可以練好一傳先,發覺自己同俄羅斯既PLANIKOVA或者周蘇紅差不多,都係要保証一傳先,不過耐唔耐都要打一球,但攻擊都係其次,所以我首要任務都係接一傳先,做好攻勢比其他隊友好過!
chingtung1222 | 29th Mar 2008, 14:51 PM |
一般 | (17 Reads)
今日係咁訓,訓到夠鐘就過荔景同隊友們食野,8下JOSEPH D野,佢唔知我地無報佢比賽,而TPU果邊都無報佢,其實之前都已經問過佢點?不過佢又婆婆媽媽咁,同埋我地話過佢知唔報佢,可能佢又唔記得,或者言語上有D誤會啦!唔理啦!今日練9-11,SIMPSON有黎,佢點都要黎啦!因為聽日要打錦標賽,係毅鋒組隊第一次出去比賽,所以今晚都係練攻擊為主,自己攻擊一向唔係最好,得分把握亦唔高,因為力量唔夠,唯有希望0係其他方面下苦功,不過希望還希望,做唔做倒亦係另一件事,練完之後亦可以話決定正選果6個,0係無人既情況下,同埋我地只係報左8個,包括自由人,所以只係得一個後備,基本上我一定有得打正選!所完全無競爭,打波果陣無啦啦又改左開波位!攪到我地完全唔識走,加上大搥無啦啦又話要打7,完全改哂!不過SIMPSON就係咁,無啦啦話改就改,真係有D玩死,練完之後BRIEFING,聽得出其實佢都想我地贏,打比賽邊個唔想贏,不過始終我地能力有限,有太多不足之處!所以一定要打得超水準先有機會贏!總之聽日大家盡力啦!
chingtung1222 | 28th Mar 2008, 14:43 PM |
一般 | (17 Reads)
今日特登要掉更,因為唔想對住BB,同阿石掉左,唔想同BB講任何一句說話,反正我講咩都唔岩,所以我決定咩都唔講,落BO仲好,可以坐成9個半鐘,本來返13-22:30 6F,我就落左BO,阿石又話無咩所謂,我落去仲好啦!今日阿邦都有問過我咩事,佢以為我唔舒服,係唔係真就只有佢自己先知,我咪話唔想泊住D唔想見倒既人,佢問邊個,話唔爭在就埋我,我都唔想比佢覺得我麻煩,所以無話邊個,叫佢唔駛就我,可能佢想CHOP我講野卦,咩都好啦,估倒你就估啦!其實估倒都唔奇,總之你地知道就算,唔好問我咩事!放工後約左阿禮去佐敦食野,食野吹水就返屋企!
chingtung1222 | 27th Mar 2008, 14:41 PM |
一般 | (15 Reads)
今日放假,又無返教院練波,JOIN左JODON果邊去林士德打FRIENDLY MATCH,大部分人都未見過,可以話全新既,不過我一睇佢地猜波已經知佢地咩料,但又唔可以做到出面!始終第一次去唔係咁好,要我做SETTER,可想而知人地既質素係一般+麻麻,當然我又唔可以出咁多聲啦!但有時又會講左D叫佢地快D,同埋對面有幾多個攻擊球員咁啦!打完之後JODON都話其實同我既想法一樣,不過我始終第一次去唔太方便!食完之後就返屋企,我發覺打波可以睇倒好多野!包括對一個人既印象,經過呢次之後原來我發現左更多!
chingtung1222 | 26th Mar 2008, 14:40 PM |
一般 | (14 Reads)
今日本來返14:45-23 3C,都唔明點解今日要返咁早,都已經過左紅日啦!一D都唔旺啦!返咁早托咩?所以今日去左睇醫生先返工!因為D藥已經食哂,醫生仲話我食得耐添!其實係我無跟吹指示去食姐,邊關事?打左返去話遲返,其實我都唔係有病,但返到去就個個以為我有病,所以睇醫生,我已經好清楚咁講左話覆診,不過都可以歪曲左既,真係唔知點解?算啦!結果今日就返19-23 3C,好靜!準時收工過上環
JOIN JODON,食左少少野,之後吹左一陣水就返屋企啦!
chingtung1222 | 25th Mar 2008, 14:39 PM |
一般 | (13 Reads)
今日係復活節假期最後一日,我都係要返工既!今日返13-22:30 BO,好呀!起碼唔駛對住D唔想見到既人,我真係憎BB,仲係幾憎果隻,有一種感覺就係覺得我已經受夠啦!為呢個朋友為得太多,我唔想再係咁,而家有一種解脫既感覺!總之而家咩都唔想理!唔想再理呢個話當我係朋友既人!
