今日要上8:30,又係上CLARIE果堂IE,一早講過今日要考試,其實琴晚都無咩睇過,所以今天都有D驚,做完希望會合格啦,我都唔算好識,希望問答題會好D啦,之後又要聽書,一聽又有D想訓,之後就出去PRESENT返上次畫過D野,畫D咩去代表我地既思想,都幾好玩既,如果我英文係幾好既話,返宿舍訓左一陣又要準備去沙頭角,我成年都會去5年班,呢班真係幾多野,一D又話去練田徑,一D又話做專題,算數,少D人都好既,之後有個唔係補習班既學生留左0係度,但佢又勁玩,好鍾意駁咀,我就唔同夫佢鬥,用KEITH果招,煩佢,我就罰佢坐,叫佢咩都唔駛做,只係坐0係度等放學就得啦,佢其實都無咩癮,我一於唔理佢,由得佢坐到4下夠鐘,當然佢耐唔耐都會駁下咀啦,唔理佢,補完之後又要準備今晚去富善練波,有D唔想去,一來好熱,二來唔太鍾意呢度D氣氛,永遠只有佢地自己正選既小圈子,開頭一個鐘係最辛苦,因為教練未黎,我地自己練一傳,練開波,好充實,不過教練 到我地其他人就淪為封波機器,當然我明白成龍杯就快打,好應該練正選果班多D啦,但其他人實在太過得閒,我一直覺得JACKY唔係一個好既自由人,心理質素唔好,防守一傳唔可以叫好,我一直想取代佢位置,不過又殺出一個肥仔,佢可能會好少少,但我唔覺得我會比佢地差,絕對有得爭,不過教練似乎又唔記得我都可以打自由人.算啦,所以我一直追住JACKY黎開波,佢賁在太好追,另外,KELVIN都有比教練話佢一傳唔穩,仲話有機會要L代佢,真係心都涼埋,佢一直都應該好PROUD OF 佢既一傳,而家比人話,抵死,之後BRIEFING,教練話佢一直有留意我地D人,佢話我地可以爭取做特殊作用既球員,我好想舉手,不過最後都無,之後到阿麟出黎講廢話,今年佢做隊長,同EDMOND真係差得遠,一直覺得佢係井底之蛙,眼光好窄,仲話叫我地執波執快D,又話0係入面練波已經好辛苦,又話要KEEP住士氣叫我地,仲更加辛苦,我真係好想講,咁辛苦唔好做囉,又話見倒人恰眼訓,係呀,果個就係我,不如你出黎試下執兩個鐘波睇你係咪真係咁口響?多餘,又話叫我地投入D,永遠只係佢地小圈子,我自己都有問題,可能我真係唔夠投入,但係比倒D咩人,人地都係比返D咩你,我覺得今年練波氣氛好差,無咩邊個可以帶起大家,隊長亦然,上年EDMOND都好D,今年真係好唔得,有D想唔打,如果唔係為左我鍾意既排球同啖氣,我諗我已經唔打,退出!
chingtung1222 | 29th Sep 2008, 01:19 AM |
一般 | (6 Reads)
經過琴日既排球日之後,又再回歸工作既日子,真係有D累,今日返14:30-22:45.以為自己返14:15,今日返bo,無咩野,靜靜地,夜晚同bb一齊賣飛,不過想傾計都唔得,好慘,因為得我同佢兩個賣飛,根本就講唔倒野,算啦,夜晚又返宿舍,0係屋企拿左D野返黎食,無計,無$就係咁,聽日又要返8:30,聽日要TEST,但發覺自己有D放棄態度,唔係好想睇書,一睇又眼訓.
chingtung1222 | 28th Sep 2008, 02:49 AM |
一般 | (15 Reads)
今日係馬拉松式排球日,連打3場,好耐都無試過,好采自己體力都仲OK,年紀大D都可能會頂唔順,首先第一站係城市大學,我都話我地係最勁既,不過出到去就有D高不成低不就既感覺,我地基本上0係呢度都唔會失倒一局,不過有一局都係贏DEUCE,可能係大家唔係太留心,ALEX隻腳好返D,可以出黎打,之後打到15:30左右就去下一站九龍公園,約左JOE果班打,佢地開頭唔夠人,所以叫左ANGUS過去,不過佢又唔係打得好,所以過到去比人西面,之後我過左去,我大部份一傳都到位架,所以基本上我係唔會比人西面,不過就有D辛苦我姐,比倒一傳個垃圾SETTER又SET唔倒,真係好垃圾,打完之後食左D野又未夠鐘,之後就一直行落尖沙咀,其實都好累,不過都要頂住,因為今日最強既對手終於黎,對手應該係HUMPHREY打工商杯果隊,基本上我地而家就係互相試探緊,如果出倒線好有可能對返佢地,不過都係言之過早,我地第一同第2局都係輸比佢地,第一局仲要輸好多,第2局就好D,輸幾分,之後仲連追3局,大家對住呢D對手累都唔記得左,打得唔錯,希望下星期比賽會打好D,打完之後食D野,終於過左今日,而家終於都覺得原來我真係好累!
