香港新浪網MySinaBlog 精選話題工具
新浪網 - MySinaBlog
老娘的樂趣!
chingtung1222 | 30th Jun 2009, 03:22 AM | 一般 | (2 Reads)
今日又訓到14:30,之後起身就落左去買野食,食完之後又唔知有咩做?睇下電視咁啦!上唔倒網之餘又睇唔倒電視,,原來出左通告話有問題,不過我又無留意,算啦,應承左阿佬借部相機比佢拍今晚練波既野,之後過左旺角拿部機比阿豪,跟住就過中環睇老娘演出,又好似唔係好夠飛,因為老娘請左好多人黎,阿姨,佢d麻雀友都有黎,其實個演唱會都有d悶,因為d歌我地完全唔識,係d懷舊金曲,佢d麻雀腳就睇得好投入,我又無位坐,算啦,只係睇老娘演出就夠了,佢都唱左兩首歌,無咩走音,都ok呀,阿姐同細佬都有上台獻花比佢,不過之後比個主持人話叫我地唔好上去比花佢地,因為會影響佢地唱歌既情緒,不過睇得出老娘而家真係好開心,起碼佢可以搵倒自己既樂趣,打牌都打少左,佢就搵倒了,而我呢?
留言(0) | 引用(0)

好勝?爭氣,唔想輸!
chingtung1222 | 29th Jun 2009, 03:04 AM | 一般 | (1 Reads)

兩個鐘醒一醒,其實真係幾辛苦既,起身book場,電話嘈醒,無啦啦扎醒,每兩個鐘就醒,唔知自己精神想點?起身之後又無咩做,食左d野就去quarry bay gym,都有d人,但我一於好少理,之前睇左youtube一個影片,有一個叫ryan lee既教練教gym,我睇左幾次抄底左d notes,原來真係幾有用,總好過自己睇書,真係唔錯,之前有d動作係錯既,跟左佢既教法都ok,我之後會睇埋佢其他影片,希望真係有幫助啦!之後去左佐治度打波,又係打矮網,有男又有女,當然有d人唔太識打,我自問今日都已經好盡力打好每一球波,救波飛撲不在話下,而且仲要我升波,我都預左了,不過我真係唔想衰比人睇,我唔知係咪叫好勝,總之我就唔想輸,心情奇怪既一日,打波時有少少心不在焉,諗埋d無謂野,但當然只限得閒時或者無波0係手既時間啦!打完之後懷住奇怪既心情返屋企,本來打完波有下一場,但因為一句句子而幻滅左,是但,有d原因都係好讓我可以落台,唔理佢真定假,無必要亦唔需要去考究同查證,一句...算把啦!或者個天都覺得我之前既決定係錯既,而帶我行返去正路!我唔知自己係咪一個好勝既人,但我有一個好強烈既感覺就係我要令覺得我唔好既人對我另眼相看,我好想佢地有睇錯我,有後悔既感覺,所以我真係唔想衰比人睇,輸夠了,唔想再輸落去!我要爭氣!

留言(0) | 引用(0)

放過我!
chingtung1222 | 28th Jun 2009, 02:14 AM | 一般 | (7 Reads)

琴日又訓得一d都唔好,一來多野諗,二來星期6都鑽野,有無攪錯?唔知咩事,好在佢唔係好大聲,不過我一向好醒訓,少少聲我都唔掂,唔知咩事?越大就越醒訓!訓到11:30左右又要起身,之後約左佐治去太古食飯,其實我真係唔想咁早,不過佢話棍早d就是但啦,始終訓覺對我黎講太重要了,同佢食完之後行左一陣太古就返屋企了,返到去想訓又訓唔倒,完全唔知自己精神想點?明明已經好累了都係訓唔倒,太差了,之後hae到夠鐘就過旺角食隊友生日餐飯,其實我都唔係好想食,d人又唔係太好感情,話就話一隊波,但始終有d心病既,我唔知了,總之只想食完快d走,阿銘講d笑話我真係唔識笑,食完又要去打牌,仲要去阿佬大埔屋企,人都癲,放過我啦,我真係唔想打,唔想打通宵,已經唔夠訓了,即係叫我去死,好采最後阿銘黎打代我,我可以返屋企了,早知阿銘打我就去同佐治打波好過啦!煩到死,之後都係早d返屋企好過,希望今晚可以訓一覺好既!好討厭等待既感覺,想點?

留言(0) | 引用(0)

給阿10的底線!
chingtung1222 | 27th Jun 2009, 02:14 AM | 一般 | (4 Reads)
今日又訓到14:30,諗住曬太陽,不過一起身就話1號風球,之後仲3號添....不過就一定唔會8號,因為個風唔強而且又吹唔正,所以無用,之後早少少出去同阿10食野,佢地班友仔成日話我話阿十,我邊有?我有鼓勵佢地又唔知,我叫阿10要打好d,基本佢係有既,但有時一定要變通,例如一d矮仔打波就一定要郁腳,因為佢地多數會打高波,打touch,好少打standard位,希望佢唔會令我失望,今晚搵左aurthur佢地,阿佬叫左個大搥黎,不過真係一般,我都識佢既,以前見過了,不過真係肥左好多,今日我一傳唔太好,不過守波就ok,因為佢地打d位都幾standard,我同阿輝既攔網都好左,佢今日狀態都好左d,我覺得阿10守波同一傳一直都好過jacky既,佢唔可以差過jacky既,呢個係我比佢既底線,之後同大家食完野就走了!
留言(0) | 引用(0)

