No.16@曉青

又血拼!

chingtung1222 — Sat, 13 Mar 2010 03:15:50 +0800

今日又訓到15:30,好好訓,之後就過左旺角食d野,返公司幫阿佬拿單比佢泊車,之後就同佢一齊去買衫,好貴呀,睇中左一對鞋,係asics既,無咩人著呢個牌,都幾好睇,不過無我size,要去沙田拿,唔緊要啦!之後買定d衫準備實習著,我唔想買得太過formal,而且又唔想著西褲,最好可以買d出倒街又可以返學既,多得阿佬陪我一齊去睇,我發覺自己真係有d脫節,好多野都唔知,而且好多見到人地著得好睇既,以為自己都著倒,點知最後係完全唔岩自己,以為鬆身衫會顯得無咁瘦,點知自己原來handle唔倒呀!買衫真係要配合自己style,如果唔係真係side氣!一買又買左$1200,好貴,又大出血,之後實習又無收入,都唔知可以點了!夜晚約左打波,今日打得唔好,一來有d新人黎唔係好夾!好多波都唔知邊個拿,二來仲有d病,未好哂,打左個幾鐘先叫熱左身,不過今日book得兩個鐘,好少時間,隔壁係龍隊練波,成30幾人,鬼殺咁嘈,不過練波應該係咁既,有d氣氛,打完之後出左旺角食野,諗住聽日去咖啡灣吹波,點知又話夠人唔駛我去,死人軒我唔打比佢都唔同我講,等我仲一早買定個bb同紅黃牌,嚇死佢以為自己唔見銀包,好采最後搵得番,所以我都無鬧佢了,呢排佢好黑,希望佢好返d啦!

hae爆英文導師!

chingtung1222 — Fri, 12 Mar 2010 03:00:36 +0800

又要上8:30,好慘,琴晚都無咩訓過,應該係話訓唔倒,唔知點解呢?不過我已經唔可以再走了,因為quota已經用盡,麻煩,所以幾累都要上,今日講既野都係講iep,之前學過哂,但好多野都唔係好記得,上左大半堂開始眼訓了,好累好累,落堂買左d野返jc食,跟住又上教學法,今日係試教,不過唔計分,我諗我下星期都會hae做比佢,上左大半又開始訓了,之後又食tea,食完諗住上英文,點知無啦啦又話唔駛上,有d同學話落過去班房睇,門口貼左張紙出黎話唔駛,叫我地上網做功課就得,嘩.....條友真係hae爆,離譜,返去check email,佢都係14:30先send email黎話唔駛上,好過份,如果佢唔貼張紙0係門口我諗都好多人會唔知佢出左email,唔駛上仲好,我都唔想見到佢,之後返左jc hae,訓左一陣,訓到唔想起身,不過唔得,約左kenneth食野,以為佢住沙田,諗住約番佢去沙田就佢,點知原來佢已經搬左去中環,所以又要佢等返我轉頭,算啦!出到去中環都已經成21:00,食下野吹下水已經22:15,早d 返屋企啦!仲未病好呀!

老師的是非!

