chingtung1222 | 31st Aug 2008, 02:47 AM |
一般 | (20 Reads)
今日唔知咩事幾十個電話打黎,不過我一律唔聽,唔好阻我訓覺,當中有d知道哂佢打黎既目的,唔好煩我住唔該,我而家只想訓覺,之後早左少少起身出去買泳褲,其實想買好耐,,不過一直都搵唔倒,今日終於比我0係朗豪坊搵倒條arena,仲要得番一條大碼,不過試過又好似岩身,所以是但啦!咁又無左二百幾,一出糧又要周圍還$比人,好慘,仲要買野你話死唔死?之後返工,16-24:30 bo,無左個end,比左eric,是但啦,見佢咁熟無咩所謂,反正都未必會係我既!今日好操,3d戲由於d眼鏡要爛既爛,要唔見既唔見,所以block左5行,而家淨返180個位左右,想賣都無,玩死,好野!夜晚同eric吹下水,想吹多d都唔得,成日有客過黎,放工edwin打黎,傾左一陣又嘈交,佢話我講野好串,其實我一向都係咁,我越熟既人講野就會越唔客氣,越表現真我,可能我既真我就係佢覺得乞人憎既一面,叫我講野要圓滑d,點解?唔通見倒唔岩既野都唔出聲,我對其他人會圓滑,但如果做朋友下下都要就住就住,呢個就唔係我,我之前都講過我會覺得自己係一個幾難頂既人,脾氣唔好,講野直,我都覺得有d人頂得順我已經好好,又話我講野有d狗眼看人低,我從來無咁對佢,又話我拋書包講英文,根本我真係講笑,如果我睇佢唔起根本就唔會因為之前幾日可以撞返個朋友而開心,又話要大過我要教訓我,多餘,我有咩值得比你教訓?又話公司d人唔會服我,我唔理,總知我做好自己野,而我亦盡量唔會比其他人抽我後腳,要講我既唔好比我聽倒,如果無憑證而話我既我一定反抗,佢同bb一樣,永遠只睇倒我衰既一面,我對人好無人知,算啦!都已經慣,我唔會改我呢d性格,我係咁串,或者大家根本接受唔倒呢種相處方法,咁不如連朋友都唔好做!
chingtung1222 | 30th Aug 2008, 03:05 AM |
一般 | (71 Reads)
今日諗做gym,又係得個諗字,之後起身幫老娘去醫院拿藥,見到賤人架車,其實都唔太肯定,不過一睇個英文名就知,因為完全係一個諷刺,但見完都無咩太大感覺,真係好,之後又返工,16:45-25 3c,今日都仲有d人睇下,不過暑假都好快完,我都係時候要返學,夜晚都係咁做啦,都係自己一個人攪,有時都會有d同事黎幫下手既,夜晚出面d floor其實好嘈,講野真係好大聲,好想鬧佢地叫佢地細聲d,但最後都係無咁做,多一事不如少一事啦,唔好煩,咁又一日!
chingtung1222 | 29th Aug 2008, 02:15 AM |
一般 | (49 Reads)
今日本來話黎整冷氣機塊板,不過最後只係黎睇又無整,仲好,唔好阻住我訓覺,之後訓到12:35左右就去泳池游水同曬太陽,個locker條key又壞壞地,真好采,要叫人黎幫我開,今日無想像中咁多人,不過真係好熱,有d頂唔順,如果大埔唔係咁遠,我一定返大埔,因為真係好好多,訓0係泳邊耐唔耐有d水花飛過黎,而家只係訓0係沙灘椅真係好熱,d汗不停係咁流,我都唔係好覺今日曬黑左,不過琴日打沙排時整損左膝頭,而家都好似有d發炎,因為好似有濃咁,好核突,曬完之後要買d黃藥水同膠布攪攪佢,之後就出左去同eddie食飯吹水,仲睇左隻<兇宅兒魂>,一d都唔恐怖,而且唔太明個故事,可能有d眼訓卦,睇完之後返屋企又一日!
