chingtung1222 | 31st May 2009, 01:31 AM |
一般
今日一早就入左去阿佬屋企打牌,仲慘過返工,我寧願訓多陣好過,入到去之後買左早餐再坐小巴去,跟住就開始了,今日頭4圈我都無咩糊食過,係咁守,之後4圈就開始嬴了,一坐低無耐就係咁食大牌,仲要自摸,都幾好,之後4圈又輸返哂落去,比阿佬阿媽打左一鋪,本來出沖比eric,之後追返哂,真係好犀利,我都要同佢阿媽學下野,打到咁上下就出去楊屋道打波了,約左上次stephen約果班,人地都算打得唔錯,不過我地都好好呀,angus今日打大都好好,keith就更加打到上左身咁,力量超大,攔倒都要出界,仲要出後場9米,自己都不過不失,以咁既精神狀態黎講已經好唔錯了,都係同阿輝最夾,攔網又好,打既戰術又夾左,真係可以掩空兩個比佢打空網,勁開心,滿足感都係呢度返黎,起碼開心過練波同出去以球隊名義比賽,打完之後食完野又一日!
chingtung1222 | 30th May 2009, 02:51 AM |
一般
今日9:00又要彈起身,因為一早又要返ied交jc宿費,我地終於搵夠7個人了,應該可以揀番7人屋,太好,交完$之後去c can見到沙頭角既馬老師同陳老師,返左jc hae左一陣,食完野就去富善gym,今日都算多人,不過都係唔理其他人,自己做自己,但唔見左張健身月票,激死,所以買左一個鐘,$7,但我就做左個幾鐘,唔理,又無人黎叫我走,之後去左同alex,阿佬食左個tea,就去左佢屋企打機,佢當然唔係我對手啦!但佢都學得好快,已經可以拿倒雙位數了,所以已經好唔錯,我開頭打果陣都係打得好差,唔識打,而家已經打爆機好幾次了,打到咁上下就睇女排了,嘩,中國隊打到唔好,楚金玲同王一梅掉左位打,王打後2,楚打大,不過王打兩輪大,而楚只打一輪,所以事實上無咩分別,不過佢地一傳好差,尢其係楚,所以一早已經比人換左,王又係咁打失,比人換埋,我覺得中國隊未必可以打呢種強力接應,王大慢了,而且又要打矮波,所以成日打出界,唔太好,又無咩戰術,睇倒有d洽眼訓!睇完打多陣機就返屋企了,聽日一早又要起身入黎打牌!
chingtung1222 | 29th May 2009, 01:08 AM |
一般 | (1 Reads)
今日又要返工了,15:45-23 6c,又多一個新同事入bar,係bibi,雖然呢個女仔係我最憎既毅進人,但佢都算係一個乖女,雖然成日講粗口,但本性唔壞,我一返黎佢做同我呻話boat話佢做bar唔掂,又話佢問d野太長,應該簡略d,之前佢只係train過3日,今日一黎就假期比佢,而早場佢話已經有千幾,今日佢只係多左$3,而且無咩野錯,我都讚佢已經好叻女了,第一次又咁忙佢又咁新已經好好了,不過佢就唔太like入bar,話boat上黎比好大壓力佢,話佢唔掂就唔好比佢入bar啦!我就教佢應該要做雙面人,即佢上黎時就跟足佢果套,佢唔0係度就用自己一套,例如佢話雞串唔駛解凍,無問題,佢0係度幫手時我一定唔解,但自己時就一定解,佢話0係屋企唔駛解凍都食得,無問題,你係老細我一定會跟你,只不過我覺得我地有時前線既經驗會比你既更好,雖然佢都做過cro,但佢邊夠我地熟?之後入場佢上黎幫手,得,無問題,咁岩無哂廿蚊,我話叫佢幫我唱,之後佢話叫我自己去年唱,我咪話我係bar主我去唱?之後佢就話返佢係經理佢去唱?之後我就叫出面floor同事幫手,佢就一手搶左我自己衝左落去,之後叫joe拿比我無上過黎!唔上黎仲好,我一向唔太鍾意佢幫手,好鍾意sell客,收$,搶sell野,呢d我都算,你鍾意既我比哂你做,我一向都係雙面人,我都唔會同你搶,但有時就佢都就得辛苦,所以同佢做fd可以,做同事我相信就未必得,大家性格都咁硬,做同事一定火星撞地球,而家因為佢高級過我,所以我好多野都會忍讓,大家比面,都可以相處倒既,我唔會為左呢件事攪到自己唔開心,唔會記0係心上,做咩要攪到自己唔開心,無呢個必要,而家返gh就係咁,唔會為左某d野特別開心或者唔開心,最緊要平常心面對!