chingtung1222 — Thu, 11 Mar 2010 02:41:03 +0800

今日要去實習間小學見校長,約左阿塋一齊由地鐵站過去,不過佢竟然去到鰂魚涌過返對面月台轉車,以為對面就係去柴灣,結果又去返油塘,行左個大運,好采我地預早左,結果14:25去到學校,個招呼我地既主任要開會,所以交低左比另一個主任,不過佢都係阿塋既啟導老師,我果個又去左開會,因為佢地兩個都係要準備6年級之後既畢業營,而我地就跟周主任,即係阿瑩個啟導老師周圍行,參觀下間學校,我地都有自己既位0係教員室,都可以感受下做老師既滋味,睇完之後派左個時間表比我地,我教4同6年級,而阿塋就1同5年級,我都無咩所謂,高低年級都有好處,而我地一個星期都有8堂,我星期4仲全日空堂,之後就同返招待我地既主任傾,佢都係介紹下學校既運作比我地知,每日返7:45-16:45最少,真係慘,可以跟學校訂飯,一定唔可以出去食,有時要落去當值下,仲要帶放學,有一日係戶外學習日,我地跟住一齊去,好采星期6既家長日唔駛返,之後同我既mentor傾,係6年級既班主任,不過今年無教常識,上年就係佢教,佢話會用佢既數學堂黎教常識比我睇,我就覺得好奇怪,唔係應該原任做比我睇咩?之後先感覺到佢同呢個老師唔係好岩,仲要係幾唔岩果隻,佢話今年班學生上常識堂無咩學習動機,同埋因為換左老師,所以佢地會上堂做自己野!有d惡攪,不過我都要搵番個原任傾下,因為佢會比較清楚,有d估唔倒d老師原來都幾多是非,算啦,聽完就算,另外我教既4年級,d學生好似有唔少麻煩野,佢地話有好多怪獸,同埋都有唔少sen學生,不過事實係我讀既野真係好難搵工,主任叫我地讀個基準,始終中文都仲未專科專教,拿多幾張cert對自己搵工都好有用,見過校長都只係吹左幾句水,話之後我地去既第一日就會當住全校介紹我地,17:15左右終於走得,不過又漏左最重要既時間表,之後食完野又要返去拿,真樣衰,返左屋企換件衫就出去練波,今日去荔景,d人唔知點解今日練得幾差,好似咩都唔掂,一傳到位只有21/100,5分1左右,真係幾差,另外,一向話佢地基本同小球都係唔太好,今日仲更加明顯,阿豪練防守仲練到嘔,可能佢成個月無練,所以就咁啦,simspon都話對佢地今日表現失望,我都覺得睇到好悶,練完波講完一大鄰之後就去左旺角同阿豪佢地食野,食完又要唔該阿佬返jc了!

準備見校長!

chingtung1222 — Wed, 10 Mar 2010 03:22:36 +0800

今日唔駛返學,為左實習份野特登返左黎IED,之後出左去圖書館影印,準備多一份留低,食左少少野之後就出去富善GYM,今日可能太凍,所以都唔係太多人黎,一個男一個女0係度,聽佢地講下是非都幾好笑,個男仔其中一隻腳應該跛左,見佢要用類似柺杖既野黎行,之後做做下又見倒MARCO,不過我想專心D做,都無咩同佢講野,做完之後又要去剪頭髮,同豪仔一齊出左去ALN度剪,都要剪下了,因為聽日又要去實習學校見校長,都要比個好既印象人既,夜晚又要返工,今日又係返19-23 3C,一返到去又要入場,忙忙地,今日都仲係有D病病地,所以把聲都有D核突,都預左今日又唔可以準時收工了,又要11:20爬走得,好累呀,身體快D好返啦....

身體差!

chingtung1222 — Tue, 09 Mar 2010 02:59:35 +0800

今日都係訓到成13:30,已經早左少少,都係想去gym,但今日的確有d唔舒服,想去睇醫生,不過一睇又唔見起碼$200以上,真係好貴,算啦,最後決定由得佢先,希望食d成藥會無咩事,之後等夠鐘返工,今日返18-22:15 bo,無野做,靜到想死,想唔開float,但唔得,因為d同事成日行開,又有d客,最後都係決定開啦,又悶悶地,vip又無人理,所以我去攪啦,當然岩數啦,bo自己又岩數,都仲係有d唔舒服,有d流鼻水,幾聲咳同埋有d喉嚨痛,真係唔知點解,好似身體差左咁,成日都有d小病,一病又要睇醫生,好貴,已經比之前小心左,自己知氣管唔係太好,好易敏感,所以真係要好小心,我唔想再病了,好慘,放工返jc,因為要拿番實習要填既資料,希望星期3見校長一切順利吧!

