今日都要上堂,不過都訓到11:30先起身,之後就過去canteen同nick and carmen傾野,要傾番之前常識major既野,都係講番系統,琴日同豪仔傾過d,其實都係等佢地補充少少,之後好快就攪掂,今日上堂係另一個dr教,都ok既,起碼清楚過vivian少少,而且上堂都無咁悶既,起碼都叫有d遊戲玩下,玩完當然係帶一d野出黎,之後要我地諗諗,準時落堂,之後返左jc hae一陣,上下網訓下覺,今晚公司請食飯,係之前vip多左既獎金,其實都唔係請,都要夾幾十出黎,我一直以為22:00先食,好采打過比boat原來改左20:00,但無人同我講過,今晚去尖咀山林道太湖食中菜,好似去飲咁,咁都ok,可能我地得10個人,所以覺得好多,d野食都唔錯,每人夾番$70,是但啦,食到差不多23:00就走了,好累,.而且又有d擔心,係咪我又講錯野呢?有點不尋常,但又好似有d唔妥,不斷咁問自己,而家只好寄望希望在明天啦!
chingtung1222 | 29th Sep 2009, 02:56 AM |
一般 | (3 Reads)
今日都訓到成11:00,如果唔係豪仔打黎叫我起身,都唔想起身,而且個GE又有功課未做,應該係話完全忘記左,有個伴一齊上既好處就係咁,之後同佢同埋佢D組女一齊食飯,食完又上悶爆既GE,都無埋聽佢講野,之後周公又黎搵我,不過都無咩訓到,上完之後又要上IE,今次係PHILPSON個老婆教,好明顯佢D英文係好聽好多,可能佢係馬來西亞人,而且又識講少少廣東話,都姆好笑,不過我真係無咩心機聽佢講野,好采佢都係18:30就放我地落堂,之後返jc放低左部notebook,就出去沙田買禮物,雖然都要幾百,但都係值得既,之後就去楊屋道練波,今日simpson同joseph都無黎,得12個人練,反而今日自己狀態就唔錯,都幾好,有番d一傳,而且防守都ok,可能阿豪d波賓在太易守了,不過今日又有兩個隊友吹柴分別係wilson同阿銘,一個係自己攔完網落黎咬左,另一個係攔網時踩倒阿軒隻腳,真係慘,練完波之後就返jc了,原來佢地部ps3有GTR,我終於有個遊戲識玩,太好了,玩左一陣發覺自己都唔係太差呀,起碼可以好快上手,仲可以贏倒阿熙同阿輝,笑死!
chingtung1222 | 28th Sep 2009, 01:26 AM |
一般 | (2 Reads)
今日一早又比老娘嘈,又係因為佢D文件而嘈,真係好煩,佢成日話我遲通知佢,攪到佢成日都要抄,又搵唔倒,其實D文件根本就係佢既,自己搵唔倒,唔知放左0係邊又賴我,不過算,我忍佢,百忍可以成金,如果唔係為左申請呢樣果樣,我都唔會叫佢啦,鬼叫自己窮無$交學費,而無$交宿費咩?煩死,總知我要訓練自己EQ,唔可以成日發脾氣,咁棣同佢嘈落去根本無咩意思,攪到我無覺好訓,等佢走左之後我先可以訓得安落,之後又要起身返工,今日都係返15-22:45 bo我最鍾意,星期日終於無星期5咁多人,今日見倒唔少識既人,例如上年同屋joey,同埋肥仔肥妹一家人,其實佢地好有$,又有菲傭,成日成家人一齊黎睇戲,一個咁好咁幸福既家庭絕對係令人好羨慕既,而已阿爸阿媽又好錫d仔女,見倒佢地都感受倒佢地幸福,肥仔肥妹已經好高大,而且大個仔大個女,以前成日飲汽水食雪糕,而家都食少左,好得意,見住佢地大都好開心既,今日岩數,同JOE一齊返大埔,好采趕倒275,好快就可以返倒IED!相信自己既感覺,應該是無錯我,加油!
