今日起身去睇醫生,真係舊病復發了,點解咁架?之後醫生開左藥比我睇下點先啦,最後返左屋企食d野,食完無耐又去quarry bay gym,都唔係好多人,不過就越晏越多,有個做到鬼殺咁嘈既阿叔0係度,好煩,咁辛苦唔好做啦,做完又趕返工,今日返18-22:15 bo,今日星期四所以多人左,一返到去無耐就差d同angie嘈,問佢2000分d vipcoupon係咪要加$?又問我睇咩戲?根本就唔駛知睇咩戲,你只係答我要唔要加$就得啦,駛咩理睇咩戲,之後多人到死又同條海運友出左去吹水,真係火都黎,不過算,之後我都唔出聲,費事同佢嘈,之後大家都無野,放工後約左jackal去旺角食野,都傾得好開心呀,總算無識錯呢個朋友!
chingtung1222 | 30th Jul 2009, 03:59 AM |
一般 | (2 Reads)
今日訓到12:00,其實真係幾累,不過最後都起左身去曬太陽,食左d野之後就坐的士去,好驚無太陽椅,好采今日唔係好多人,今日唔算好熱,有時都智陰天,用左支新既太陽油同新泳褲,幾好,無咁大陣味而且無咁油,條泳褲比想像中岩身,著上身都幾好睇,今日有個死肥仔好嘈,係d變緊線既男仔,把聲有d似我沙頭角某個學生,佢真係好煩,成日0係度嘈,另外有一個男仔,d小朋友全部叫佢阿sir,但我覺得有d過左火位,如果真係教練或者sir,係咪真係可以容許d小朋友同佢攬頭攬頸?好似太親密了,真係有身體接觸就唔應該,我將來都唔可以咁,我覺得曬完之後都無咩黑過,成日覺得唔夠,係咪上左癮呢?之後食d野又返工了,今日返18:45-23 6c,靜到好似閒日既星期3咁,一d都唔似暑假,仲好,今日快到早30分鐘走人,不過因為爆谷太多洗唔倒warmer,之後返屋企時thewthew打黎話0係新世紀附近,但我已經返緊屋企喇,所以唯有約佢下次啦!
chingtung1222 | 29th Jul 2009, 02:25 AM |
一般
今日一早起身book場,但book book下斷線,已經log in左,激死我,之後仲要等成10分鐘先可以連線,真係好汶,如果之後都係咁就真係大鑊,我一定殺人都似,之後成9:30先訓得返,上面又鑽野,好采唔係好嘈,如果唔係我又發癲,訓到兩點,之後就拿拿聲去gym,其實得一個鐘根本唔夠,不過我真係唔想斷左呢個隔日去既習慣,所以最後都係照去,坐巴士時0係街見到一個人,點知0係體育館又撞返佢,呢個世界真係好細,今日都有多人用啞鈴,不過而家我已經唔會理人,雖然人地真係拿得重過我,但佢有佢做我有我做,係會有d自卑,但我已經克服左,話之你啦,之後又趕頭趕命趕返工,今日返18-22:15 bo,好清閒,正,最like bo,唔太忙,完全係等收工,仲好得閒出去買野食,太好了,又可以早15分鐘收工,想約kevin出黎,不過佢呢兩日都唔得閒,諗住佢返工之前可以見下佢,不過唔知得唔得!身體又開始發出警號,點解會咁?聽日醫生休息無得睇,唔好再復發啦,太辛苦了!
chingtung1222 | 28th Jul 2009, 01:57 AM |
一般
今日都係訓到成兩點鐘,0係屋企又無咩做,落去買左d野上黎食就繼續0係屋企hae,hae到咁上下就出去練波了,今晚教練又無黎,阿輝過左黎幫手練波,今日都知自己狀態好唔太好,一開始去開波就知,完全開唔倒自己想個波去既位置,好差,所以係咁就掌上壓,抵死的,之後接一傳又係完全無左上次既感覺同狀態,好差,唔知點先可以keep住自己既狀態,其實我覺得今日練波氣氛麻麻,不過d隊友覺得ok,可能我唔夠投入啦!自己鍾意諗野卦,練完之後撞倒嘉豪,驟眼睇佢好似肥左,睇真d原來係大隻左,睇黎我都要努力d先得,練完之後同阿佬阿輝佢地出左旺角食野,又開懷大笑咩都講一餐!
