今日成7:00先訓,都係因為份gs功課,都好耐無試過通頂,年紀大左,都唔可以成日通頂,太辛苦,11:00左右又要起身,因為要去準備參觀,係globalization果科安排既,dr lo請左我地食到會之後就坐車去屯門青山灣發電廠參觀,都坐左差不多一個鐘車,好似成班小學生去旅行咁,感覺都幾攪笑,去到都係有個人黎同我地介紹下,由於今日要reg科,所以好多人都0係兩點半左右打電話,睇下reg唔reg倒,果陣係睇緊一套關於中電既片段,我叫ka fai幫我reg,不過最後有一科reg唔倒,所以下個sem星期4就要上9個鐘堂,真係人都癲,算啦,今次參觀其實都開左唔少眼界,因為我地平時都唔會有機會黎發電廠,而且原來真係好大好犀利,參觀完之後就去左蕙荃gym,都係有d人,不過都係唔理多了,之後約左阿文同阿佬食野,之後又要去楊屋道打friendly match,叫左joffee幫我搵人,雖然對手係天行,但真係好弱,好悶,我自己ok既,不過我怕悶親阿文姐,算啦,打完之後又去mk食野又一日!
chingtung1222 | 30th Oct 2009, 20:12 PM |
一般 | (1 Reads)
琴晚4:00先訓,今日一早又要起身上堂,不過我實在頂唔順,好累,雖然我知呢堂學倒野,但我都係訓左,好辛苦,訓到差不多落堂,之後野都唔食,返左jc訓一個鐘,跟住又係上廢ge,我都係上堂做下功課,再唔做就真係趕唔切了,之後15:00就出去沙頭角補習班,今日都係咁啦,班學生好似聽左話d,都幾好,起碼會聽我講先,臨時買左d旺旺比佢地食,好似有d cheap,不過算啦,補完又出去返工,今日返19-23 3c,泊住bb,都好呀,可以同佢吹下水,我都話工作上都算有d可以開心同驕傲的地方,起碼係別人會認同我既工作能力,覺得我係得既,但人際關係就輸得一敗塗地,我好多野都唔識處理,亦唔清楚遊戲規則,真係好失敗,所以攪到自己成日唔開心,我都開始懷疑自己係咪有情緒病?成日諗埋d唔開心既野,覺得自己好無用,有好多有興趣既野例如打波都唔想,只想0係屋企咩都唔做,好多謝阿佬永遠企0係我身邊支持我!返到去jc仲要做功課,做得好hae,做到成7:00先有得訓!
chingtung1222 | 29th Oct 2009, 19:52 PM |
一般
今日唔駛返學,所以都係選擇左留0係屋企,夜晚又要返工,今日返19-23 6c,其實真係唔想返,因為心情實在太差了,只係想留0係屋企咩都唔做,但做人又點可以咁呢?情緒真係好低落,今日都唔忙,我都無洗warmer,因為要返jc,我唔想咁夜,只想早d返到去,22:45走得,坐mtr時真係好辛苦,個腦不斷諗d無謂野,不斷諗點解d人咁鍾意講大話,我真係對人完全失望,我唔想再信任何人,終於明白人言可畏呢個道理,成日都覺得人地無必要呃我,自己對人好,人地會感受倒,都會對返我好,原來一切都係假既,d人只會自說自話,可能只想好落台,自己又係唔爭氣,點解可以咁易信人?一句說話就完全信哂,真係好低能,唔跌過都唔知原來係咁痛,對人好失望,對自己亦係,又一個教訓!返到jc仲要做功課,星期5要交了,全屋得我一個做得最慢!