chingtung1222 | 27th Sep 2009, 02:41 AM |
一般
今日又要早起,放左兩日假都無咩時間訓,我都係鍾意訓10個鐘既感覺,今日房屋署黎整廁所個天花,其實之前已經約左好耐,不過老娘又玩野,成日都話唔得閒,結果就打埋比我問我幾時得閒0係屋企,因為一整又成日,最後琴日佢地襯我未訓醒時打黎,我就應承左佢今日黎,快d整完好過啦,最緊要唔好煩我,所以今日由11:00整到4:00,其他我真係好眼訓,不過最後都無訓,佢地走左之後我就訓左一陣,之後又要去九龍灣打波了,今日又係對kevin左手果隊,其實d人真係唔強,不過我地d人又係好似好"立"咁,完全無咩狀態,當然包括我啦,只係eric打得比較好,好耐無見過佢個樣咁狠,志遠又比對面個人踩過黎又整倒,我就比個死靚仔打倒隻左1 指公,都咪話唔痛,之後同大家去食野,阿佬,alex,豪同志遠去打牌,我而家好少同佢地打了,因為實在唔想打通宵,成晚坐0係張麻雀台度都真係好辛苦!
chingtung1222 | 26th Sep 2009, 02:21 AM |
一般 | (2 Reads)
今日早少少起左身去銅鑼灣買生日禮物,去到又發覺無自己咩心水既,所以最後都無買到,之後就去左九公曬太陽,今個星期無上星期咁多人,不過都發覺有d人係上星期都見過,點解d人咁得閒唔駛返工既?曬完之後食左d野去左旺角行一陣,之後就返工了,今日返 bo,18-24:45,估唔倒今日好多人,而且9月又有買一送一,加上同事賣飛又唔係快,所以真係幾長龍,即場同預售都係咁長,今日心情好,所以對客d態度都好d,有一次仲唔記得比飛人,好采個客係vip,所以可以check倒佢電話,打返比佢時係一個男人聽,一係果個係佢朋友,一係就借左張卡比人用,明明買飛果個係女人,之後個男人話會通知個女人之後返黎拿飛,我都覺得唔好意思,因為真係我問題,咁樣唔太好,又要人地行多轉,今日short左$40唔岩數,其實唔奇,因為都有d亂,而且因為岩岩返又未掉位,所以卡機又要氧來拿去,但最後卡岩數,反而$唔岩,算啦,放工又返屋企了!
chingtung1222 | 25th Sep 2009, 01:02 AM |
一般 | (1 Reads)
今日一早又要起身book場,琴晚好似無訓過咁,好累,個死人電腦一早又hang機,攪到我book唔倒場,咁我就book左22-23一個鐘先,之後個網話7:14會放返個場出黎,點知我一入去就比d羽毛球西book左,即係我只book左一個鐘排球場,頂,點打?一個鐘都照打咩?無可能啦!仲攪到我趕唔倒校巴,晨早樓樓要同人迫巴士,攪到我返到ied又遲左半個鐘,一向鍾意上呢堂,令我遲左半個鐘,離譜!今日講科學同科技對社會既影響,做下小組討論咁,之後就同豪仔carmen佢地食野,食完之後又要上悶到爆既兒童文學,想死,好采有帶本notebook去,上網都上到悶,我自問真係無咩聽佢講書,好悶,而且我又完全無興趣,終於可以等到放學,之後返左jc沖涼,跟住就出左mk同harris佢地行街,之後就上左朗豪酒店同佢食自助餐慶祝生日,好耐無食過自助餐了,不過同我食完全係side $,因為我唔係太食貴野,不過我都好盡力食架喇!之後同佢地去左奧海城行左一陣,行左一陣又返屋企了!
chingtung1222 | 24th Sep 2009, 01:42 AM |
一般 | (1 Reads)
今日又訓到15:00先起身,gym又唔做,成日0係度hae,離譜,之後落左7仔買野食,買完上黎之後就睇電視,睇完又返工,又好似行屍走肉咁返去,今日返19-23 6c,我好努力咁叫自己唔好黑面唔好唔開心,最後都成功了,有d客的確係麻煩,但我都要盡量滿足佢,因為呢個係我今晚既承諾,我都覺得自己犀利架,今晚要快手收工,雖然今晚決定唔返宿舍,但都好想快d,唔想比其他人問我咩事?放工之後竟然有驚喜,但我唔知點解會驚呢?再次多謝阿佬,幫我見步行步,過關斬將!