chingtung1222 | 27th Jul 2009, 04:09 AM |
一般
今日約左班小學同學同陳生去bbq,我唔去幫手買野喇,因為琴晚訓得唔好,而且我又想gym左去,所以決定唔去買野,點知收倒小明call話佢地有d人應承左人又搵唔倒,有d又放飛機,最後我都係無gym,之後就直接過左九龍塘陳生屋企同佢地一齊坐的士去,陳生兩個仔女,一個已經升中4,一個已經升6年級,時間真係過得好快呀,睇番以前d相,原來我有一排真係好瘦,小學就肥仔,最瘦應該係18歲左右果陣,真係有d恐怖,而家先覺得自己正常返d,我地坐的士去左城門水塘,已經成十幾年無黎,應該係小學2-3年級黎過,我都仲記得佢bbq爐既設計,不過今日天氣唔太好,而且得我,小明,思敏同陳生3個仔女去,同埋隻狗,真係離譜,得咁少人,燒燒下又有d死人馬騮想過黎拿野食,不過我地無理佢,亦無餵佢地,但佢地一黎就幾隻係咁望住我地d野食真係好煩,最後我諗倒原來佢地係驚火,所以我就用d報紙周圍點火嚇佢地,真係有用既,有d死馬騮仲好惡兇我地0係度搖樹,我一開火就走,最後燒左唔係好耐就走了,佢地岩岩5個人坐的士,而我就等小巴,的士又無,最後行返落去坐車去左大角咀gym,做gym既感覺真係幾正,一定要堅持埋最後果幾下,如果唔係係唔會生肉既,之後去老m食個飽就返屋企了!
chingtung1222 | 26th Jul 2009, 03:51 AM |
一般 | (5 Reads)
今日都係訓到夠鐘先起身返工,年紀大左,訓少過8個鐘都覺得辛苦,一定要訓多d,如果唔係就成日都無咩精神咁,今日返15:15-25 6c,又有兩個bar mid,我都唔想入去,所以出左黎floor幫左一陣手,我都識散院架,等佢地埋完數之後先入返去囉,可能今日唔係好夠訓,而且又有d累,所以今日都有d躁底,對d客無咩耐性,咩都唔想理,個人一唔夠訓,又覺得返工好鬼悶,所以最後連心情都差d,只想快d比我收工,其實佢編兩個bar mid,不如我返18:00之後啦,一來我可以gym,又來我又可以去完gym先返工,keep住一星期去3次,不知幾好,唔駛我返咁長時間,夜晚食飯時yoyo同lun又鬧交,唔知咩事,唔理人啦,我只想快d收工,早左15分鐘走,坐車時見倒聰聰,都成大半年無見佢,都係咁,而家佢0係電訊盈科做sales,勁同我講佢工作d野,其實我真係無咩興趣,不過佢又講到興高采烈都要聽下,快d返屋企好過!
chingtung1222 | 25th Jul 2009, 03:34 AM |
一般 | (1 Reads)
今日12:00起左身,想去曬太陽,不過個天又好似無咩太陽,就算有都好似好弱咁,所以最後都係決定唔去了,事實証明唔去係好過去既,因為下晝開始真係陰天了,之後下晝又上網,睇下電視咁,想訓番又訓唔著咁,最後都係唔訓了,睇下電視hae一陣就出去打波了,今日jacky幫我約左一邊,不過又係庭木d人黎既,真係唔太想見倒佢地,覺得佢地d面口好乞人憎,今日我地完全唔齊腳,阿輝無黎無後2,阿豪,alex唔黎無中間,仲加埋leo同angus兩個鬥遲,無咩必要的話我下次都唔會再叫leo了,佢又話去打沙排,打完又話有d抽筋,明知今日打8:00都可以遲到,仲要遲半個鐘,唔知想點?可能佢真係好累啦,咁如果咁累就唔駛佢黎了,反正都係今個星期唔夠人,之後我都唔會再比佢黎,真係太差了,有人我都唔會再搵佢,今日少左兩個主力,我地真係弱左好多,變左我,keith同阿10就主接一傳了,大家發揮都唔好,好差,好多位都有誤會,所以今日一場都無羸過,終於知道chris話佢地少左兩個主力既影響,今日應驗左0係我地身上,不過打完就算了,打波係要靠大家的,所以大家一定要加油,今日又做左背心黨,唔理其他人眼光了!