chingtung1222 | 28th May 2009, 02:00 AM |
一般
今日去左市區分校ied還書,之後就約左阿佬同leo去左食野,因為leo又失戀了,我地都出黎陪下佢啦,雖然佢好似無咩事咁,之後去大角咀gym,,果度都幾大,人又唔多,d機都幾齊,不過我就唔多識做,其實d肌肉都仲有d痛,因為前兩日0係富善做過,唔知有無效架,不過希望ok啦!之後就返工了,坐阿佬車,差d就遲到,褲都無換就返工,唔理喇!只係換左件衫就算了!預左今日一定會忙,聽日又假期,不過都係3c忙d,我唔理喇,自己準時食下飯準時收工又一日,返工要帶口罩,我就快焗死,仆街raymond自己0係寫字樓都唔知有無帶,仲話要我地戴手套,有病,載左仲污糟,又要找$,又要整野食,再加上又數唔倒銀紙,戴左上去就唔願隨,根本就一定會好污糟,都痴線,我一定唔會理佢,總之載口罩已經係極限,有一個好 處就係黑面都無人知!@哈.............
chingtung1222 | 27th May 2009, 03:45 AM |
一般 | (1 Reads)
今日又係訓覺,琴日做完gym,好需要休息多d,不過又唔係訓得好好,可能太熱卦,今日大埔間小學叫我下星期2去interview,太好了,希望佢地會請我啦,不過聽果個人口吻,佢好似會一次過in好多人,點都好啦,我會盡力既,之後去練波了,去到天后先發覺唔記得帶鞋,真係麻煩,不過都要返去囉,過到荃灣已經20:30,simpson終於出現了,不過自己今日狀態唔好,其實feel倒的,自己練波唔太投入,調整自己心態係一件唔易既事,我都好想好d,自己講過球不落地,永不放棄,而家就好似球一落地,即刻放棄,唔知自己想點j?好多位都好唔清晰,我唔知自己應該守d咩位,太多誤會了,jacky已經可以取代左我做自由人,從今日開match已經知了,我已經掉左去後備組,其實都好既,起碼我唔駛太大壓力先,不過阿豪果日黎唔倒比賽,我又要去死了,次次都叫我出去死,永遠都係做臨危受命的人,唔鍾意呢d感覺,之後同阿豪食野講返,佢都好樂觀咁同我,話我個個位置都打多,又唔係最突出,出去都收倒一d效用,叫我樂觀d睇,岩既,我自己可能又唔爭氣,唔可以怪人,所以我會調整下自己心態,其實已經調整左了,如果唔係都未必會繼續0係隊入面,我會嘗試搵自己位置返黎,希望可以,可以講句,認命啦!
chingtung1222 | 26th May 2009, 16:30 PM |
一般 | (1 Reads)
今日又要返ied考science,technology and society,其實都唔係好識,因為始終都唔係自己熟既野,都不知幾耐無理過d科學野,但如果之後搵倒工都要知架,都唔知點了,今日d題目真係好多吹水,而且又唔知寫d咩好,有20分都已經偷笑了,真係唔知可以點好?希望加埋份assignment會合格啦!之後去左食tea,問過阿勇又話唔同我地同屋,而家我地仲爭一個人呀,點算好呢?之後去左富善gym,唔知咩事今日勁多人喎,不過我唔理了,跑左成半個鐘以上,都幾辛苦,而且又有d悶,今日試左用錏鈴,真係受力好多,舉一陣都覺得有d重,同用機好唔同,不過就易d受傷,我都係揀d好簡單動作黎做下算數!做完之後就返屋企睇電視,eric話決定唔打了,阿佬講到好似又關我事咁,話我次次聽倒有人走我都係唔理話我好似好易比人走咁,真好笑?點解又關我事呢?我之前已經留左佢,話佢抖夠先返黎,之前問過佢話星期2黎唔黎?佢自己話無咩練波心情,唔想練,只想打快樂排球,咁我可以點?之前又講過,tum過,叫佢諗清楚,而家佢話無心情,我要做既野已經做哂了,我仲可以點呢?如果其他人係咁叻既,唔該唔好叫我同eric講,你地自己講飽佢,我份人就係咁,做咩要求人打波呢?我自己都未攪掂,唔該唔好煩我了,好似咩都關我事咁,總之我就唔想理,搵人打friendly又係咁,我唔明點解佢成日都搵唔倒人呢?10次有8次都係我搵,仲要佢d人成日都係唔覆,或者遲一遲先覆,永遠淨返無一個星期就叫我搵人,多餘,我唔係神仙,唔係次次都可以搵倒人,成日要我出盡d人情牌,真係人都癲,如果唔係我都想打波,我真係采你都傻,成日話d人唔覆,自己都有責任啦,遲一遲先去催人,一係就比個deadline人,搵唔倒就算,所以而家我唔理喇,而家一早搵定哂所有人,早兩三個星期就早d,仲要比個死線人地,搵唔倒我就搵其他人,唔好再煩我!
chingtung1222 | 25th May 2009, 16:12 PM |
一般
今日全日都係留左0係屋企,都係好遲先起身,話就話溫書既,都有溫過下,不過d野都唔係好識,而且一向無咩耐性,睇一陣又會去左做其他野,無鬼用啦,背左d野唔知有無用了,不過都背左先啦,起碼叫做有d渣那,但對住電腦又邊度溫倒架?鬼叫自己又唔見哂d notes咩?抵死既,可能放左0係jc又或者放左去其他地方自己唔記得啦!唔理喇,夜晚又睇<狐狸小姐你想點>,好耐無追過劇集,除左呢套之外,呢排仲有睇<老婆大人>,我都係鍾意睇d得啖笑既劇集,因為咩都唔駛諗,聽日考試都係見步行步啦!