老娘大哂!

chingtung1222 — Mon, 08 Mar 2010 02:40:11 +0800

今日早左少少起身,想去GYM當然無去啦,之後同老娘去左食野,落左樓下,點知又話要等.最後走左了,去左地鐵站食,不過我就要打電話返工話遲返,好采GEORGE無咩野,又無當我遲到,食完之後又返工,返遲半個鐘,返到去接KIKI BAR,講真,D野真係唔太夠,返到去D爆谷得WARMER入面果D,所以返到黎又要不斷爆爆爆,MEI LING入過黎幫手,佢講左句爆谷都無?吊....哈...佢當然唔係話我啦,係話KIKI,之後比佢聽倒,KIKI即刻話好汶....哈...笑死,咁的確真係唔太夠爆谷,而且今日係星期日,又有3D上畫,一定多人睇,佢話之前已經叫左另一個同事幫手爆,點知一場又比人掃哂,佢都識講啦,比人掃哂,其實都預左比人掃,所以要不斷爆,的確係無可厚非既,講真接MEI LING BAR D野真係好足,有時仲多到我會嫌太多,好似今日咁,D腸實在幫我預得太多了,不過人地入黎幫我,唔通我仲話人咩?其實而家3C無多個人寅係唔掂,所以佢肯幫我又幫倒手實在已經好好了,兩個FULL TIME D野我都費事理咁多,總之做好自己野就算了,自從多左個PIZZA機之後,我都好少有得準時收工,雖然而家有其他同事幫手洗野,但要埋數又要清潔其他野,真係好唔得閒,收工之後同ANGIE去左食野同講是非,老娘難得地煮左飯,算啦,都係放入雪櫃啦,聽日就會食!

球隊既黑暗!

chingtung1222 — Sun, 07 Mar 2010 03:34:55 +0800

今日係最後一日去海怡教班,其實都無咩唔捨得,琴日改卷時有個學生寫低左話會永遠懷念我,當然有d開心,不過可能佢好快就會唔記得我呢個教過佢3個月既阿sir,不過無所謂啦,都係個回憶,最後一日,之後代我既女仔都有黎,佢地的確乖左,不過我今日唔記得帶份答案黎,好采之前都有備課,如果唔係就大鑊,有d字都唔係好記得點解,到最後留返d時間派禮物,當然又係最受歡迎既時間,好快又過左個半鐘,之後返屋企抖下訓左一陣,之後就入富亨練波,又唔記得帶褲,又要0係新達買,之後士站見到雞丁,都有d野講,不過都係要抄黎講先得,今日同女仔一齊練,我無咩練殺波,只係練下防守,不過到練防守時真係好辛苦,上氣唔接下氣,唔知發生咩事,點解d體能仲可以咁差,唯一可以解釋既係今日喉嚨有d唔舒服,同埋有幾聲咳,有d辛苦,之後去大埔墟練波,同肇駿d人一齊坐的士,eric又無黎,同d人唔係好多野講,上去之前同henry,雞丁,卷毛幾個比較多野講既人一齊買豆腐花,上到去大埔墟先知唔係呢度,原來係大埔體育館,又要坐的士過返去,之後既一個鐘都係開match多,我將會主力打自由人,其實都無咩所謂,都係果句:比返個位置我就得了,最緊要知自己做d咩?阿星又話要守6號位,阻住哂,就比佢守囉,佢話要打後排,咩真係有人會set比佢咩?而且佢又唔會係正選,eric返黎之後佢可以88.我都唔太識防守5號位,簡直搵我黎攪,之後可能佢聽倒我同另外d隊友講鍾意守5號位,咪話同我掉返,走果時同路寶傾下,佢話想知我一傳大約去咩位,同埋話要我多d出聲拿free波,我夠知啦,我打自由人都知要做呢d野,我咪話好好好咁應佢,滿足下佢啦!之後同henry 0係港鐵講左好多野,佢講左呢隊波既黑暗我知,話上乙組絕對唔係有能者居之,而係要論資排輩,所以佢話有d人好耐無打,之後返黎話要上乙組就得,而henry呢d比較有潛質既就永遠無得上,不過佢話自己仲後生,可以比多少少時間自己,當佢搵倒其他比較大既球隊,佢就寧願去其他既細既一班練,起碼可以有機會打上去,而唔係永遠比其他人騎住,聽佢講駿青都有d黑暗,不過其實每隊波總有d問題,佢0係度打左3年,知既野一定比我多,聽完佢講都覺得正常既,不過永遠唔公平既對待的確會令人灰心,我都好明白!不過佢後生過我咁多,如果我係佢呢個年齡又有咁既技術,相信我同佢既諗法都會係一樣,可能會選擇對自己既有利既球隊,但我已經唔係佢既年齡,未必可以好似佢咁,心態亦唔同左,打波只求有進步又開心就可以了,同henry熟左唔少,希望可以同佢做倒朋友同隊友,無同佢地食野,唔想做假面人,快d返屋企!

