chingtung1222 | 31st Mar 2009, 02:56 AM |
一般 | (9 Reads)
今日終於都肯做功課了,不過都係訓到12:00後,之後就去左獅子山公園燒烤場影相,因為我做果份課外活動功課用呢度黎做玩既地點,雖然係假既,唔會有人黎,但為求迫真,所以我決定黎影下相,扮下野,不過一黎到先知個bbq場竟然維修,成個封左,激死,變左我唔可以用燒烤爐d相,算啦,唯有上網搵,之後周圍行下,主要影下呢度d設施,例如廁所,飲水機,空地,同埋最主要影呢度有樹牌既花草樹木,份功課有個遊戲係比張相你搵個樹名,影相時d管理員都問我係咪做緊功課,開頭都搵唔倒,之後就越搵越多,都算係咁啦,今日所以無去沙頭角補習,不過聽日要交功課,所以無計啦,之後返左屋企hae左一陣,其實都唔係好想去練波,想0係屋企做功課好過,今日又打friendly,所以更加唔想去,不過最後都係去既,今日去林士德,大eric約左一班叩polar既小朋友黎打,應該大部分都係中學生,不過人地d波底應該好過哂我地,起碼又跳得,又打得,今日leo無黎,所以我要打足咁多場自由人,我自問今日已經盡左力去接一傳了,辛苦救返黎既波佢地打失真係令人沮喪既,不過打波係6個人,所以真係無計,好多野當然無leo做得咁好啦,但我已經問心無愧了,同埋救完佢地拿一分,都無咩人會留意救波既,只係留意拿分果個,算啦,通常呢d都係幕後既英雄,有d位我唔識得follow,而且有d位泊住兩個接一傳唔太好既隊友,我一失左就會成為千夫所指,好似我係唔可以失波咁,都岩既,我應該算係比較穩定果個,絕對唔係好,只係穩定,總結今日表現自己都叫滿意,起碼過左simpson果關,其他隊友都知既,但要做一個稱職既自由人,條路仲好長,今晚要通頂做功課,真係抵死!
chingtung1222 | 30th Mar 2009, 01:36 AM |
一般 | (8 Reads)
今日同琴日一樣都係諗住去影相,今日想搵日頂更,不過最後都搵唔倒,唯有自己返啦!星期2交功課了,而家仲係唔知死,真係慘,今日都係返工,15:30-23 3c,返到去都係入完場無耐就去食飯啦,基本上返bar end都係咁樣,夜晚又係自己一個人攪掂哂,做bar主既時間過得非常充實,而且無咩空檔時間比自己,因為入完尾2場又要準備洗野,又要數野,唔似得bo咁可以坐0係度等收工,是但啦,好快攪掂哂,今日早左15分鐘收工,早d返屋企準備下聽日份功課點做好過啦!
chingtung1222 | 29th Mar 2009, 01:27 AM |
一般 | (6 Reads)
今日又要返15:30-25 6c了,本來諗住早少少去影相做功課,不過當然得個諗字啦,最後都無去了,訓到夠鐘就返工,今日接winnie bar,比我發現左有d同事手腳又唔乾淨,因為我返黎時佢埋緊數,不過自己又攪唔掂,之後我又開始汶,又問佢點解,之後先知原來有同事0係draw拿$買早餐之後唔比$,而決定造數填返佢,其實咁樣真係唔太好,以後真係唔可以咁做了,我話出去話返呢個同事,佢話唔好,之後仲喊,不過我唔會可憐佢,佢喊我完全無感覺,可能一來最近佢同eric散左,自己又有d私心,二來又覺得佢身為bar主咁縱容d同事都唔岩,不過最後我都係選擇左沉默,夜晚自己一個都可以,唔太忙,好快攪掂條數之後就走人了,收工後eric打比我,好少可,因為佢同innie既事,而家佢仲係唔開心,佢話覺得自己開始唔掂,所以想打比我同我傾下,都好既,佢肯講出黎其實已經好好,而且佢肯同我講,証明我都係佢朋友,所以就算我0係屋企樓下食風都同佢傾左一陣,希望佢真係可以放得開啦!加油!
chingtung1222 | 28th Mar 2009, 01:18 AM |
一般 | (5 Reads)
今日又係最後一堂上ie,不過唔知點解我都係咁眼訓,好鬼辛苦,無咩點樣聽過書,所以真係咩都唔記得,之後去左圖書館hae左一陣,娥左phoebe傾課外活動份功課,之前都有個outline,大約都知道點做既,不過有d細節都仲要傾一傾,之後又要上science,今日都係做下實驗,教貨物條碼,即係bar code,不過最後我地果組好耐都無結果,所以就算了,之後返jc執野,再去同bonnie做interview,都係問返果d問題啦,做完之後想去gym,不過我上左275先知今日原來返18:00-24:45 bo,攪到無得做之餘仲要比多程車$,最後出左火車站,之後就準備返工了,今日唔知咩事都幾多人睇戲,可能多買一送一啦!賣左成兩個鐘先清梗d人龍,夜晚開始少返d人,好快又一日!
