琴晚又留0係宿舍訓,因為今日要上英文堂,今日已經係尾2果堂啦,我地個超好人TUTOR LYNN好似話教埋今個SEM就唔教,雖然唔係好多野學倒,相信對我超差既英文亦無咩幫助,但因為佢實在太好人,所以真係有D唔捨得,上個SEM已經同佢食左一次飯,所以今個SEM都要,大家都一致贊成,真係好,不過都要係安排,之後上DIGITAL GAMES,上下網咁,呢堂真係唔知學過D咩?想請人幫手做,最多比$,之後又要返工,今日返18:15-22:30,正呀,得個坐字,而且今日柴犬首映,有GIGI黎,都想睇下,仲有好多不知名既奀星,行完一次又一次黎博影相,睇黎而家娛樂圈真係幾殘,有樣未必得,仲要識得點博出位,有D人真係未見過就話係明星,可能我見識實在太少,首映之後就靜到嘔,有D人只係黎睇熱鬧,真係得閒,夜晚埋完數之後就收工走人.
chingtung1222 | 29th Apr 2008, 17:51 PM |
一般 | (7 Reads)
放假,唔駛返工,0係屋企等練波,今日SIMPSON都有黎,佢終於都返,不過我地即刻辛苦左好多,佢有一個環節係將個波周圍拋3分鐘,真係跑到氣都咳,太耐無試過咁辛苦,之前練波自己練就一定唔會咁辛苦,所以佢一黎大家就會走到上氣唔接下氣,好慘!當然包括我在內啦!有D隊員練波HAE左,SIMPSON都有講出黎!所以我會0係球隊個BLOG打出黎!練完返屋企又一日!
chingtung1222 | 28th Apr 2008, 17:50 PM |
一般 | (11 Reads)
又要洗機,不過係6F,我以後都唔會洗3F部機,我撻疤痕到而家都未退哂,過份,今日返13:15-22:30 6F,好鬼悶,討厭做FLOOR!收工上左阿禮屋企,今晚上左佢屋企傾天光,無咩訓過咁又一日!
chingtung1222 | 27th Apr 2008, 17:49 PM |
一般 | (8 Reads)
今日又要返工啦!又係返8:30-18:30 3C,好悶既一日,都唔知有咩可以做.成日都係咁行行企企,等收工,夜晚又去打波!今次0係網上面叫左班人返黎,不過開頭佢地D人又未齊,所以借左我過去打,今日都唔算打得好激烈,而且對面唔係好強,打完之後食野就返歸!
chingtung1222 | 26th Apr 2008, 18:08 PM |
一般 | (12 Reads)
今日已經唔駛返學,太好啦!不過由於太耐無打過個BLOG,所以我已經咩都唔記得?根本就無咩野可以打,所以今日係無野睇既!
chingtung1222 | 25th Apr 2008, 17:51 PM |
一般 | (15 Reads)
又要晨早起身返去開會,有少少覺得拿苦黎辛!不過既然選擇左上庄就要做好D,今日開會終於有個議程,鬼咩,之前我同KA YEE一齊打既,我覺得開會應該要有返D過程,如果唔係開極都開唔完!都係講下O CAMP D野!希望我地可以攪得成,唔好所有野都係過份理想化就得!之後我同阿寅去左學生會搵財政,問下佢點解批得咁少$比我地,個財政係內地生,都已經識講廣東話,佢解釋完之後我都覺得佢講得幾岩!所以我都決定唔同佢嘈!覺得都合理既!之後就出去補習,今日又係補兩個半鐘,好累!一定要發火班學生先識,今次我仲要坐0係佢地條走廊黎防止佢地出位,仲要佢地GROUP埋一齊坐先可以控制佢地!真係少D心機都唔得!夜晚又要返工19-23 3C,好疲憊既一日!
chingtung1222 | 24th Apr 2008, 17:50 PM |
一般 | (11 Reads)
今日要特登返教院做個SCHOOL VISIT PRESENTATION,我遲左10分鐘,又比人問點解,咪話遠囉,呢個係事實,其他人遲又唔見佢問,算數,都係抽籤黎決定邊組,好采我地兩組都抽唔中!所以我去到只係坐!咩都唔駛做!等放學,夜晚本來要返,但約左MISS LEUNG同小文一齊食飯,之前有個電話打黎話我之前做過份問卷調查,所以有份船飛禮物送比我!所以我要去旺角拿!好快去拿,其實都知道係保險,係AIA,比佢捉住我講左一陣!我知我唔會改變,叫我每個月比500買基金,我邊有多餘$?唔好煩我,之後話要我比信用卡佢幫我HOLD住個PLAN,即刻話唔比!比左16個數字你做咩都得,一定唔可以!咪當我傻,我咪話如果我需要既再比電話你啦!之後即刻打比ERIC問佢,佢話要買都幫佢買啦!我真係無咩興趣!總之暫時我都未需要住,到我出黎做野先算啦!之後上去JOIN MS LEUNG同小文吹水食飯,MS LEUNG唔再教書啦!會轉做保險而小文就繼續做採購!聽佢地講婉雯去左做空姐,其實有D出奇,因為佢年紀應該唔細,所以我覺得咁都請都覺得有D出奇,都係講下大家近況同工作既野!食完之後就返屋企啦!