錯失機會!

chingtung1222 — Sat, 06 Mar 2010 02:25:24 +0800

今日又要上8:30,轉左係lin 強教授講書了,今次佢講得無year 1時咁廢,起碼我都明佢想點,又或者我year 1時無聽佢講書,所以先覺得人地唔好卦,落雀之後同hei man佢地食早餐,吹下水,之後返左jc訓一陣,訓到咁上下又準備出去教班了,何生話已經搵倒人頂我個位,都好既,比我專心準備實習d野,之後約左個女仔同我一齊過海怡,當然我又遲到啦,同佢交低左d野,同埋講下呢班人既情況佢知,希望佢之後可以控制班馬騮,之後去到學校個女仔都只係坐睇我教,我教左一陣之後都比個test佢地做,因為我d notes漏左0係屋企,所以比d test 佢地左浪費下時間,今日tommy又黎料.所以我都要威脅佢話要0係點名簿入面打星佢先可以無咁曳,放學之後食左d野順便改卷,有d真係幾叻,錯幾題,有d好明顯係亂做,不過聽日最後一日我都去左買野比佢地,又0係海怡個海岸行下,都幾靚,入左放之後,買完又過佛光練波,好熱,個場無冷氣,今日有個機會比我去接多d一傳,不過我真係太差了,同b grade 比真係有d高下立見,之後開match守左一場,就比人換左,可能實在太差了,練完之後無同佢地食野,聽日又要早起,0係旺角又見到joe,成日都見到佢,呢個世界真係細!

無人約,自己gym!

chingtung1222 — Fri, 05 Mar 2010 02:11:23 +0800

今日一早又要上diversity,超級唔想去,琴晚又訓得唔好,好死累,我d坎堂quota已經用哂了,所以一定要返,去到又係聽d有少少印象既野,豪仔比人改左個花名叫肥貓,有d係因為我,之前叫過佢呢個名,所以又比tutor改左,笑死,難得佢又唔介意,真大方,上堂睇左套片講2年級小學10既加法,個老師將全部野轉哂做魔術法,好似做戲咁,做人老師甚艱難,落堂之後買飯返jc食,之後又上教學法,無咩聽書,之後走左堂廢既英文,返左jc訓,不過都無咩訓過,搵倒<家有喜事2009>網上版,睇左大半,真係好睇過<花田喜事>,今晚又無人同我出街,最後去左富善gym,今日做腳多,時間唔太夠,都有跑下步啦!之後等阿佬返黎,0係大元村坐左成個鐘,跟住同埋佢媽一齊食野,呢餐又唔駛$,又有人車我返jc,真係唔該哂!

以訛傳訛!

chingtung1222 — Thu, 04 Mar 2010 02:42:09 +0800

放假,又可以訓到好晏,我又訓到成15:30了,太累了,之後上左一陣網,食下野,咁又要出門口返工了,今日以為返18-22:15,原來係返18:15-22:30,不過我都係22:15就走左,由得佢啦,我都想快d走,今日bo+vip,我拿左float,不過就完全無賣過飛,因為實在太靜了,睇住個迎同事賣飛,有唔少野要改,又忍唔住出口,今日唔太多人換vip,不過我實在太耐無落過bo同換vip,所以一睇張form就睇住個價錢同人續証,點知咁就食左屎,原來張form個價錢係錯既,所以碌少左人地$10,好采打上去問時發覺倒,如果唔係一直錯落去就仆街,今日係新ce george收end,好多同事都唔係咁鍾意佢,唔知咩事,只係話佢串咀,又話佢對同事唔客氣,可能自己仲未預倒,所以又覺得佢無咩野,算啦....可能只係以訛傳訛,埋數之後快d走,多謝豪仔佢地留飯比我食,等我有機會食下住家飯既感覺!