chingtung1222 | 27th Sep 2008, 02:43 AM |
一般 | (7 Reads)
今日又要返學喇,又係返HK STUDIES,都無咩野,都係咁上堂,又係睇下相,睇下VIDEO咁,上堂就係咁,之後又上課室管理,有D眼訓,不過都要頂住,始終呢堂D野都有用既,放學之後又趕頭趕命出去返工,今日又係返19:15-25 3C,其實真係好趕好趕,好采既係今日可以趕得切,我都知唔會次次都咁好采,今日都有D忙忙地,可能多買一送一卦,D客都無咩野,無咩難攪既人,今日都算好平安咁又過左.
chingtung1222 | 26th Sep 2008, 01:41 AM |
一般 | (16 Reads)
又要上8:30-11:30,唔知點解呢堂特別眼訓,其實琴晚都已經訓左6個鐘,但唔知點解都可以咁累,佢講d野唔係無用又唔係好悶,但真係好累,好快上完堂之後真係要訓hall訓一陣,訓左一個好美滿既晏覺,真係好開心,個人都精神d,都訓左幾個鐘,而家下晏d堂未駛上,11月之後就開始要上喇,之後就無咁得閒,今日唔駛返工,所以可以約 gary食飯,不過佢要成22:00先得,無所謂啦,反正我都係留0係宿舍等,等到21:00左右,出圖書館還埋d野,再坐車出灣仔join佢,多謝佢請我食飯,0係我最唔掂既時候出手相助,不過呢排真係好窮呀,希望可以快d出糧啦!真係好手緊,食完之後就返屋企又一日!
chingtung1222 | 25th Sep 2008, 01:25 AM |
一般 | (10 Reads)
今朝一早起左身,而我就限要返學,佢就要返工!今日學校其實停課,所以都預左11:30果堂中文唔駛上,不過我都返左教院先,因為都要上assembly,真係好麻煩,之後就返左房訓一陣,訓到差不多時間就去assembly,都係講d課程既野,之後就要開科學學會同埋要準備今晚bbq o night d野,攪掂之後就坐車落火車站等埋其他gs yr1既同學仔就坐巴士入去大尾篤bbq,今日都有15-16個yr1既同學去,比預期少左,岩岩打完風其實唔係好多人,佢地d野都幾好味,而且$58一位任食一d都唔貴,佢地都有玩下遊戲,不過我又唔係好想玩,最後同peggy,豪仔,lin,nick玩左dare,好好笑,次次都係lin輸,結果佢要除個bra套住nick對眼,同走出去錫winny一啖,佢真係好大膽,燒到22:30左右我地就返ied喇,聽日又要準備上堂,睇黎有時d野都係想得太多,又開始多餘!
chingtung1222 | 24th Sep 2008, 00:50 AM |
一般 | (5 Reads)
今日無上12:30果堂科學,唔想上,只想訓覺,之後早左少少返學準備今日assessment present d野,print埋d notes出黎就準備出去present,今日自己講得非常差,自己都唔知自己講咩?一句講哂,無得解釋就係準備得唔夠,自己都無諗過點present,料就真係搵左,不過就係咁食螺絲,已經好多次,仲係咁,下年要實習都唔知點喇?之後dr yu都話我今日好緊張,其實唔係,只係自然準備得唔好,同埋我舉個example唔係太好,好采總分都有b+以上,我都唔想連累其他組員,今日打風,個風行得好快,好快已經3號,18:00已經8號,我地17:00就放左,之後返左hall,諗緊出唔出去,最後返左戲院睇<mamamia>,
都幾好睇,雖然我唔係好鍾意睇歌舞片,不過呢套都幾生活化,而且d歌都配合倒劇情同主角心情,最主要睇梅麗史翠普,自從穿prada之後覺得佢做戲真係好好,今次都唔例外,睇完之後仲有得坐mtr,不過我無返屋企,多謝adrian借我訓一晚,上佢屋企食左飯就訓喇,真係好累!
獎勵我?或者真係唔知我背後目的,但果一刻既獎勵真係好開心,好耐都無呢種感覺,唔鍾意既野都會覺得可以接受!