chingtung1222 | 28th Oct 2009, 02:48 AM |
一般 | (6 Reads)
今日一早9:10起身,因為要去教班果度聽briefing同role play,不過我又遲到,仲要係最遲我,不過今日又要著suit,好麻煩,之後去到都係聽下d人講下d規則同埋注意既事項,耐唔耐都有扮下野當而家有學生0係度,叫我地扮下同學生講野,好明顯其他人有d係無咩教班既經驗,做到有d過左火位,突然覺得自己0係呢兩年沙頭角同sa既經驗好寶貴的,因為我都知道教功課班應該要注意d咩,唔好理人咁多,之後返ied,仲0係校巴見到阿熙,佢話0係block e落,我都覺得奇怪,可能佢覺得行去d3近d啦,落車之後佢問我去邊先知原來今日唔駛上堂,點解我咁懵連今日唔駛上堂都唔知,我行去課室睇過真係唔駛上,真白痴,之後返左jc,想訓都無咩訓,掛住同阿熙吹水,佢著衫都係係好睇既人,所以都請教左佢d穿衣之道同埋問佢應該買咩牌子,之後15:30左右就出左富善gym,無咩人,正,做完就出朗豪坊同cherry行街,我突然好想買衫,好想改變下自己既著衫style,不過cherry比唔倒咩意見我,因為我地兩師徒都係無taste既人,算啦,都買左條我之前無著過既褲,我都覺得係一個新既嘗試,都好既,開頭著真係睇得唔太慣,由佢,之後返左戲院睇<單身大急救>
好好笑,真係笑爆咀,好耐無睇過呢d咁好笑既戲,暫時可以忘記一d唔開心,唔知點解呢排睇親戲都唔係太開心,好采呢排都係睇d開心既戲,如果睇d唔開心既就大鑊,睇緊時真係好開心的,笑到飛起,好希望做人都可以係咁,但我相信呢個唔係希望而係奢望,一個無咩可能實現既願望=奢望,食完野之後仲要返屋企接受絕望,一個令我絕望既真相,呢套戲入面有一個節目叫<絕望真相>唔知係咪特登黎諷刺我?希望-->奢望-->絕望,突然做人覺得有點迷失,可能我心靈其實都好空虛,醒啦...點解唔識醒?仲生活0係幻想之中?係咪有點不切實際?無可能既野點解仲唔肯放手?越唔放手心就越痛!點解仲要咁執著去搵個真相呢?搵倒又點?心就越痛,越唔開心,點解仲要咁做呢?人言可畏!點解仲要信以為真?真係好天真,好傻好白痴,一個人生存0係世上,無左目標係一件好痛苦既事!
好好笑,真係笑爆咀,好耐無睇過呢d咁好笑既戲,暫時可以忘記一d唔開心,唔知點解呢排睇親戲都唔係太開心,好采呢排都係睇d開心既戲,如果睇d唔開心既就大鑊,睇緊時真係好開心的,笑到飛起,好希望做人都可以係咁,但我相信呢個唔係希望而係奢望,一個無咩可能實現既願望=奢望,食完野之後仲要返屋企接受絕望,一個令我絕望既真相,呢套戲入面有一個節目叫<絕望真相>唔知係咪特登黎諷刺我?希望-->奢望-->絕望,突然做人覺得有點迷失,可能我心靈其實都好空虛,醒啦...點解唔識醒?仲生活0係幻想之中?係咪有點不切實際?無可能既野點解仲唔肯放手?越唔放手心就越痛!點解仲要咁執著去搵個真相呢?搵倒又點?心就越痛,越唔開心,點解仲要咁做呢?人言可畏!點解仲要信以為真?真係好天真,好傻好白痴,一個人生存0係世上,無左目標係一件好痛苦既事!