堅持gym!

chingtung1222 — Wed, 03 Mar 2010 02:12:31 +0800

今日唔駛無上堂,因為琴晚份功課實在做得太夜,都預左唔返了,所以一訓又訓到成13:00,之後起身又做過,個網頁阿輝最後都整倒,真好采,不過我真係唔想再理了,可能自己真係自私左d,但我真係咩都唔想理了,之後去左gym,今日都有d人,不過就唔係好多人用dumbell,我就用了,唔理咁多,希望可以keep住呢個進度,練dumbell既重量重左少少,不過當然唔代表d咩啦,時間始終練得太少,而且今日無跑,好似爭d野咁,同埋自己一定要堅持,唔可以做一個星期又停下,咁樣一定唔得,我好想快d睇倒成果,同埋有時d野唔太知點做?唔知做得岩唔岩?唯有自己睇多d書同問下人,如果唔係都唔知可以點?之後又要返工了,今日返19-23 6c,接angie個bar,都ok既,今日都有d人,少可地我個bar竟然多$過3c,d野都岩數既,阿佬黎返拿張id卡,掛住同佢講野,所以自己埋數又慢左,真慘.....今日返屋企了!

做功課做到火!

chingtung1222 — Tue, 02 Mar 2010 02:49:36 +0800

今日唔駛上堂,但都返左jc,因為聽日又要交功課了,我自己果part大部分都已經寫哂,等埋豪仔同阿輝再合併埋應該就ok,本來諗住早少少出富善gym,但因為時間太少,而且何生又打黎話西營盤間小學搵倒人頂我,之後都唔駛教,都好既,就快又要實習,都係時候接少d野做,但唔好既係我有一次教完班去左石塘咀gym,果度有部機做胸幾好,我無可能特登走過去做啦.唔駛車$咩?算啦,之後等埋阿佬一齊出左旺角,佢要放低架車,之後我就同佢去左睇醫生,我都要睇皮膚,又無左好多$,點解睇一次醫生咁貴呢?之後駕車車埋simpson一齊去青衣,今日都有3個新人,其中一個係阿文,佢都識左一排了,佢話因為膊頭痛所以想專心打自由人,真係浪費,今日我都有換衫,不過都係幫手執波多,到打後2時無啦啦simpson又比我打,攪到我都有d唔好意思,咁佢叫我咪打,無所謂,不過最後佢地做體能我就無跟了,一來辛苦,二來都覺得自己已經離開左了,練完阿佬車我返jc,返到去佢地d 功課都未做完,阿輝不停叫我地幫佢,話個網頁整唔倒,我只可以幫佢寫多d文字果部分,我自問下電腦完全唔識,我根本就幫唔倒佢做實驗果部分,好煩,我同豪仔自問都幫左佢做好多了,網頁只有佢識整,我都幫唔倒,如果係咁既分工黎做咩呢?最後我都寫多左300字左右,當幫下大家,同埋佢地有d漏氣,之前又打機,點解唔做完先打呢?加重左我工作量,我好想訓,聽日唔想走堂,我好少咁早會完成左自己既一部分,而家又要做多d,火都黎!

停電驚魂!

chingtung1222 — Mon, 01 Mar 2010 15:40:15 +0800

琴晚無啦啦停電,其實係自己造成的,因為廁所既燈實在太光了,我想較歪少少,點知駁返個電路時就出左事,成屋fuse跳左,仲要唔係跳制,係出面電錶房個制跳左,自己真係攪唔掂,最後叫左老娘打灼辦事處,搵人上黎整,最後好采都整得返,真係麻鬼烘,其實最衰都係自己,好采廁所入面個鏡櫃有燈,不過效果又真係好唔錯,都算係一個額外既收穫,跟住訓覺,第2日又要返工,今日返15:15-23 3c,終於可以見倒kelly bar,都唔錯,不過今日已經無左個bar mid,所以自己一個真係攪唔掂,好多野要做,pizza又大賣,根本無咩時間可以比我整,好采之後mei ling上黎幫下手,如果唔係我將會自己一腳踢,好似又有d同事又集體請假去踏單車,攪到今日唔係好夠人返工,真係麻煩,而且出面既floor同事又唔識cb,好采佢地間場時都有幫我切下pizza d料,都已經好好了,放工之後都已經23:45,又ot,又趕唔倒285,之後打比阿佬,佢0係tst,我就行左去油麻地同佢一齊坐車返去了,多戲佢請我坐的士,返到jc仲要做功課,一做又做到4:00了!