chingtung1222 | 27th Mar 2009, 03:11 AM |
一般 | (7 Reads)
又要連續上11個鐘頭堂,今日阿hei無上,不過我都會照上,上勞太堂其實都學倒好多野既,佢係一個幾好既tutor,因為佢有個勢,而且佢心目中有自己一套,如果我地跟足佢既就一定無得頂,佢教既野都唔係錯,所以我好樂意跟佢做,不過有idea既同學可能佢就會banned下,之後上常識教學法,又係其他同學出黎試教15分鐘,不過我實在太眼訓,有d人都無聽過,係咁訓,上完之後食tea再上英文,又要作文,好唔想上英文,不過無計,作完走得!之後又要上ie,今日終於係最後一堂,成10堂我都唔知學過d咩,最煩就係唔知點做份功課,又開始眼訓,好辛苦,夜晚同豪仔落左大中兼食飯,陪佢買下野咁,夜晚返黎joey無啦啦話0係屋入面做體能,就同佢癲下啦,今晚早d訓,太累了!
chingtung1222 | 26th Mar 2009, 03:03 AM |
一般 | (8 Reads)
今日已經係第6日sa了,好快已經過左一半,今日有s緊張,因為係我第一次同王老師協教,唔知d學生反應會點?又唔知佢地明唔明,更加唔知可唔可以控制佢地秩序,今日我上11:40,上堂之前都有去電腦室再準備下,今日又去睇左2b班既常識堂,may今日都有協教,不過我覺得佢有d野要改善,就係比學生睇d圖太細,而且講野有d細聲,所以我一定唔可以好似佢咁,自己一定要加油,好快就上6b班常識堂,有個學生坐電腦前面,所以我叫佢幫我手,我係教上半堂,比個ppt佢地睇教既課題係月球,恆星,行星同衛星,自己其實都麻麻地,不過我都有d準備既,開頭王老師都有同我一齊講,不過好似唔太好,因為我問佢又問,佢又幫手叫學生答問題,攪到好似有d重疊咁,不過之後佢都去左後面睇,比我自己自由發揮,開心既係學生比我想像中投入而且聰明,我諗住講下嫦娥故事都唔駛,因為有個學生都知知地,只係我補充番少少就得,所以引入階段我都覺得ok,不過有d野就唔記得左同佢地總結,之後到教階段,問佢地問題好多都識答,而高潮當然係叫學生出黎role play自轉同公轉,是但抽個號數,就揀幾月幾號啦,就3月25日,兩個男仔出左黎,都幾攪笑,有d學生真係有misunderstanding,佢地認為月球唔識自轉,月球又有海,希望我可以糾正佢啦!好快教完我既部分,之後就比王老師同佢地睇etv,呢個我都睇過,0係教育城有得睇,落堂之後都覺得ok,起碼無咩食螺絲,放開左黎教,返到去個課室佢地同緊個外籍老師傾計,自己英文又唔係好,所以我無傾,食完飯之後都有d6年級既同學認得我,都值得高興既,之後放學返左屋企執野之後就同kelvin吹水,夜晚又要練波,遲左少少去,今日simspon都有黎,都係練d基本野,今日氣氛都ok啦,佢地練下扣球,攔網,而我就拿下小球,接一傳,我0係隊入面應該係一個特殊作用既球員,例如開波同守3個位,是但啦,希望做好自己本份就ok啦,練完波返大埔同阿佬食左d野就返jc了,ied門口個食蕉又話要拿電話,驚死我地入去唔知做咩咁?之前都唔駛,唔明點解而家要,算數,抵佢一世做食蕉!
chingtung1222 | 25th Mar 2009, 00:55 AM |
一般 | (7 Reads)
今日返10:30-18:30,BO.好耐都無返過,我諗都有幾個月了,我真係唔係好識開佢D電腦,所以最後搵左JOE落黎攪,其實仲有D喇叭都唔識開,最後都比JOE攪掂嗮,我唔理了,開左門賣飛就算,唔理得咁多,今日一D都唔忙,好得閒,而且bo又鬼死咁多人返工,15:30左右已經有成4個同事,所以floor既同事都會打落黎話要人,不過我一定唔會上去架,咁難得先可以落黎bo坐下,幾大都唔上,放工之後同boat落左樓下g2000買左兩件恤,開頭我諗住買粉紅色,因為諗住襯而家後生著鮮色d,大個左就未必夠膽不過boat話唔好,最後揀左一件灰同粉紫,都好既,又要睇多次醫生,都係話我未清,睇黎我都要戒下口,再咁落去真係唔太掂,不過真係驚自己唔得,又無左成$300,好肉痛,之後返屋企又要預備下個教案,因為聽日真係要教班6年級,真係有D驚,不過都當係一個挑戰啦,希望佢地真係明我講咩!