chingtung1222 | 27th Oct 2009, 01:31 AM |
一般 | (2 Reads)
真係好無聊,又話帶我去食蛋撻,得個講字,又訓到好遲先起身,起身之後kk都要去拜山,邊度都去唔倒,本來一早諗定可以周圍去澳門行下,點知都係咩都做唔倒,有點失望,唔通自己去咩?又唔敢入賭場,不過識左kk可以令我明白一樣野,我發覺自己著d衫真係好肉酸,可能佢做名店sales既關係,衣著都會比較光鮮,而且一望埋去,雖然未至於好潮,但望落去都順眼,而且覺得係好睇,唔會好似我咁一拿起手就可以出街,我真係覺得自己完全地比下去了,雖然大會年齡差不多,但點解可以差咁遠既?我而家先覺得自己原來係咁肉酸,人地出街之前起碼會有衫揀下,而我就好求奇,好核突,是但都可以出街,人地有幾頂帽可以襯下,唔少衫褲同褳,我唔係要比較d咩?我同佢既背景都完全唔同,佢已經有能力租私人樓,而我仲係要靠屋企,住既係公屋,而佢間屋就好大,間房都好大,好令人羨慕,我好明白人比人比死人呢個道理,但如果有能力做得更好既話,係咪應該要做好d呢?kk比左呢d啟示我,多謝佢,我係咪係時候改變一下自己呢?總覺得好多野都比人差,之後坐左15:30船返香港,返到屋企都係17:30,真係早到有d離譜,之後留0係屋企無去練波,咁就浪費左兩日既假期,真係過得有d無聊,但如果可以睇穿左自己既弱點同應該改善的地方,呢兩日都值得既!
chingtung1222 | 26th Oct 2009, 22:53 PM |
一般 | (7 Reads)
今日起身又訓到14:00左右,之後就去左gym了,今日唔係好多人,有個見開既阿叔幾好人,今日佢見我用sit up椅當健身椅,之後佢叫我過黎一齊用,佢講果d健身術語我都唔係好明,不過都好多謝佢,做完之後買左個下午茶,再去3問埋個漫遊plan,之後自己打上台申請,返左屋企hae一陣夜晚就準備過澳門,約左kk,一個識左好耐既朋友,但就無去過探佢,所以坐夜晚11:00船過去等佢收工,點知佢0係我臨入閘前話佢聽日要去拜山,唔可以聽日陪我去周圍玩,頂...如果你旱5分鐘打比我咪好,我即刻返屋企,而家來回船飛都買埋,結果我都要焗住上船,真係麻煩,之後過到澳門個死人電話又收唔倒漫遊,好采我有散紙,即刻打返香港個3總部,點知又無人聽,長途電話d分鐘又去得好快,又狂要我等等等,話要幫我check,之後覆返我話要1:00之後先可以接駁倒,因為我係23:30左右先打上去接,真係火都黎埋,我明明19:00就打上台,係佢地話2-4小時可以接我先申請,而家話23:30我先打上去,之後佢先話10分鐘之後接駁,離譜,我唔可以離開碼頭呀,因為kk收0:30,所以我要等到0:40先可以打電話比佢,好采仲有散紙同可以用打比佢,如果我離開碼頭直接去永利等佢又唔知佢0係邊,更加唔知邊度有電話亭?所以一定要等佢收工,之後終於搵倒佢了,再飛的士去永利搵佢,太累了,去到佢屋企食完野,吹左一陣水都準備訓覺了!
chingtung1222 | 25th Oct 2009, 02:52 AM |
一般 | (3 Reads)
今日本來起身gym,最後當然無去啦,又訓到差不多夠鐘先返工,今日返15:30-25 3c,又係泊住angie bar mid,之前都已經話過佢叫佢留心d野,都預左今日泊佢要做多d野,都會同佢吹下水既,我一早話過佢睇d熱食單要留心d,今日又漏單,話說有個客叫左芝士腸,之後又再加個花枝丸,點知過左一陣個客話爭佢芝士腸未比,我開頭都唔記得,之後佢話兩樣野係分開買而後加,我先記得,因為我記得我係轉身寫返佢之前張單,之後angie又話送外賣果個做咩唔睇清楚?其實我地同送既都有問題,我地整既無睇清楚,佢送既亦係一樣,之後angie又話張單無寫芝士腸,我好肯定有寫,如果無寫佢就唔會整左,而且我好記得我有轉身呢個動作,之後又話我寫埋0係d 鬼鼠位,真係火都黎埋,我咪話你一向泊開我都知我係寫0係備註個位啦,真係費事同佢嘈,呢隻死貓點食得落?如果其他同事都會話佢啦,我真係好比面了,做野真係唔可以咁囉,之前都有d累我咩鑊,今次又係咁,其他人都唔係泊佢啦,我都算了,夜晚無啦啦唔見左4隻大杯,又唔岩數,放工快d返屋企!