chingtung1222 | 28th Aug 2008, 03:23 AM |
一般 | (62 Reads)
今日約左科soc班組仔女去石澳bbq,其實今日真係好熱,所以唔係好想去,仲要對住個咁熱既爐,真係想死!我同feel,eric,阿雜佢地去左惠康買野先,之後nick,peggy,winny佢地都黎到,咁我地買完野食就坐巴士去石澳,今日比想像中多人,我地去唔駛$既爐係完全無位,之後去左租,都唔算好貴,而且又包埋透爐,之後lin後join,我地就出左去猜波,不過佢地有d人唔識打,所以都有d悶,猜左一陣又食野,真係好熱,熱到唔太想食,之後佢地有d人話落水,我就真係無咩興趣,因為我覺得有d污糟,我同阿雜都無落去留0係度吹水,佢地仲想掉我落水,好采最後都無,之後有個女仔走過黎話一齊打,知道佢得,不過打波ok,而且幾靚女,幾得意,突然覺得自己好老,最後燒到成22:00先走,咁又完左一日,夜晚同阿佬傾過,佢叫我練波比番個心出黎,覺得我有d放棄,其實佢都講得岩,我的確係有少少,例如覺得如果唔報我比賽都覺得無咩所謂,而且阿豪打倒後2既話,我的確更加無位企,打自由人leo的確好過我,我實在無咩優勢可言,不過阿佬提出我應該去打中間,不過我又覺得自己無咩好,彈跳,滯空,身高,力量都唔好,唯一好d就係守波,我覺得自己好難0係出面打,所以都係遲d先啦!比我打埋個工商杯先算!
chingtung1222 | 27th Aug 2008, 02:27 AM |
一般 | (47 Reads)
今日又返工,又book左gym而無去,想點?成日都係咁,已經第3次啦!較左鬧鐘都唔起身,又訓到返工,今日返15:15-23 3c,阿豬今日last day,有d唔捨得,話哂咁多年同事,d舊人走左好多,好似得返我一個咁,而家d人好細個,全部都20歲左右,細我成5-6年,已經覺得自己好老,食完飯之後入場,今日塊面都幾黑,唔知咩事,仲鬧eric話佢幫我接餐!因為我真係聽唔倒個客講咩?所以西面話左佢,之後我都有叫佢上黎,問佢我係咪好衰?佢又話唔係好少事,即刻覺得自己更衰,多謝佢成日容忍我呢d咁火爆既性格,我都知自己唔好,同埋我唔鍾意boat成日攪我個draw,佢按完d制我又按,所以我叫佢唔好攪,琴日同winnie成日改埋d kae名,佢叫雪蓮我叫東起,笑左勁耐,其實真係好白痴,今日埋數順利完成,仲可以早15分鐘走,好采可以走,如果唔係都見唔倒靚野,不過見到又點?又拿唔倒!
chingtung1222 | 26th Aug 2008, 02:40 AM |
一般 | (20 Reads)
又要追更,好耐都無試過,好慘,今日返8:45-18 3c,接自己個bar,angie又無咩野,佢同我講野我一定同返佢講,佢無野我又何必有野?早場都有d人既,不過好快入完就食飯,過左大快活買返黎,食完之後又要繼續做野,好似成日都無咩停過咁,返早就係咁,成日都無停過,等等等.等收工,等henry返黎,下晝有個新同事送外賣送錯左,不過4院d位又係衰既,d梯級指示好似指錯後面果行咁,所以都唔怪得佢,要怪就怪果個無叫到野食但又要既人,鬼唔望佢肚痛,放工之後cherry同我去花園街買襪,之後等埋janette過朗豪坊買泳褲,阿禮又話sibu2樓有,行左一次無,之後行多一次都係搵唔倒,算啦!之後阿禮打黎話而家仲見倒,咁點解我會見唔倒?之後入左沙田同阿琳,kary去大排檔打邊爐,好耐無去過大排檔呢d地方,仲要係夏天去,有d熱,不過任飲任食自助餐都幾抵,而且d野都幾好食又新鮮,好過酒樓任點果d.因為成日叫左都係唔黎,不斷講下公司d是非,咁又一日,坐車時已經好累,係咁訓!
chingtung1222 | 25th Aug 2008, 01:01 AM |
一般 | (52 Reads)
鬧鐘好快又響,晚晚5:00先訓,就快死,又話有人黎整冷氣機塊板,得個講字,唔理,要返工啦!15:15-22:45 3c,又係呢個位,好悶,唔想成日做一樣既野,早d食飯叫埋winnie,點知angie又話我做咩唔話佢知winnie去食飯,話要好多人幫手散院,我咪話我叫佢食既,6f無人可以黎幫手咩?唔好癲啦!佢呢排成日都咩都要知,又成日覺得其他人對佢唔好,佢呢d老毛病真係成世都改唔倒,好左一排又衰返,仲係咁執著,如果人地唔話你知咪算囉,唔知仲好,可能佢永遠覺得自己係full time高一級咩都要知係好應份,所以我之後都唔會再同佢講野,真係好煩,夜晚同winnie吹下水,夜晚埋完數收工走人!
