今日本來都係諗住去曬太陽架,不過最後都無去,個天氣好似麻麻,雖然係有太陽,但都有d煙霞,最後都係去7-11買左d野食,0係屋企hae一陣就返工了,今日返17:30-24 bo,好靜呀,無咩野做,不過今日又預倒有d cheap精,又係為左慳$10講大話,開頭我都唔知既,有個客之前拿左張嶺南大學會計師公會既學生証出黎,佢既反應話我知呢張根本就唔係全日制學生,咁之後我都會留意下,之後又個男人黎張同樣既証黎,我當然話唔得,我咪話全日制先得!之後其實佢好唔忿氣,我話之佢,之後佢好明顯比說話我聽,話間間都得,只係我地呢間唔得,我無理佢,之後可能見我無反應,再講話可能只係呢個人唔得,好明顯話緊我,我唔出聲都對唔住自己,咪話如果係全日制學生我當然會比你啦,之後佢話邊度有寫唔係全日制,我唔同佢嘈,比著之前我一定話亦無寫明係全日制,算,我咪話嶺南大學果d一定有寫,我唔比你只係公司規矩,我只係按本子辦事,公司規定無辦法,呢d就係香港人,為左平$10咩都做得出,好濺,明明唔係全日制都係話自己係,講大話,一男一女都係咁衰,所以我都話0係bo真係可以睇倒好多野,好多廢人,埋完數準時收工又一日!

要恭喜yoyo,可以升倒上ce,又多一個,如果我願意一早升既,可能而家都同boat平起平坐,不過我唔會了,我的志願始終無變!

呢排都幾好訓呀,又訓到成15:00,起身先發覺原來grant loan d野仲爭boat個卡片,因為要有工作地址証明,所以又要返戲院問佢拿,其實真係要多謝佢同bb呢兩年都幫我做彌償人同見証人,真係夠朋友,拿完之後就行過深水步交野,今年一take過攪掂,真係好,希望之後唔會有咩問題,我唔問政府借低息唔得,因為又要交宿費,而且我自己都唔係好夠駛,仲問老娘拿$咩?佢可能都唔夠駛,遲d仲可能搬屋,到時又要駛一大筆,真係煩,交完之後就去左quarry bay gym,成兩星期無去過了,為左d無謂事攪到咁真係唔值得,好明顯感覺到自己既肌肉力量弱左,之前可以做倒既重量,今日竟然做唔哂3組就無力,有d雖然都做倒,但相同既重量竟然覺得比之前吃力,真係差左好多,覺得好可惜,今日做下做下,由18:15左右做到成22:00.做左差不多成3個幾鐘,都覺得自己幾犀利,我之後又要keep住了,唔可以再比自己懶,其實今日都仲有少少唔開心,所以好想安排多d野比自己做,唔想咁早返屋企,做gym做咁耐都好既,做完又返屋企了!

今日6:10起身,去邊?咪又係去屯門沙排裁判實習,真係好想死,好耐無試過咁早起身了,好辛苦,平時我連身都未轉,更何況起身?琴日已經無去,所以今日點都要去,本來約左阿佬佢黎荃灣車我,但佢又唔知醒,所以我要自己一個入去,仲要迫巴士,咁早都已經咁多人去屯門,可能d人返工啦,8:20左右先去到咖啡灣,睇下個網,check下佢,第一場我已經要做第一裁判,好慘,我咩都唔記得,果d熱身時間要幾耐,要幾時擲毫,同d隊員講d咩,我完全都唔記得,好采我個拍擋第2裁判提我,呢次仲要考試添,都未必合格了,另外我吹波時仲有比錯手,攪到計分員都錯埋要去暫停場比賽,真係差了,之後我做第2裁判,其實同我拍擋都係麻麻地,好多野都唔太清楚,好采大家互相照應,之後阿sir實話我地ok,不過我拍擋就有d野要執,之後我又要做記錄員,其實唔太清楚個程序,所以都有將勤補拙,如果唔係到正式做時就大鑊,下晝食完飯之後吹多一場第一裁判,吹一場停一場都ok,最後補考埋同埋全部人一齊做記錄員當考試,之後同其他學員打左一陣沙排,不過d人都唔太識打,所以真係有d悶,打到天黑就去食野!

其實琴日都仲係好唔開心,不過可能今日要做裁判,所以無咩時間去諗d無謂野,所以今日心情都幾好,而且有阿佬同阿軒兩個陪我都好開心.雖然佢地要我請佢地食野,但佢地肯陪下我已經幫左我唔少,所以我都請得開心既,有朋友既幫忙真係唔同d,大家傾下呢幾日發生既事都好,希望之後既結果我會合格啦,我真係會去吹波架,當搵多份工作都好,之後畢左業就未必有時間做,食完之後就坐西鐵同地鐵返屋企了!