無咩同事幫倒手!
chingtung1222 | 26th Jun 2009, 02:00 AM | 一般 | (1 Reads)
今日起身無耐就去gym了,又係去quarry bay,正...無咩人,我最like,可以點都得,今日由於時間唔係好夠,所以又無跑步,淨係做左手,腳同胸,舉到有d累,不過都好似唔係好痛,而家呢個情況有d尷尬,又好似加唔倒重量咁,因為一重左又好似舉唔起咁多,但唔重又好似無咩效果,唔知點好,18:00就要走,18:45要返工,直到23,今日差d遲到,又要跑上去,好鬼辛苦,今日19:00場好忙,不過22:00場就同琴日差好遠,除左mei ling同eric之外,其他人真係唔太幫倒手,阿高黎左幫手,我叫佢入黎唔好出聲,只係比爆谷就得,點知佢真係只係企0係度,拿雪糕又唔拿,要我拍佢先得,我已經好努力控制自己情緒,我都唔想發脾氣,但佢地真係唔得,閒日當然ok,話就話識candy bar,但一旺既日子真係唔知佢地點算好?train左好似無train,一d都唔熟,咁可以點?但熟果d又無返工,一定死,我真係唔理咁多,總之自己顧自己就算了,準時收工又一日!
留言(0) | 引用(0)

睇戲睇到嘔!
chingtung1222 | 25th Jun 2009, 03:25 AM | 一般 | (2 Reads)
今日又要去tsa,好眼訓,今日做數學同英文,同琴日差不多,校長又比支水我飲,多謝了,我話自己有,分完卷之後就得閒上去巡下,見d學生都做到訓哂,可能佢地知道唔會影響佢地d分,所以唔認真做,攪掂一科之後又要數卷又要入袋所以真係好麻煩,坐0係校務處又無野做,拿本書出黎睇,睇到好想訓,係咁釣魚,好想快d完,有d老師又好遲先拿卷落黎,又話秩序有問題,只想快d完快d走,好悶,走之後去左北角買野食返屋企,下晝諗住訓覺,但online又見到d fd,所以傾計又無訓,夜晚又要準備返工,今日返19-23 3c,都知今日好忙,transformer上畫,所以一返去已經係咁爆谷,夜晚22:00果場勁多人買野食,bruce入黎又唔知d野放0係邊,得mei ling一個幫倒下手,其他真係唔太得,埋數時有個男人0係2院出黎話要人幫手,以為佢咩事,原來佢話有個0靚仔睇戲睇到嘔,當時又得我一個0係度,根本無其他同事,所以我一定要去,入到去見個肥仔坐2行,佢應該睇到暈,太前,我諗住帶佢去lock位,佢又話唔好,之後睇清楚原來佢嘔到件衫都係,所以可能唔想郁,之後我出去拿左個膠袋同抹手紙比佢,佢話call左屋企人黎接佢,佢得一個人睇,之後我都無理佢,唔好阻我收工啦,唔該.....之後無耐佢阿媽黎接佢,佢應該唔想走的,可能佢始終好想睇套戲,不過而家呢個時候,衛生咁緊要,咁樣一定會影響其他人,太危險,d小朋友沉迷左真係咩都得!收遲左15分鐘,好耐無試過了!
留言(0) | 引用(0)

中3 tsa!
chingtung1222 | 24th Jun 2009, 02:59 AM | 一般 | (1 Reads)
晨咁早又要起身,因為今日要去做中學tsa,有d唔太想去,6點幾就起身,7:45又要去到sau mau ping,又唔係好識去間學校,遲左5分鐘左右,去到先知原來間中學係男校,同個主任見過之後就開始拆箱,今次都有幾多野要分,而且我覺得勁唔環保,d劵用完完就算,又有d剩餘物資,仲要係勁多,幾十百個文件袋,又勁多膠紙要拆,真係玩死,分好哂d野之後就得閒上去巡下,不過真係好悶,就當參觀下人地間學校啦,呢間學校都幾細,好似仲細過我以前間中學,不過有發現既係竟然有gym房,而且d設施都好齊,好似一般體育館個gym房,唔錯,話就話有7班中3tsa,因為每班都唔超過30人,所以有7班,不過全男班都收倒咁多人已經好好,無野做又坐0係校務處,之前個校長比左支水我,飲左大半支,睇真d先知過期,應該無事既,做到12:30左右攪掂,之後就返屋企了,返到去個鐘點都字走,唔理佢了,下晝訓左一陣,夜晚唔太想練波,keith竟然有黎,預左simpson唔到,對面場又上緊排球教練班,有機會都可以去考下,當係一門証書都好,今日練波唔太好,大家都做唔倒應有既野,同埋steven個死樣又set到好辛苦咁,阿佬病左又無黎,做咁拋個波比佢都可以set到球球唔同點,想點呀?打到志遠想死,我相信個個大搥都有咁感覺,最後開match打,大果班打出去青少盃果班,當然輸比我地啦,佢地咁差!快d練完快d走好過了,工商杯今年竟然唔攪,話今年攪左全港運動會,但呢個係無排球,仲要話同港運會卡啦每年一次,攪錯,我地仲有幾多個兩年?
留言(0) | 引用(0)

Next