返jc做功課!

chingtung1222 — Sun, 28 Feb 2010 15:27:38 +0800

今日一早去左參加學障大使計劃,所以無去海怡教班,都好呀,比我休息一次啦,對住班馬騮真係有d有心無力,要去油麻地聽talk,其實又係講返我地識既野,今次主要係講讀寫障礙,之前上ie堂都聽過唔少了,換左幾個唔同既心理學家講,有樣野好既就係佢地講得無上堂咁悶啦,一聽就聽到12:30,之後同大家去左mos burger食野,我都係第一次去呢度食,價錢唔平,不過一定好食過麥記,跟住同阿輝返左jc做3y份功課,真係好難,我只係上維基不斷係咁抄,都唔知自己0係度做d咩?一做又做到成20:00,本來諗住今日去block e gym,不過佢地關22:00,所以最後都係決定出返大埔墟,都唔算好欠人既,主要做背,見2頭唔係好痛,今日又係時候做下2頭,比貨呀,想跑步時又比另一個跑左,算數,所以今日係咁集中做2頭,加油呀,夏天就快到了!今日係駿青既annual dinner,最後都係選擇唔去,因為同d人實在未熟,都係唔好理人咁多,0係果邊我只想練好自己既波,為求進步,可以不擇手段,我絕對唔係去呢d唔想去既gathering,唔想賣笑咁假呀!

今天的收穫!

chingtung1222 — Sat, 27 Feb 2010 04:02:56 +0800

琴晚實在太夜訓了,所以最後決定今朝唔返,阿輝好勁呀,竟然可以起身返,仲要佢叫我起身,不過我都係唔返了,因為今日都幾多野做,同阿熙一齊走堂,跟住大家都訓到差不多12:00,好勁,之後我就出左去圖書館備課,因為今日教tsa d野我都未準備好,又唔記得帶呢樣果樣,真係唔該哂諛仔幫我拿出黎,同佢食埋野就過海怡了,都預左遲到,但今日約左聽日代我課果個男仔比d notes佢,今日何生又無啦啦黎左,唔理了,今日班學生有dnaughty,有d想鬧佢地,尢其係tommy,真係好多口,不過最後都係忍住口,唔理佢,諗下如果實習時遇倒呢d咁既情況會點?可能我第一次去實習時都要黑起口面,先管後教先得,如果唔係日日勞氣真係好唔掂,人都癲都似,放左之後去左海怡行一陣,呢度如果望海都應該好好住,因為環境真係唔錯,不過只限望南Y舢果邊,之後坐車出上環轉地鐵join eric去上水練波,去到西營盤唔知點解塞車,塞左好耐都唔郁,由於架巴士0係第3條行車線,兩邊都係車,其他人都話要落車,開頭司機都話危險唔比,其實果度的確係危險的,最後司機都係比我地落了,因為好多客都開始出聲,之後同eric入左上水,今晚係駿青練多d,有d我未見過既人,不過有一個好賤,成個場得我一個人執波,死仆街路寶企0係對面場完全唔知做咩?另外一個又只係企波車比fit 波既人,我彈個波比佢都係唔理,賤得佢呀,算,都係做返自己野,叫我去攔網,仲要代eric,即係叫我去獻醜,即刻勁大對比,我地細果班都無咩練過野,好采之後比左我打自由人,死路寶無得打,真係心都涼埋,不過可能我又只係一個代替品,我都好希望可以搵返自己位置,唔想再重蹈覆轍了,不過自己打自由人時又的確打得唔太好,好多一傳都唔得,好差,同eric企埋同一排都死得,保得佢太多,自己d位又失埋,太差了,今日最大既收穫係henry原來都係一個會講野既人,雖然佢細我好多,不過佢都已經中6,應該可以溝通倒卦,同埋睇得出佢唔太鍾意呢隊波,因為佢唔係太想去聽日既gathering,我都好坦白同佢講左話同另外d人唔太熟,而且又唔想social,所以寧願吹水話返工都唔去了,叫佢幫我保守秘密,可能因為咁,同佢希望可以有多d話題啦,始終同佢都叫做隊友,練完教練好快走左,我都唔同佢地食野了,快d返屋企,聽日又要早起聽學障個talk!